Skip to main content

(अधिकार)

लेखक केशवसुमार यांनी बुधवार, 12/03/2008 20:12 या दिवशी प्रकाशित केले.
आमची प्रेरणा मिलिंद फणसे यांची सुरेख गझल अधिकार किर्र आहे रात्र आणिक केव्हढा अंधार आहे घोरण्याचा हा स्वयंभू लावला गंधार आहे कालवर होते जरी हे वाकडे ह्या अक्षरांचे मस्तकी त्या आज पदव्यांचीच संततधार आहे चार रंगांनी बघा बदले कशी दृष्टी जगाची आज जे ऍटिक ठरले कालचे भंगार आहे भाव थोडे वेगळे डोळ्यात माझ्या पाहिले अन लाज थोडी, घाबरे तो काय ही करणार आहे वाट रुळलेली कशाला चालुया दोघे पुन्हा ही ह्या प्रवासाने जगाचे मोडले संसार आहे मी कशाला आज सोडू सांग ह्या गझलेस सुंदर ? जर विडंबन पाडण्याचा "केशवा" अधिकार आहे
वाचने 6304
प्रतिक्रिया 14

प्रतिक्रिया

विजुभाऊ बुधवार, 12/03/2008 20:16
कालवर होते जरी हे वाकडे ह्या अक्षरांचे मस्तकी त्या आज पदव्यांचीच संततधार आहे या पेक्षा कालवर होते जरी वाकडे अक्षरांशी मस्तकी त्या आज पदव्यांची धार आहे......हे मीटर मधे बसते

धम्मकलाडू गुरुवार, 20/03/2008 12:48
कालवर होते जरी वाकडे अक्षरांशी मस्तकी त्या आज पदव्यांची धार आहे......हे मीटर मधे बसते » हाहाहाहा. तुमचं पार मीटररीडिंग चुकलेलं दिसतं. धम्मकलाडू "तुझं वाचन किती? तू बोलतोयस किती?" "तुझा पगार किती? तू बोलतोयस किती?"

धम्मकलाडू गुरुवार, 20/03/2008 17:57
...प्रतिसाद कुठे गेले!:)::) बाबांची तक्रार घेऊन इनोबा तात्यांकडे गेलेले दिसतात.... (बापमाणूस) धम्मकलाडू "तुझं वाचन किती? तू बोलतोयस किती?" "तुझा पगार किती? तू बोलतोयस किती?"

इनोबा म्हणे गुरुवार, 20/03/2008 18:12
मला कुणाकडेही तक्रार करायची गरज नाही.शेळपट कोण आहे ते सर्वांना माहीत्र आहे.स्वतःच्या नावाने लिहीणारा की स्वतःचे नाव लपवणारा? तुमच्या नमोगतावर काय करतात ?इथे प्रतिसाद प्रसिद्ध तरी होतो,तिथे तर आधीच उडवला जातो. इथं तुम्हा नमोगत्यांच्या बापाचे बाप ही तुला सापडतील. "दिसामाजी काही(च्या काही) तरी ते लिहावे" -इनोबा म्हणे

आणिबाणीचा शासनकर्ता गुरुवार, 20/03/2008 18:28
धम्मकलाडूंचा येथील प्रतिसाद उडवला आहे. ...प्रतिसाद कुठे गेले!:)::) बाबांची तक्रार घेऊन इनोबा तात्यांकडे गेलेले दिसतात.... तुमच्या नमोगतावर काय करतात ?इथे प्रतिसाद प्रसिद्ध तरी होतो,तिथे तर आधीच उडवला जातो. इथं तुम्हा नमोगत्यांच्या बापाचे बाप ही तुला सापडतील. धम्मकलाडू आणि इनोबांना दोघांनाही जाहीर मारामार्‍या करण्याची एकेक संधी देण्यात आली आहे व समसमान न्याय केला आहे! कृपया पुढील मारामार्‍या एकमेकांच्या खरडीत किंवा एकमेकांना पोष्टकार्ड पाठवून करा. इतर लोकांना मूळ काव्याचा आस्वाद घेता यावा या करता हे पाऊल उचलले आहे! -- जनरल डायर.

इनोबा म्हणे बुधवार, 12/03/2008 20:34
मस्त रे केशवा! आज काय छापखाना चालू केला काय :० मी कशाला आज सोडू सांग ह्या गझलेस सुंदर ? जर विडंबन पाडण्याचा "केशवा" अधिकार आहे अगदी बरुबर.. "दिसामाजी काही(च्या काही) तरी ते लिहावे" -इनोबा म्हणे

सुधीर कांदळकर बुधवार, 12/03/2008 21:13
आज जे ऍटिक ठरले कालचे भंगार आहे आजचा 'कल' (ट्रेंड) बरोबर पकडला आहे. 'संततधार खासच आहे. मजा आली. शुभेच्छा.

वरदा बुधवार, 12/03/2008 21:34
अँटीक म्हणायचय ना तुम्हाला? ऍटीक म्हणजे माळा ज्यावर सगळ्या घरातल्या नको असलेल्या गोष्टी नेऊन टाकतो तो..... बाकी विडंबन नेहेमीप्रमाणे झकास...तुम्ही एक कविता पाहिली की किती वेळात विडंबन करता? ५ मिन. खूप होत असतील नाही...

इनोबा म्हणे गुरुवार, 13/03/2008 01:10
तुम्ही एक कविता पाहिली की किती वेळात विडंबन करता? ५ मिन. खूप होत असतील नाही... नाही हो! खरे तर केशव आधी विडंबने पाडतो आणि नंतर लोक त्याच्यावर कविता रचतात.:( बाकी वरदाताई बर्‍याच दिवसानी दिसत आहेत. काय घरी खुप काम असते वाटतं? "दिसामाजी काही(च्या काही) तरी ते लिहावे" -इनोबा म्हणे

केशवसुमार गुरुवार, 13/03/2008 16:57
वरदाताई, मनोगत आणि मिसळपावच्या टंकलेखन खिडकीतली ही तांत्रिक चूक आहे.. मनोगतावर 'अँटीक' टंकित करून ते इथे चिकटवले की 'ऍटीक' का दिसते कोणास ठाऊक.. (बुचकळ्यात)केशवसुमार

विसोबा खेचर गुरुवार, 13/03/2008 07:13
मी कशाला आज सोडू सांग ह्या गझलेस सुंदर ? जर विडंबन पाडण्याचा "केशवा" अधिकार आहे केशवा, आपण मानतो बुवा तुझा अधिकार! मस्त विडंबन... तात्या.

केशवसुमार गुरुवार, 13/03/2008 16:58
प्रतिसाद दिलेल्या आणि प्रतिसाद न दिलेल्या सर्व वाचकांचे मनापसून आभार!! (आभारी) केशवसुमार

प्राजु शुक्रवार, 14/03/2008 08:16
किर्र आहे रात्र आणिक केव्हढा अंधार आहे घोरण्याचा हा स्वयंभू लावला गंधार आहे हेच आवडले.. उशिरा प्रतिसाद दिल्याबद्दल क्षमस्व.. थोडिशी बिझी आहे आजकाल.. - (सर्वव्यापी)प्राजु

मनस्वी गुरुवार, 20/03/2008 15:08
किर्र आहे रात्र आणिक केव्हढा अंधार आहे घोरण्याचा हा स्वयंभू लावला गंधार आहे
आवडले!