सळसळणार्‍या फांद्यांवरती शेंगा फिक्क्ट सोनेरी

आईशप्पथ... ॐकार मस्तच. आपल्याला ते गण, आणि त्याचे मीटर, काना-मात्रा इ.इ. गोत वगैरे काही कळत नाही पण जे काही लिहिल॑य...पार भिडल॑ बॉ... मारल॑स रे मित्रा....

नेहमीसारखीच दमदार, गेय कविता. सळसळणार्‍या फांद्यांवरती शेंगा फिक्क्ट सोनेरी नायलॉनच्या दोर्‍यांवरती वाळत पडली पोतेरी कसा बुडाला पलीकडे तो निर्देशांकाचा गोळा? पैसे गेले, अपचन झाले , लागतही नाही डोळा कर्जमाफीच्या लोण्यामध्ये मिश्या बुडवल्या कुणीकुणी! निलाजरा मी ए.सी.मध्ये बसून कविता करणारा शिव्या घालतो भणंग कोणी रस्त्यांवरती फिरणारा हे फारच आवडले. (आस्वादक)बेसनलाडू

ॐकारशेठ, एकदम जबर्दस्त रचना.. मान गये उस्ताद.. एक से एक व्दिपदी.. केशवसुमार.

साध्या सोप्या रोजच्या वापरातील शब्दांचा मस्त वापर. आवडली. कसा बुडाला पलीकडे तो निर्देशांकाचा गोळा? पैसे गेले, अपचन झाले , लागतही नाही डोळा हेच हेच म्हणतो.

ॐकार शेठ जबरा रचना.... "दिसामाजी काही(च्या काही) तरी ते लिहावे" -इनोबा म्हणे

सर्व संदर्भ लागले नाहीत :-( (माझा कमकुवतपणा) पण जितके संदर्भ लागले, जोरकस हिसका देणारे शब्द जाणवले. :-)

ॐकारशेठ, लै म्हन्जे लैच भारी कविता राव! पुण्यभूवरी रस्त्यांवरती फलक लागले कसे झणी! कर्जमाफीच्या लोण्यामध्ये मिश्या बुडवल्या कुणीकुणी! वरील ओळी केवळ खल्लास...!! बा नीलहंसा, बर्‍याच दिवसांनी तुझी जबरा कविता वाचायला मिळाली! आपला, (आनंदीत!) तात्या.

सळसळणार्‍या फांद्यांवरती शेंगा फिक्क्ट सोनेरी नायलॉनच्या दोर्‍यांवरती वाळत पडली पोतेरी वा ओंकार! एकंदर कविता उत्तम झाली आहे!!!!

कविता आवडली, मात्र पहिल्या कडव्यातले संदर्भ नीट समजले नाहीत. निलाजरा मी ए.सी.मध्ये बसून कविता करणारा -- हे वाचून तुझीच 'पांढरपेशी कविता' आठवली.

नंदन
मराठी साहित्यविषयक अनुदिनी

निलाजरा मी ए.सी.मध्ये बसून कविता करणारा शिव्या घालतो भणंग कोणी रस्त्यांवरती फिरणारा ही ओळ शिव्या बोलतो भणंग त्याना रस्त्यांवरती फिरणारा...... बरी वाटेल

माझा पगार मी अजुन माझ्या बायकोलासुद्धा सांगितला नाही.( बहुधा त्य्य्मुळेच मीघरात मला कमी बोलायला मिळते) आपला घरात कमी बोलणारा...विजुभाऊ

ॐकार, पुण्यभूवरी रस्त्यांवरती फलक लागले कसे झणी! कर्जमाफीच्या लोण्यामध्ये मिश्या बुडवल्या कुणीकुणी! तरला तरला पाण्यावरती! पहा मुखवटा चंदेरी! साबण मागत फिरणार्‍यांची पहा उडाली भंबेरी! प्रदेश आले , जाती आल्या, रंग, पंथ अन भाषाही भोग - तेवढा धर्म एकटा! धर्म दुजा कुठला नाही! निलाजरा मी ए.सी.मध्ये बसून कविता करणारा शिव्या घालतो भणंग कोणी रस्त्यांवरती फिरणारा या ओळी एकदम दमदार! कविता खूप आवडली. सोनाली

निलाजरा मी ए.सी.मध्ये बसून कविता करणारा शिव्या घालतो भणंग कोणी रस्त्यांवरती फिरणारा हे आवडलं ;) लगे रहो..... - छोटी टिंगी

तरला तरला पाण्यावरती! पहा मुखवटा चंदेरी! साबण मागत फिरणार्‍यांची पहा उडाली भंबेरी! ह्याचा संदर्भ मात्र मला लागला नाही - सध्याच्या सर्व बातम्या माहीत नसल्यामुळे असेल.. चतुरंग