Skip to main content

लो फॅट पनीर

लेखक स्वाती२ यांनी सोमवार, 23/11/2009 19:23 या दिवशी प्रकाशित केले.
मिपावरील पनीर वाल्या पाककृती पाहून खायचा मोह अनावर झाला तेव्हा मी शेवटी काही लो फॅट पर्याय शोधायला सुरुवात केली. बरीच शोधाशोध केल्यावर शेवटी हे लो फॅट पनीर मिळाले. माझ्यासारखे पनीर पाहून नुसतीच लाळ गाळणारे कोणी मिपाकर असल्यास त्यांनाही उपयोगी पडेल म्हणून इथे कृती देतेय. साहित्य १६ कप १% दूध २ कप स्किम मिल्क पावडर १/३ कप व्हाईट व्हिनेगर कृती मोठ्या पातेल्यात दूध आणि मिल्क पावडर एकत्र करुन गॅस वर गरम करायला ठेवा. उकळी आली की त्यात व्हिनेगर घालून नेहमी सारखे पनीर करा.
वाचने 5769
प्रतिक्रिया 9

प्रतिक्रिया

सूहास (verified= न पडताळणी केलेला) सोमवार, 23/11/2009 19:31
??????? फोटु सू हा स...

स्वाती२ सोमवार, 23/11/2009 19:52
च्च! पनीरचा काय फोटो टाकायचा. त्यातून टाकाला असता पण मी केलेलं पनीर फ्रीजरमधे आहे.

jaypal सोमवार, 23/11/2009 20:14
सौजन्य :- तरला द्लाल **************************************************** दुरितांचे तिमीर जोवो/विश्व स्वधर्मसुर्ये पाहो/जो जें वाछील तो तें लाहो/प्राणिजात/

गणपा सोमवार, 23/11/2009 19:44
१६ कप १% दूध किती किलो पनीर तयार होते या पासुन?

स्वाती२ सोमवार, 23/11/2009 20:04
वजन कुणी केलेय ? :) मी नेहमीच १ गॅलनचे पनीर करते. साधारण ७-८ इंचाच्या पनीरच्या चाकाचे ४ तुकडे कापून फ्रीजरला टाकते. १ तुकडा ३ जणांच्या एकवेळच्या जेवणाला वापरते.

चित्रा मंगळवार, 24/11/2009 05:12
उपयुक्त माहिती आहे. एकदाच पनीर घरी करण्याचा खटाटोप केला होता. बाहेरचे मिळते, पण घरातल्याची चव वेगळीच.

शाहरुख मंगळवार, 24/11/2009 05:48
१.>>नेहमी सारखे पनीर करा म्हणजे कसे ? २. दूधाबरोबर मिल्क पावडर पण ? ३. होल (whole) मिल्क वापरल्यास फॅटदार पनीर होईल ना ? ४. व्हिनेगर ऐवजी लिंबाचा रस चालणार नाही का ? माझ्यातील भोळ्याभाबड्या स्वयंपाक्याने कच्च्या दूधात लिंबाचा रस पिळून थोडा वेळ तसेच ठेवले होते आणि मग फडक्यातून घट्ट पिळून घेतले होते पण तो प्रयत्न फसला होता. आणि बाहेरून पनीर विकत आणणे परवडत नाही हो :-D

स्वाती२ मंगळवार, 24/11/2009 07:35
१. पनीर साठी हा व्हिडियो बघा. http://www.youtube.com/user/Manjulaskitchen#p/search/5/acROvuObr-Q २. १% दूध नुसतं वापरलं तर खूप कमी पनीर तयार होते म्हणून मिल्क पावडर+ दूध ३. हो. फॅटवालं पनीर होईल. ४. लिंबू रस चालेल. देशात मी तेच वापरायचे. इथे लिंबू मिळतेच असे नाही म्हणून व्हिनेगर वापरते.