Skip to main content

चिकन विंग्ज

लेखक स्वाती२ यांनी शुक्रवार, 22/01/2010 19:01 या दिवशी प्रकाशित केले.
२४ जानेवारी. इंडियानापोलिस कोल्ट्स विरुद्ध न्युयॉर्क जेट्स. फुटबॉल म्हणजे पार्टी टाईम. तेव्हा पार्टी साठी चिकन विंग्ज. साहित्य १२ चिकन विंग्ज २ टे. स्पून बटर १/४ कप ऑल परपज फ्लोर सॉस साठी १ टे. स्पून फ्रँक रेड हॉट सॉस ३ टे. स्पून KC Masterpiece बार्बेक्यु सॉस (तुम्ही तुमच्या आवडीचे वापरु शकता) किंवा १ टे. स्पून बटर , वितळलेले १ टे. स्पून व्हाइट व्हिनेगर २-३ टी स्पून फ्रॅंक रेड हॉट सॉस चिमुटभर मीठ जोडीला सेलरी, ब्लू चीज ड्रेसिंग वगैरे आवडी प्रमाणे. कृती ओवन ४२५ F ला गरम करत ठेवा. चिकन विंग्जचे जॉइंटवर कापुन तीन तुकडे करा. टोकाचा तुकडा टाकून द्या. जास्तीची स्किन कापुन टाका. चिकन विंग्ज पिठात घोळवून घ्या. विंग्जना लागलेले जास्तीचे पीठ झटकुन टाका. मोठ्या झीप लॉक बॅग मधे पीठ घेऊन त्यात विंग्ज टाकुन हलवले तर पसारा न होता हे काम होते. १३x9 च्या पॅन मधे २ टे. स्पून बटर घालुन वितळवा. बटर वितळले की पॅन मधे विंग्ज सिंगल लेयर मधे ठेवा. ओवन मधे २० मिनिटे बेक करा. बाहेर काढुन उलटा आणि पुन्हा २०-२५ मिनिटे बेक करा. बाहेर काढुन पेपर नॅपकिन वर ड्रेन करत ठेवा. एकिकडे सॉसचे साहित्य मोठ्या बोल मधे नीट मिक्स करुन घ्या. त्यात चिकन विंग्ज घालून नीट ढवळा. विंग्जना सर्व बाजूने सॉस लागले पाहिजे. चला तर मंडळी. थंडगार बीयर बरोबर आस्वाद घ्या चिकन विंग्जचा.
वाचने 6097
प्रतिक्रिया 15

प्रतिक्रिया

प्रा.डॉ.दिलीप बिरुटे शुक्रवार, 22/01/2010 19:16
लैच भारी फोटो. और भी आने दो...! -दिलीप बिरुटे

गणपा शुक्रवार, 22/01/2010 20:03
ए१. =P~ माझा आवडता पदार्थ. =P~

निमीत्त मात्र शुक्रवार, 22/01/2010 20:04
भारीच की! तळलेले नसल्याने स्वास्थ्यास तितके हानीकारकही नाहीत. कोल्ट्सचा गेम बघताना नक्की हादडणार. (पण गेम एकतर्फिच होणार असे दिसते आहे!)

विंजिनेर शुक्रवार, 22/01/2010 21:17
आई ग्गं... मेलो... जाता जाता: विंग्स म्ह्टलं की मला बफलो विंग्स दुधाच्या ग्लासमधे बुडवुन खाणारा "यु.. मी... अँड ड्युपरी" मधला निवांत ओवेन विल्सन आठवतो ...

अक्षय पुर्णपात्रे शुक्रवार, 22/01/2010 21:56
स्वातीतै, छान पाकृ.

चित्रा शनिवार, 23/01/2010 00:06
विंग्ज भलतेच छान दिसतायत.

बट्ट्याबोळ शनिवार, 23/01/2010 09:19
इंडियानापोलिस कोल्ट्स विरुद्ध न्युयॉर्क जेट्स म्हणजे मुंबै विरुद्ध कर्नाटक का गं ? का पोलिस विरुद्ध मध्य रेल्वे ? आम्हाला तेवढच माहिती :) आणि भारतात सॉस कुठला वापरू ? बाकी विंग्स मस्तच !!

स्वाती२ शनिवार, 23/01/2010 15:51
>>इंडियानापोलिस कोल्ट्स विरुद्ध न्युयॉर्क जेट्स म्हणजे मुंबै विरुद्ध कर्नाटक का गं ? का पोलिस विरुद्ध मध्य रेल्वे ? सांगता नाही येणार पण इथल्या फुटबॉलची मजा वेगळीच! भारतात असाल तर चायनिज साठी वापरतात तो चिली सॉस वापरता येइल. किंवा दुसरी पद्धत खाली देतेय. १/३ कप सोया सॉस + १/३कप मध + १ टे. स्पून आलं लसूण पेस्ट+ चविप्रमाणे चिली सॉस एकत्र करुन त्यात विंग्ज तासभर मुरवत ठेवायचे. मॅरिनेड म्धुन काढुन पीठात न घोळवता नुसते बेक करायचे. ३० मिनिटे बेक केल्यावर उरलेले मॅरिनेड ब्रश ने लावायचे आणि अजून २० मिनिटे बेक करायचे.

बट्ट्याबोळ शनिवार, 23/01/2010 23:25
स्वातीतै मला दत्तक घे :) पुढच्या रविवारी करुन बघीन !!

स्वाती२ शनिवार, 23/01/2010 15:27
सर्व वाचकांचे आणि प्रतिसादकांचे आभार!

श्रीयुत संतोष जोशी रविवार, 24/01/2010 08:33
एकदम खल्लास. हे राज्यं व्हावे ये तो श्रींची इच्छा.

सुनील रविवार, 24/01/2010 13:05
कोंबडीत माझी पहिली पसंती असते ती तिच्या तंगड्यांना! पण हे विंग्सदेखिल छान दिसताहेत! थंडगार बीयर बरोबर आस्वाद घ्या चिकन विंग्जचा हे छानच! बाकी मॅच बघताना काही खायचे-प्यायचे तर, त्रयस्थाच्या भूमिकेत रहायला हवे, तरच खाण्यापिण्यात समतोल राहतो! नाहीतर, "आपली" टीम जिंकत असेल तर, खाणे जास्त होते आणि हरत असेल तर, पिणे जास्त होते! Doing what you like is freedom. Liking what you do is happiness.

प्रभो मंगळवार, 26/01/2010 23:27
मस्त...कधी येऊ खायला?? --प्रभो ----------------------------------------------------------------------- काय सांगावे स्वतः विषयी,आहात तुम्ही सूज्ञ !! एका सारखे एकच आम्ही,बाकी सगळे शून्य !! प्रभोवाणी