Skip to main content

पुन्हा

लेखक क्रान्ति यांनी रविवार, 09/08/2009 15:30 या दिवशी प्रकाशित केले.
वाटते भय का प्रकाशाचे पुन्हा? वाहती वारे विनाशाचे पुन्हा यायचे नव्हते तुला येथे कधी, का बहाणे हे खुलाशाचे पुन्हा? वादळाहातीच ज्याचे होडके, कोण साथी त्या प्रवाशाचे पुन्हा? कोरडे रडणे, उमाळे बेगडी, दु:ख का फसवे उसाशाचे पुन्हा? सोंगट्यांनी डाव केव्हा साधला? का बदलले दैव फाशाचे पुन्हा? बोट माझे का वळे माझ्याकडे शोधताना मूळ नाशाचे पुन्हा?
लेखनविषय:
वाचने 3671
प्रतिक्रिया 18

प्रतिक्रिया

दादा कोंडके रविवार, 09/08/2009 16:02
सुंदर गझल! 'उसासा' चं 'उसाशाचे' झालेलं पटकन कळलं नाही.

श्रावण मोडक रविवार, 09/08/2009 16:15
बोट माझे का वळे माझ्याकडे शोधताना मूळ नाशाचे पुन्हा? खास.

पार्टनर रविवार, 09/08/2009 16:20
बोट माझे का वळे माझ्याकडे शोधताना मूळ नाशाचे पुन्हा? जबरदस्त ! m(_ _)m

दशानन रविवार, 09/08/2009 16:23
सुंदर... ! आवडली गझल ! *** तुझ सम नाही दुसरा ध्वज तुझ सम नाही दुसरा देश तुझ्यासाठीच जगणे हेच ध्येय तुझ सम नाही दुसरा ध्वज रक्ता शेवटचा थेंब करेल मृद स्पर्श !

प्रमोद देव रविवार, 09/08/2009 19:15
सोंगट्यांनी डाव केव्हा साधला? का बदलले दैव फाशाचे पुन्हा? बोट माझे का वळे माझ्याकडे शोधताना मूळ नाशाचे पुन्हा? हे दोन शेर जास्त आवडले. हाती नाही येणे,हाती नाही जाणे,हसत जगावे,हसत मरावे, हे तर माझे गाणे!

मस्त कलंदर रविवार, 09/08/2009 19:21
या ओळी अधिक आवडल्या... मस्त कलंदर.. नीट आवरलेलं घर ही घरचा संगणक बंद पडल्याची खूण आहे!!!!

ऋषिकेश रविवार, 09/08/2009 19:35
प्रत्येक शेर मोजून मापून आणि कसदार!! खूप खूप खूप खूप आवडली गझल
यायचे नव्हते तुला येथे कधी, का बहाणे हे खुलाशाचे पुन्हा?
क्या बात है!!! ऋषिकेश ------------------ संध्याकाळचे ७ वाजून ३४ मिनीटे झालेली आहेत. चला आता वाचुया एक सुमधूर गझल "पुन्हा...."

मदनबाण रविवार, 09/08/2009 19:52
व्वा...अप्रतिम गझल. सोंगट्यांनी डाव केव्हा साधला? का बदलले दैव फाशाचे पुन्हा? जबरदस्तच बोट माझे का वळे माझ्याकडे शोधताना मूळ नाशाचे पुन्हा? व्वा. मदनबाण..... Try And Fail, But Don't Fail To Try Stephen Kaggwa

प्राजु रविवार, 09/08/2009 20:00
तो उसाशाचा शेर सोडला तर संपूर्ण गझलच अप्रतिम आहे. :) सोंगट्यांनी डाव केव्हा साधला? का बदलले दैव फाशाचे पुन्हा? बोट माझे का वळे माझ्याकडे शोधताना मूळ नाशाचे पुन्हा? हे तर लाजवाब!! - (सर्वव्यापी)प्राजु http://praaju.blogspot.com/

बेसनलाडू रविवार, 09/08/2009 23:35
फार आवडली. (आस्वादक)बेसनलाडू

बिपिन कार्यकर्ते सोमवार, 10/08/2009 00:25
बोट माझे का वळे माझ्याकडे शोधताना मूळ नाशाचे पुन्हा? एखादी उत्तम साहित्यकृती जसजशी आपण वाचत जाऊ तसतशी अनुभूतीच्या वरच्या पातळीवर नेत राहते सतत, आणि तिचा शेवट अगदी कळसाला नेतो.... बस्स.... तसेच झाले. याहुन अधिक बोलणे नाही. बिपिन कार्यकर्ते

दत्ता काळे सोमवार, 10/08/2009 11:37
गझल आवडली.

चन्द्रशेखर गोखले सोमवार, 10/08/2009 13:16
पुन्हा पुन्हा वाचाविशी वाटणारी गझल... क्या बात है !

अनिल हटेला सोमवार, 10/08/2009 18:40
बोट माझे का वळे माझ्याकडे शोधताना मूळ नाशाचे पुन: क्या बात है.....:-) बैलोबा चायनीजकर !!! I drink only days ,which starts from 'T'... Tuesday Thursday Today ;-)

धनंजय मंगळवार, 11/08/2009 02:20
गजल आवडली. (उसाशाच्या ओळींबद्दल प्राजुशी सहमत.)