Skip to main content

रगडा पॅटीस

लेखक श्रद्धा. यांनी गुरुवार, 19/11/2009 12:11 या दिवशी प्रकाशित केले.
साहित्य : पांढरे वाटाणे १/४ किलो , चिंच ५० ग्रॅम, गुळ २०० ग्रॅम, आले - लसुण पेस्ट ६ साधे चमचे, मिरची पेस्ट १ चमचा, बटाटे मध्यम ५ ते ६ , ब्रेड स्लाइस ४, पंजाबी गरम मसाला ४ साधे चमचे, तिखट (कांदा लसणीचे ) चवीप्रमाणे,मीठ चवीप्रमणे,ह्ळ्द, हिंग, तेल,कांदा चिरलेला - २ वाटी, शेव, कोथिंबीर वाटाणे भिजत घालुन ते भिजल्यावर चांगले मॅश करता येतील असे शिजवुन घ्या. बटाटे उकडुन मॅश करुन घ्या. मॅश केलेल्या बटाट्यामधे मिरची पेस्ट, ३ चमचे आले लसुण पेस्ट, १ चमचा हळद,चिमटभर हिंग घाला. ४ ब्रेड स्लाइस पाण्यात भिजवुन घट्ट पिळुन घेउन मॅश केलेल्या बटाट्यामधे घालुन चवीप्रमाणे मीठ घालुन तेलाचा हात लावुन मळुन घ्या. त्याचे लहान पॅटीस बनवुन तेलावर दोन्ही बाजुनी परतुन घ्या. आता पातेल्यात तेलावर हिंग,हळद,तिखट,आले लसुण पेस्ट, १ वाटी कांदा घालुन मॅश केलेले वाटाणे घाला. त्यात गरम मसाला घाला,गुळ घाला,चिंचेचा कोळ घाला, चवीप्रमाणे मीठ घाला. पाहिजे त्याप्रमाणे पाणी घाला. पण जास्ती पातळ नको. डिश मधे देताना पॅटीस वर वाटाण्याचा रगडा घाला. त्यावर थोडा चिरलेला कांद, कोथिंबीर, शेव घालुन ब्रेड समवेत खायला द्या.
वाचने 13802
प्रतिक्रिया 23

प्रतिक्रिया

पर्नल नेने मराठे गुरुवार, 19/11/2009 12:14
यार फोटो टाक ना ....अजुन मजा येइल. (मिपावर येउन खादाड झालेली) चुचु

टारझन गुरुवार, 19/11/2009 20:03
:) माझी प्रतिक्रिया ?????? असो ... (खादाड असताना मिपावर आलेला) टारझन

प्रभो गुरुवार, 19/11/2009 20:30
फोटो??? प्रतिक्रिया त्यानंतरच --प्रभो ------------------------------------------------------------------------- काय सांगावे स्वतः विषयी,आहात तुम्ही सूज्ञ !! एका सारखे एकच आम्ही,बाकी सगळे शून्य !!

श्रीयुत संतोष जोशी गुरुवार, 19/11/2009 12:34
रेसिपी छानच हो पण फोटो पाहिजे ना. हे राज्यं व्हावे ये तो श्रींची इच्छा.

पक्या गुरुवार, 19/11/2009 13:32
रेसिपी छान आहे पण सगळीकडे तो स्मॅश शब्द वाचून कसेसेच झाले. कुस्करणे , लगदा करणे या अर्थी मॅश (mash) हा शब्द योग्य आहे. स्मॅश (smash) नव्हे. स्मॅश म्हणजे कशावरती जोरात आदळून तुकडे होऊन फुटणे. टेनिस मध्ये स्मॅश्ड हिट हा शब्द्प्रयोग वापरतात तिथे जोरदार फटका या अर्थी तो शब्द आहे. आणि खरेतर स्मॅश शब्द वापरायची गरजच काय ते काय कळत नाही.- उगाच नको तिथे विंग्रजी. -जय महाराष्ट्र , जय मराठी !

पक्या गुरुवार, 19/11/2009 14:44
:) - धन्यवाद जय महाराष्ट्र , जय मराठी !

श्रद्धा. गुरुवार, 19/11/2009 14:47
राजकुमारा प्रतीसाद फ़ोटु पाहुन देणार की खाउन देणार ते सांग आधी...

jaypal गुरुवार, 19/11/2009 15:14
तात्याच्या हाटेलात आपले स्वागत "प्रतीसाद फ़ोटु पाहुन देणार की खाउन देणार ते सांग" कधि बोलवता? रगडा हादडायला एका पायावर तयार (फोटो म्हणजे त्यातल्यात्यात रगड्याची चव फोटो वर भागवायची) तोवर फक्त हा रगडा घ्या पॅटीस नंतर हावरट जयपाल *************************************************** दुरितांचे तिमीर जोवो/विश्व स्वधर्मसुर्ये पाहो/ जो जें वाछील तो तें लाहो/प्राणिजात/

भाग्यश्री कुलकर्णी गुरुवार, 19/11/2009 13:45
माझी आवडती डिश आहे ही.

श्रद्धा. गुरुवार, 19/11/2009 14:42
मंडळी नविनच आहे हो मी इथे.... समजुन घ्या ना... माहित नव्हते मला पुढच्यावेळी फ़ोटु नक्की.......

गणपा गुरुवार, 19/11/2009 15:13
चलता है हो श्रद्धातै. मिपाकर अस्सल खवैय्ये आहेत. त्यामुळे वाचता वाचता जर फोटु पण असेल तर क्या केहेने.... पाककृती जास्तच खुमासदार होते.

टारझन गुरुवार, 19/11/2009 15:56
मंडळी नविनच आहे हो मी इथे.... समजुन घ्या ना... माहित नव्हते मला पुढच्यावेळी फ़ोटु नक्की.......
एवढ्या सोज्वळ मागणीचे आम्ही स्वागत करतो आणि आमच्या सर्व मित्र-मैत्रिणींना(काका अजोबांची गरज नाही , ते करतीलच) श्रद्धा.(डॉट) ह्यांना समजुन घ्याव .. त्यांच्या ह्या खुलाश्याबद्दल आपण सर्वे जन त्यांना धन्यवाद म्हणूया :) पाककृती आमची आवडती रेशेपी आहे, ह्यात वादंच नाही ... - (मंडळी) बुद्धा

jaypal गुरुवार, 19/11/2009 16:04
सगळ्यांना आवडेल ह "रानमेवा" *************************************************** दुरितांचे तिमीर जोवो/विश्व स्वधर्मसुर्ये पाहो/ जो जें वाछील तो तें लाहो/प्राणिजात/

लवंगी शुक्रवार, 20/11/2009 05:31
तुला कुठून कसे फोटो मिळतात!! रगडा-पॅटिसची रेसीपी मस्तच

टारझन शुक्रवार, 20/11/2009 13:01
तुला कुठून मिळतात असले फोटो चुचुडे? - मन्नाडे

सुप्रिया गुरुवार, 19/11/2009 17:39
रेसिपी आवडली. माझी आवडती डीश आहे ही.

सूहास (verified= न पडताळणी केलेला) गुरुवार, 19/11/2009 17:48
कुल !! फोटोज ??? सू हा स...

स्वाती राजेश गुरुवार, 19/11/2009 19:19
श्रद्धा मस्त आहे रेसिपी, पार्टीच्या वेळी हमखास ही एक डीश करू शकतो. अगोदर करुन ठेवता येते, कमी तिखट केली तर मुले सुद्धा आवडीने खातात. पुढची रेसिपी कधी? :)