आज जास्त काही प्रस्तावना न देता, सरळ मुद्यालाच हात घालतो. श्रिंप इन बोट : (बटर प्राँस् ) साहित्य : ताज्या टायगर प्राँस् (आकडा तुम्हीच ठरवा.) २ मोठे चमचे हिरव वाटण. (मिरची, आलं, लसुण, कोथिंबीर) १/२ चमचा हळद. १/२ लिंबाचा रस १ मोठा चमचा मसाला. काश्मिरी लाल तिखट. मीठ. १ मोठा कांदा बारिक चिरुन. १ कप नारळाच दाट दुध. १०-१२ काजु पाण्यात भिजवलेले. बटर. दाट टॉमेटो प्युरे. १) कोलंबी शेपटी आणि डोक्याच कोत सोडुन साफ करुन घ्या. मध्ये चीर देउन आतला काळा दोरा काढुन घ्या. २) कोलंबीला मीठ हिरव वाटण, हळद, लिंबाचा रस, मसाला लावुन अर्धा एक तास मुरत ठेवा. ३) कांदा काजु एकत्र वाटुन घ्या. ४) पॅन मध्ये १ चमचा बटर वर हे वाटण मध्यम आचेवर परतुन घ्या. मध्ये मध्ये किंचित पाणी टाकुन खाली लागणार नाही याची काळजी घ्या. ५) लाल तिखट आणि टॉमेटो प्युरे टाकुन परत परता. चवी नुसार मीठ टाका. ६) एक कप नारळाच दुध टाकुन परता आणि झाकण लावुन एक वाफ काढा. ७) कोलंब्या टाकुन एकदा परता आणि झाकण ठेवुन ३-४ मिनिटं मध्यम आचवर अजुन १ वाफ काढा.गरजे नुसार पाणी टाकुन रस्सा कमी जास्त दाट ठेवा. ८) वरुन थोड बटर टाकुन चपाती, भाता बरोबर वाढा. ~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~* ग्रिल्ड स्टफ्ड प्राँस् साहित्य : ताज्या टायगर प्राँस् . २ मोठे चमचे हिरव वाटण. (मिरची, आलं, लसुण, कोथिंबीर) १/२ चमचा हळद. १/२ लिंबाचा रस १ मोठा चमचा मसाला. मीठ. सारणा साठी : १ वाटी नारळ, १ चमचा बडीशेप, १ मिरची, कोथिंबिर, असल्यास पुदिन्याची ७-८ पाने, १/४ चमचा साखर, मीठ. वरील सर्व सारणाचे पदार्थ मिक्सर मध्ये वाटुन चटणी बनवुन ठेवा. १) ओव्हन १५० डिग्री से. वर तापवत ठेवा. २) वर सांगितल्या प्रमाणे कोलंबी साफ करुन घ्या. हिरव वाटण, मीठ, मसाला,हळद, लिंबाचा रस लावुन ठेवा. बांबुच्या काड्या घेउन कोलंबीच्या डोक्या पासुन शेपटी पर्यंत खोचा. यामुळे शिजताना कोलंबी सरळच राहील. ३) कोलंबीच्या पाठिवर चीर देउन सारणा साठी जागा करुन घ्या. ४) सारण भरुन ३-४ कोलंब्या बांबुच्या काडिने आडव्या जोडुन घ्या. ओव्हनच्या ट्रेला बटरचा हात फिरवुन घ्या. ब्रश ने कोलंब्यांना पण बटर लावुन घ्या. ५) ट्रे ओवन मध्ये १०-१५ मिनिटे ठेवुन ग्रिल करुन घ्या. मध्येच परत एकदा बटरचा ब्रश फिरवा. ~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*