फ्रेश इंजिनीअर्सनी घेण्याची काळजी- तुमच्या ओळखीच्या फ्रेश इंजिनीअर्सना सांगा

>>४. इंग्लिश मध्येच बोला. इंग्लिश बोलायला कचरणारे हिंदीत बोलायला सुरुवात करतात अशा वेळी मराठीत बोलले तर अधिक शुद्ध भाषेत तरी बोलता येईल कारण ती अशुद्ध हिंदी ऐकून पलिकडचा गार पडेल<< हजार टक्के सहमत... इंग्रजी बोलणे सुधारण्यासाठी इंग्रजी वृत्तपत्र मोठ्याने वाचण्याचा सराव करा.. इंग्रजी शब्दोच्चार तोंडात रुळले की उच्चारणे कठीण जात नाही. बर्‍याचदा इंग्रजी वाक्यरचना (पक्षी: कन्स्ट्रक्षन ) चांगले असूनही शब्द उच्चारायला न जमल्याने अडखळलेली मुले मी पाहीली आहेत.. इंग्रजी बोलताना सावकाश शब्द आठवून बोलावे लागले तरी चालतील पण इंग्रजी शब्द सुचला नाही तर हिंदी बोलू नका. कारण त्यामुळे इंग्रजीवरची पकड कधीच सुधारणार नाही. पुण्याचे पेशवे एरवी सगळे कागद सारखेच. फक्त कागदाला अहंकार चिकटला की त्याचे सर्टीफिकेट होते. Since 1984

जर तुम्ही संगणक क्षेत्रातील शिक्षण घेतले असेल तर तुमचे छोटेखानी वैयक्तिक संकेत स्थळ चालू करा. होणारा खर्च(साधारण २०००रू. वर्षाला) ही तुमच्या शिक्षणाची मोठी जाहिरात (२४x७)ठरेल आणि खूप चांगली गुंतवणूक होईल. त्यावर तुमचे रेझुमे, तुम्ही केलेले तांत्रिक प्रयोग/कुठल्या परिषदा इ.मधे सादर केलेले पेपर, इंजिनियरिंग चा शेवटच्या वर्षाचा प्रक्लप इ. ची माहिती लिहीली तर ती अतिशय प्रभावी ठरेल. इतकेच काय तर नेटकी मांडणी, सुखद वावर (नेव्हिगेशन) इ. बघून तुम्हाला वेब प्रोग्रॅमींग आणि इतर क्षेत्रात नोकरीसुद्धा मिळेल. (शक्यतो, बटबटीत, हलके फुलके विनोदी साहित्य टाकू नये)