मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव

पंजाबी समोसा

गणपा · · पाककृती
चला मंडळी चहाची चेळ झालीये. वाफाळणार्‍या चहा सोबत मस्त गरमा गरम समोसे हाणु. साहित्यः ३-४ मध्यम आकाराचे बटाटे उकडुन, थोडेसे कुस्करुन. १/२ वाटी हिरवे वाटाणे /मटार. (जर हिरवे कडक वाटाणे असतील तर ते पण ऊकडुन घ्या.) १ चमचा आल-लसणाची पेस्ट. १ चमचा लाल तिखट. १ चमचा धणे पुड. १ चमचा जिरे पुड. १ चमचा गरम मसाला. १/२ चमचा हळद. १ चमचा जिरं. १ चमचा शहाजिरं. १ चमचा धणे. मीठ चवीनुसार. १-२ वाट्या मैदा. तळण्यासाठी तेल. कृती: एका भांड्यात २ चमचे तेल तापवुन त्यात जिर्‍याची फोडणी करावी. कुस्करलेले बटाटे, वाटाणे आणि वरील सगळे मसाले टाकुन सारण परतुन घ्या. एक वाफ काढुन सारण आचे वरुन उतरवा. मैद्यात गरजे नुसार मोहन(तापवलेले तेल), मीठ, शहाजिरं,पाणी टाकुन पीठ मळुन घ्या. १५-२० मिनीट झाकुन ठेवा. पिठाचा एक छोटा गोळा घेउन थोडी लंबगोलाकार पुरी लाटुन घ्या. आणि सुरीने तिचे दोन भाग करा. सर्व कडांना पाणी लावुन कोनच्या आकारात वाळुन घ्या. आत सारण भरुन समोस्याच्या कडा पण पाणी लावुन सीलबंद करा. कढईत समोसे बुडतील इतपत तेल घेउन मध्यम आचेवर खरपुस तळुन घ्या.
वाचने 19798 वाचनखूण प्रतिक्रिया 32

चिरोटा Wed, 01/20/2010 - 16:18
सहज सुंदर पाकृ !. सामोसे बनवणे बरेच किचकट असेल असे वाटले होते. मैदा वगळला तर बाकी सामान आहे. ह्या आठवड्यात प्रयत्न करतो. हे पंजाबी सामोसे ना? मराठी सामोसे वेगळे बनवतात का? आतले सारण वेगळे असावे. (सामोसा-पेप्सिकोला प्रिय)भेंडी P = NP

चिरोटा गुरुवार, 01/21/2010 - 03:20
सामोस्याचे आवरण/सारण बर्‍याच ठिकाणी पंजाबी सामोस्यापेक्षा वेगळे असते.सामोसा पाव (मराठी)गाड्यांवर मिळतो तो सामोसा पंजाबी नसतो. भेंडी P = NP

चिऊ Wed, 01/20/2010 - 16:14
खुप छान्. नक्कि करुन पहाणार्...छायाचित्र पाहुनच पाणी सुटले..पण आत्ता फक्त चहा वरच समाधान मानावे लागले :-(

चतुरंग Wed, 01/20/2010 - 17:38
एकतर तू काही करणार नाहीस आणि वर परत आमच्या गणपाला आर्डरी सोडतोस होय? ~X( आम्ही काय कधी लागोसला जाऊ शकणार नाही असं वाटतंय का तुला? ;) (सध्या ऐदी नसलेला)चतुरंग

बिपिन कार्यकर्ते गुरुवार, 01/21/2010 - 09:49
मालक, लागोसला काय कोणीही जाऊ शकतो हो... पण गणपाच्या घरी मुक्काम करून मस्त जेवणखाण चापायला मात्र केवळ भाग्य लागतं... ते कुठून आणाल तुम्ही? ;) बिपिन कार्यकर्ते

निमीत्त मात्र गुरुवार, 01/21/2010 - 20:29
अवांतर पुरे आता! दोन संपादकच अवांतर गप्पा मारू लागले की सदस्यांना मोकळे रानच मिळेल. अवांतर गप्पा मारण्यासाठी सध्या 'इतर' सोयी उपलब्ध आहेत, त्याचा का लाभ घेत नाही?

३_१४ विक्षिप्त अदिती Fri, 01/22/2010 - 15:58
आणि गणपाच्या पाकृ टाकून इतरांना खिजवण्याच्या/जळवण्याच्या तत्परतेबद्दल त्याला बोल लावावेत तेवढे कमीच आहेत. गणपाचा निषेध! अदिती

झकासराव Wed, 01/20/2010 - 17:30
गणपा तु पुण्यात का जॉब करत नाहीस रे????? तुझी भेट झाली असती सारखी आणि मग फर्माइश करता आली असती. :)

चतुरंग Wed, 01/20/2010 - 17:41
माझा कॅलरीज आटोक्यात ठेवण्याचा प्रयत्न तू शेवटी सामोश्याला मिळवलास तर!! :S आता शनिवारी मे हे ट्राय करणारच! =P~ (पंजाबी)चतुरंग

स्वाती२ Wed, 01/20/2010 - 17:59
काय हे गणपा! माझा नव्या वर्षाचा संकल्प आणि आता हे सामोसे.. किती ठरवलं तरी तुम्ही पाकृ टाकली की बघितल्या शिवाय राहावतही नाही.

प्रभो Wed, 01/20/2010 - 19:43
चालू द्या गणपाशेठ...जास्त काही लिहीत नाही. --प्रभो ----------------------------------------------------------------------- काय सांगावे स्वतः विषयी,आहात तुम्ही सूज्ञ !! एका सारखे एकच आम्ही,बाकी सगळे शून्य !! प्रभोवाणी

रेवती Wed, 01/20/2010 - 22:05
मस्त पाकृ! तू कसला आहेस गणपा! स्वातीताईनं मागच्या वर्षी दिलेली सामोश्यांची पाकृ आठवली. रेवती

दिपाली पाटिल गुरुवार, 01/21/2010 - 12:48
मस्त दिसतायत समोसे...कधीतरी पट्टी समोश्याची पाकृपण टाका, मी बरीच शोधली पण मनासारखी नाही मिळाली आता तुम्हीच टाका... दिपाली :)

परिकथेतील राजकुमार गुरुवार, 01/21/2010 - 13:31
ह्या गणपाचे खाते उडवा म्हणून अजुन किती बोंबा मारायच्या ?? काय रे ए गणपा ? अजुन किती दिवस इथेच राहणार आणी आमच्या डोक्यावर मिरे वाटणार ? ©º°¨¨°º© परा ©º°¨¨°º© आमचे राज्य

आशिष सुर्वे गुरुवार, 01/21/2010 - 17:09
गणपा भाऊ, एका गोष्टीचे कैतुक करावेसे वाटते.. एरवी करायला आणि दिसायलाही कठीण वाटणार्‍या पाककृती, तुझ्या हातून, तुझ्या लेखात इतक्या सोप्या होऊन जातात की मनाला वाटत रहाते.. अर्रेच्या, हा पदार्थ एव्वढा सोप्पा आहे!! मानले ब्वा आपल्याला!! एशे ओगा!! - कोकणी फणस

वाहीदा Fri, 01/22/2010 - 13:33
एरवी करायला आणि दिसायलाही कठीण वाटणार्‍या पाककृती, तुझ्या हातून, तुझ्या लेखात इतक्या सोप्या होऊन जातात की मनाला वाटत रहाते.. अर्रेच्या, हा पदार्थ एव्वढा सोप्पा आहे!! आता कुठली ही पाकृ कठीण वाटली की मग एकच सूर ... गणपासे पूछ् लूंगी ... B) अल द पाकृस आर सो डाम ईजी ... It's so coool !! ~ वाहीदा

मदनबाण गुरुवार, 01/21/2010 - 21:22
गणाभाऊ माझा हा लयं आवडता पदार्थ हाय... :) मदनबाण..... At the touch of love everyone becomes a poet. Plato

jaypal Fri, 01/22/2010 - 18:23
नेहमी प्रमाणे कठीण पा.कृ. सोपी करुन सांगीतलीस आणि फोटोने नेत्रसुख मिळाले. मला समोसे तर आवडतातच पण रगडा किंवा छोले समोसा पण आवडतो.एके काळी (ठाण्यात) फक्त इंटर्व्हलच्या वेळेस समोसे खाण्यासाठी थेटरात जात असे (नंतर कळल कि ते सायन-गुरुकृपाचे समोसे असतात म्हणुन) समोसापाल समजोता समोसे करलो, समजोता समोसे करलो :-) *************************************************** दुरितांचे तिमीर जोवो/विश्व स्वधर्मसुर्ये पाहो/जो जें वाछील तो तें लाहो/प्राणिजात/