Skip to main content

चीजकेक

लेखक स्वाती दिनेश यांनी रविवार, 30/08/2009 15:17 या दिवशी प्रकाशित केले.
अनेकानेक प्रकारच्या चीजकेकच्या रेशिप्या उपलब्ध आहेत त्यातील ही एक पाकृ खास टार्‍याच्या बड्डे निमित्त! टारोबाचा बड्डे असल्याने कॅलरींबिलरींचा विचार तात्पुरता बाजूला सारुन कॅलरीबाँब असणारी ही पाकृ देते आहे. साहित्य- १किलो मागर(लो फॅट) क्वार्क/ चक्का/ केफिर लेबनी चीज. कमी फॅटवाला चक्का किवा लेबनी चिज घावे. चक्का किवा लेबनी चीज किवा मागर क्वार्क यातील काहीही एक उपलब्धतेनुसार घेता येईल. २०० ग्राम बटर/मार्गारिन २५० ग्राम साखर १०० ग्राम मैदा,१चिमूट मीठ ६ अंडी २ चमचे वॅनिला अर्क १चमचा बेकिंग पावडर १चमचा लिंबाचा रस+ १/२ लिंबाची साल किसून २चमचे रम मध्ये भिजवलेले मूठभर बेदाणे ( हे ऑप्शनला टाकू शकता) १/२ चमचे ब्रेडक्रम्स किवा मैदा कृती- रममध्ये बेदाणे भिजवून केक ची पुढची कृती करायला घेणे. रम नको असेल तर नुसते बेदाणेही घालता येतील. बेदाणेच नको असतील तर बिनाबेदाण्यांचाही केक करता येईल. टारुका बड्डे है भाई.. आपल्याला हवे तसे ऑप्शन्स घ्या. बटर भरपूर फेटणे. साखर घालून फेटणे,अंडी घालून फेटणे, वॅनिला अर्क घालून फेटणे. लिंबाचा रस व साल घालून फेटणे. मैदा+बेकिंग पावडर+ चिमूटभर मीठ घालून फेटणे. क्वार्क/चीज /चक्का घालून फेटणे. रममधील बेदाणे घालणे व सारखे करणे. केकच्या मोल्डला बटर लावणे. त्यावर ब्रेडक्रम्स/मैदा भुरभुरणे. मोल्ड आपटून जास्तीचा मैदा/ब्रेडक्रम्स बाहेर काढून टाकणे. अवन प्रिहिट करायचा नाही. १६५ ते १७० अंश सेल्शियस ला ७० ते ८० मिनिटे बेक करणे. केक झाला की अवन बंद करुन ५ ते ७ मिनिटे केक अवन मध्येच राहू देणे व नंतर बाहेर काढणे. हॅपी बड्डे टारोबा म्हणून ताव मारणे,:)
वाचने 11240
प्रतिक्रिया 33

प्रतिक्रिया

पर्नल नेने मराठे रविवार, 30/08/2009 15:21
हेय काय्...फोटो काढेपर्यन्त पण टारुला धिर नाहि का ;) लगेच खाउन मो़क्ळा. मस्त्च केक ;) चुचु

सुबक ठेंगणी रविवार, 30/08/2009 16:28
सही आहे फोटो आणि पा.कृ. आता करायला सांगीन कुणालातरी माझ्या बड्डेला आणि मी तिथे हजर असताना :) पर्नलताई...केक टारूने खाल्ला नसेल...स्वातीताईंनी त्याच्यासाठी काकबली काढून ठेवला असेल! :)

सहज रविवार, 30/08/2009 16:13
लै भारी! मी मधे उत्साहाने सगळे साहीत्य आणले होते पण करायला वेळ झाला नाही व सगळे साहीत्य इतर कशात तरी वापरले गेले. :P चलो कॅलरीबाँब नसणारी ही पाकृ मी देईन टारुच्या पुढच्या बड्डे पर्यंत ;-)

सुनील रविवार, 30/08/2009 17:57
खरं म्हणजे चीझकेक माझा आवडता पण कॅलरीमुळे मुद्दामूनच चार हात लांब राहतो. पण आता एकदा तरी चव घ्यायला हरकत नाही, असे वाटते! Doing what you like is freedom. Liking what you do is happiness.

बिपिन कार्यकर्ते रविवार, 30/08/2009 18:24
जाऊ दे... बिपिन कार्यकर्ते

ऋषिकेश रविवार, 30/08/2009 18:32
वा जबरी!!!!! ओव्हन मायक्रोवेव्ह असल्यास किती वेळ ठेवावा? (तेव्हा ७०-८० मिनिटे खूप जास्त वाटतात) टारोबाला वाढदिवसाच्या हार्दिक शुभेच्छा! ऋषिकेश ------------------ संध्याकाळचे ६ वाजून ३२ मिनीटे झालेली आहेत. चला आता ऐकूया एक बडबडगीत "पॅट अ केक पॅट अ केक बेकर्स मॅन...."

स्वाती दिनेश सोमवार, 31/08/2009 12:21
मायक्रोवेव + कनव्हेक्शन असेल तर कन्वेक्शन मोड वर ठेवून साध्या अवन प्रमाणे वापरणे.म्हणजेच साध्या अवन मध्ये जितका वेळ लागतो साधारण तितकाच वेळ त्यातही लागतो आणि केक उत्तम होतो, साध्या मायक्रोवेव (बिना कन्व्हेक्शनचा) मध्ये जर केक केला तर त्याला ब्राऊनिंग येत नाही आणि कधी कधी केक आतून होतो पण बाहेरुन सॉगी रहातो.(वाफ धरल्यामुळे) स्वाती

टारझन रविवार, 30/08/2009 23:24
कोटि कोटि धन्यवाद स्वाती तै ... एक मागणी क्षणात पुर्ण :) आज केक खाताना तुमची आठवण काढली होतीच !! :) शोधतंच होतो कुठे आपल्या केकची पाकृ दिसते का ते .. आणी दिसली !! चिझ केक के व ळ अ प्र ति म :) - (केकप्रेमी) टारोबा बेकर

आशिष सुर्वे सोमवार, 31/08/2009 01:05
ह्या 'ना-चीज' ला 'चीज' आणि 'केक' ह्या दोन्ही गोष्टी आत्यंतिक प्रिय आहेतच.. त्यात 'चीजकेक' म्हणजे 'मोक्ष'च म्हणा ना! आपले आभार! - कोकणी फणस ''आयुष्य ही देवाच्या हातची मिसळच जणू.. सुख-दु:खाची!''

प्राजु सोमवार, 31/08/2009 05:06
एक शंका... लेबनी चीज दिसतं कसं? चक्क्या सारखं का? ग्रोसरी स्टोअर्स मध्ये डेअरी प्रॉड्क्टस च्या फ्रिज मध्ये पहायचं का? - (सर्वव्यापी)प्राजु http://praaju.blogspot.com/

स्वाती दिनेश सोमवार, 31/08/2009 11:20
अमेरिकेत कोणत्या सेक्शन मध्ये मिळतं ठाउक नाही पण कदाचित डेअरी विभागात मिळावे, सुपरमार्केटात फ्रेश चीज ज्या सेक्शन मध्ये मिळतात तेथे पहा प्राजु, स्वाती

चतुरंग सोमवार, 31/08/2009 06:48
के व ळ अप्रतीम! :) (खुद के साथ बातां : इथून पुढं भारतात जातायेताना केवळ लुफ्तांसानेच जावे की काय, म्हणजे फ्राफुला एक टप्पा टाकून केक आणी तत्सम पाकृ पार्सलनेच नेता येतील! ;)) (धोरणी)चतुरंग

दिपाली पाटिल सोमवार, 31/08/2009 06:59
वा..सुरेख... ही वेगळी पाकृ आहे...छान दिसतोय केक आणि यावर फ्रॉस्टींग केली तर सर्वींग साईझ १ टेबलस्पून होइल बहुतेक :D (ह.घे.) दिपाली :)

रेवती सोमवार, 31/08/2009 07:47
सुंदर केक! तोंडाला पाणी सुटले. टार्‍याची मजा आहे. दणक्यात वाढदिवस साजरा झालेला आहे. रेवती

दशानन सोमवार, 31/08/2009 08:37
हॅ हॅ हॅ ! आधी मोदकांची पाठी पडलो आहे... आता काय केक च्या पडू काय :? कोणी तरी मीपावर कोर्स चालू करा रे.... :) गुड न्युज.... काल मी किचन मध्ये गेलो होतो... मोदक करण्यासाठी :D

चतुरंग सोमवार, 31/08/2009 10:00
का 'मोडक' झाले? (सूचना - कृपया श्रावण मोडक साहेबांनी मनाला लावून घेऊ नये! ;) ) (सूचक)चतुरंग

दिपाली पाटिल मंगळवार, 01/09/2009 13:01
>>कोणी तरी मीपावर कोर्स चालू करा रे.... :S :T म्हणजे मिपावर दिलेल्या पाकृ नुसत्याच बघता की काय??? :/ दिपाली :)

सोनम शनिवार, 19/09/2009 15:31
केक छान आहे. आणी फोटो तर त्याच्या पेक्षा उत्तम :) :) कोणी तरी मीपावर कोर्स चालू करा रे.... तु केला तर काही हरकत आहे का.? :? :? काल मी किचन मध्ये गेलो होतो... किचनची अवस्था कशी आहे... :( :( मोदक करण्यासाठी =)) =)) तुला मोदक येतात राजे. माहित नव्हते आम्हाला

विसोबा खेचर सोमवार, 31/08/2009 09:00
लै भारी... तात्या.

कपिल काळे सोमवार, 31/08/2009 10:20
मस्त केक. रम मध्ये भिजवलेले बेदाणे- हे तर लैच भारी!!

आशिष सुर्वे सोमवार, 31/08/2009 11:31
माझ्या एक वर्षाच्या 'नायजेरीया'तील वास्तव्यात बर्‍याच लेबनीज पाककॄती खाण्याचा योग आला होता. त्यात 'Hummus' (किंवा 'Hummus be Tahini'), 'Kushary', 'Tabbouleh', हे काही पदार्थ होते. लेबनीज चीज हे एक प्रकारचे जाडसर क्रीमचे चीज असते. त्याला 'Labneh Cheese' असे नाव आहे. ह्यात थोडे मसाले असतात. आणि पारंपारिक लेबनीज जनतेत 'ति़खट' चवीचेच 'Labneh' चीज लोकप्रिय आहे. मी खाल्लेले लेबनीज चीज हे थोडे पिवळसर होते आणि थोडेसे तिखट होते. - कोकणी फणस ''आयुष्य ही देवाच्या हातची मिसळच जणू.. सुख-दु:खाची!''

स्वाती दिनेश मंगळवार, 01/09/2009 12:09
तिखट चीज केकसाठी घेऊन उपयोग नाही. केफिर लेबनी चीज किवा क्रिम चीज (फिलाडेल्फिया क्रिम चीज) घ्या. स्वाती

स्मिता श्रीपाद सोमवार, 31/08/2009 12:04
सही ग स्वातीताई.... कसला भारी फोटु आहे.. (केकसाम्राज्ञी स्वातीताई की जय...) :-) -स्मिता

शाल्मली सोमवार, 31/08/2009 15:37
मस्त फोटो!! चीज केक.. नाव आणि फोटो बघूनच वजन वाढल्यासारखं वाटतंय.. त्यामुळे प्रत्यक्ष करण्याची हिम्मत बहुधा होणारच नाही. ;) दिसतोय मात्र खूपच छान! --शाल्मली.

लिखाळ सोमवार, 31/08/2009 17:18
वा .. मस्त चित्र आणि मस्त पाकृ !! :) -- लिखाळ.

वैशाली हसमनीस मंगळवार, 01/09/2009 11:44
स्वाती,केक सुंदरच दिसतो आहे पण तो तुझ्यासाठी व दिनेशसाठी नाही हे लक्षात ठेवावे बरे !

स्वाती दिनेश गुरुवार, 03/09/2009 12:11
सर्व खवय्यांना धन्यवाद, केक कॅलरीबाँब आहे खरा, पण मागरक्वार्क वापरुन त्यातल्या क्यालरी थोड्या कमी करण्याचा प्रयत्न केला आहे आणि ख्रिस आणि दिनेशचा फंडा तर सर्वांनाच वापरता येईल,. (आइन स्ट्युक= आइन किलोमेटर ) म्हणजे केकचा एक मोठा तुकडा खाणे आणि १ किमी धावणे. क्यालरींचा हिशेब तिथल्यातिथेच पूर्ण,:) स्वाती

बिपिन कार्यकर्ते गुरुवार, 03/09/2009 18:53
म्हणजे केकचा एक मोठा तुकडा खाणे आणि १ किमी धावणे. क्यालरींचा हिशेब तिथल्यातिथेच पूर्ण,
कायप्पण हां उग्गाच... रोज १०-१२ किलोमीटर धावायला कसे जमणार? बिपिन कार्यकर्ते

चतुरंग गुरुवार, 03/09/2009 20:40
अहो असला सॉल्लीड केक चोपल्यावर मला जेवणाच्या टेबलापासून उठताही येत नाही, धावतोय कुठला डोंबलाचा! धावणार स्वप्नात!! आणी खरं सांगू का, हे असले केक जर खायचेच असतील ना तर साला त्या कॅलरीजचा विचार करुच नये. हे काय आपण रोज रोज खातो का? मग होऊन जाऊद्या हं, हाण रंग्या! ;) (गठ्ठा)चतुरंग

स्वाती२ गुरुवार, 03/09/2009 18:51
मस्त पाकृ. मात्र सद्धया नुसता फोटोच बघणार.