अमेरिकेचा माज..

That apology though has not pulled Continental out of turbulence. Aviation Minister Praful Patel is bent on punishing those responsible for insulting the former First Citizen of the country.

क्या बात है! होप फॉर द बेस्ट. :) आता यात पण निवासी-अनिवासी आणु नका म्हणजे झालं. =))

पटेल आणि खासदारांची उगाच बोंबाबोंब चालली आहे. कलाम यांचे निमित्य करून स्वत:ला मिळणारी व्हिआयपी ट्रिटमेन्ट टिकविण्याचा प्रकार वाटतो. the ex-President himself had no complaints. His personal secretary explained: “Dr Kalam has never objected to a security check, and he goes through all checks wherever he goes. In fact on arrival in US, he complied with the entire drill, even taking off his coat and shoes.” When asked whether the ex-President raised any objections, his secretary replied: “Not at all. He’s above all this.” - एकलव्य तूर्तास आम्ही कॉन्टिनेन्टलने प्रवास करण्याचा बेत पक्का करण्यात मग्न आहोत...

जर तुम्ही म्हणताय तसा मेसेजच द्यायचा असेल तर त्यांच्या माजी राष्ट्राध्यक्षाची एअर ईंडिया वाल्यांनी झडती घेतली पाहिजे. सध्या ओबामा एअरफोर्स १ ने येईल हो... कशी झडती घेणार ;) जोक्स अपार्ट, पण अमेरिकेत अल गोर या त्यांच्याच माजी राष्ट्राध्यक्षांना त्यांच्याच देशातील Nashville एअरपोर्ट्वर मिळालेल्या स्पेशल ट्रिट्मेंट ला आक्षेप घेऊन त्यांना सिक्युरिटी चेक करायला लावले होते. एरवी सुद्धा कलाम आपणहून मेटल डिटेक्टर मधून जातात असे येथे त्यांच्या सेक्रेटरीनेच सांगितले आहे मी जे घडले त्याचे अजिबात समर्थन करत नाही आहे अथवा ते पूर्णपणे चूक आहे असेही म्हणत नाही आहे. जर माजी राष्ट्रपतींना (मी तर म्हणेन कोणालाही) काही अपमानकारक वागणूक दिली गेली असेल तर नक्कीच त्याविरोधात आवाज उठवला पाहिजे पण routine security check केले म्हणून हे सगळे करण्यामागे राजकीय हेतू आहे असे मला वाटते. त्या एअरलाईनच्या म्हणण्याप्रमाणे it was company policy to conduct security checks on all passengers and it did not make a distinction for VIPs हे जर का खरे असेल तर मग अश्या एअरलाईनला भारतामध्ये व्यवसायासाठी येऊच द्यायला नको होते. मग बरोबर सगळ्या पॉलिसी बदलल्या असत्या. --आणि झडती घेणारे अनेकदा निवासी भारतीय पोरं-पोरीच असतात.. हो ना आणि झडती नाही घेतली म्हणून त्या बिचार्‍याची/ बिचारीची नोकरी गेली तर काय प्रफुल्ल पटेल हस्तक्षेप करणार आहे का? असो, त्या एअरलाईनने न जाणे हा सगळ्यात सोप्पा उपाय पण ह्यात कॉन्टिनेन्टल वाल्यांचा दोष नाही आहे असे वाटते. TSA चे काही काही नियम खरेच अतिजाचक आहेत.

सर्व प्रथम चर्चेचे शिर्षक दिशाभूल करणारे आहे. अमेरिकन कंपनीचा माज आणि अमेरिकेचा माज यात फरक करावा असे वाटते. आता काँटीनेंटल बद्दलः

• काही महीन्यांपुर्वी मी काँटीनेंटलने प्रवास करत होतो. बॉस्टन ते न्यूअर्क, न्यू जर्सी प्रवासात एकदम चांगला (म्हणजे जसा अमेरिकन विमान कंपन्यांचा अनुभव येतो तसा!) आला. बॉस्टनला विमानतळावर पोचल्यावर कागदपत्रे तपासली (कारण परदेश प्रवासाची तिथेच सुरवात होत होती म्हणून) आणि नंतर लवकरच्या विमानात जागा असल्याने तिकडे धावपळ होऊ नये म्हणून लगेच त्यांचे त्यांनीच विमान बदलून दिले.
• न्यूअर्कला काँटीनेंटलचेच टर्मिनल असल्याने सगळी गेट्स काँटीनेंटलची होती. तिथे फक्त मुंबईला जाणार्‍या विमानप्रवाशांना सुचना देणारी बाई अक्षरशः ओरडत होती आणि बालवाडीतील मुलांना द्याव्यात तशा सुचना देत होती. कारण सोपे होते, इतके होऊनही ९०% भारतीय प्रवासी असलेल्या या विमानातील ८०% (भारतीय) प्रवासी नियम पाळत नव्हते मधे घुसण्याचा प्रयत्न करत होते. तरी देखील ते कर्मचार्‍याचे वागणे पूर्ण आक्षेपार्ह होते. कारण माझ्यासारखेपण होते जे सगळे नियम पाळून रांगेत उभे राहीले होते, हँडबॅग नियमात बसणारी होती वगैरे. पण नंतर काही प्रश्न आला नाही. विमानातील अनुभव चांगला होता.
• मुंबईहून न्युअर्कला येतानाच्या विमानात जसी मा. राष्ट्रपती कलामांची जशी दिल्लीला झडती घेतली तशी घेतल्याचे आठवत नाही. म्हणजे तसे ते फक्त दिल्लीलाच करतात का हे पाहीले पाहीजे....आणि तसे असेल तर का हे पण पाहीले पाहीजे...

आता कलामांच्या अथवा तत्सम राजनैतिक अधिकार्‍यांच्या प्रवासाबद्दल:

• मला वाटते की त्यांच्याबरोबर असलेल्या राजनैतिक आणि राजपत्रित अधिकार्‍यांचे काम असते की त्यांनी सर्व गोष्टींची काळजी घेणे. याचा अर्थ एखाद्या अधिकार्‍याने कलामांच्या आधी जाऊन काँटीनेंटलच्या कर्मचार्‍याला सांगणे महत्वाचे आहे असे वाटते.
• हे केवळ कलामांच्याच बाबतीत नाही तर अशा कुठल्याही मंत्री अथवा राजकीय नेतृत्वासाठी लागू आहे असे वाटते. जॉर्ज फर्नांडीस जेंव्हा अमेरिकेत संरक्षण मंत्री म्हणून आले होते तेंव्हा त्यांना पण अशाच झडती मधून दोनदा जावे लागले होते. अशा मंत्र्यांच्याबरोबर अथवा नेत्यांबरोबर स्वतःची वर्णी करदात्यांच्या पैशाने लावणारे नक्की काय माशा मारतात असे वाटते.

आता अमेरिकेबद्दल वर लंबुटांगने अ‍ॅल गोर बद्दलची बातमी सांगितली आहेच. त्यात देखील असेच आहे. गोर यांनी नियम शांतपणे पाळला आणि काही गैर नाही असे सांगितले. पण आता एक अजून उल्लेख न झालेली गोष्ट सांगतो. जॉन एफ केनडीचे सगळ्यात धाकटे बंधू (आता वयवर्षे ७५+) टेड केनडी, हे अमेरिकन सिनेटमधील अतिशय दबदबा असलेले व्यक्तिमत्व आहे. दोन्ही पक्षांमधे त्यांचा खूप आदर केला जातो. अशा व्यक्तीचे नाव घेऊन दहशतवादी हल्ला करू शकतात अशी डिपार्टमेंट ऑफ होमलँड सिक्युरीटीस गुप्तहेरसंस्थांकडून सांगितले गेले. अशी कथीत नावांची मोठी यादी, ज्यातील एखादे नाव घेऊन दहशतवादी विमानात येऊ शकतात म्हणून विमानतळावरील सुरक्षा व्यवस्थेस देण्यात आली होती. आता जेंव्हा जेंव्हा टेड केनडी विमानाने प्रवास करू लागले तेंव्हा त्यांना त्यांच्या घरच्या म्हणजे बॉस्टनच्या विमानतळापासून सर्वत्र थांबवले जाऊ लागले. सुरवातीस नियम म्हणून मान्य केले पण असे साधारण दोन वर्षे चालू होते. अर्थात केनडींना त्यांचे नाव या यादीतून काढायला दोन वर्षे वेळ लागला. त्यावर ते म्हणाले देखील होते की जर अमेरिकन सिनेटरला अशा अवस्थेतून जावे लागत असेल तर सामान्यांची काय अवस्था! अर्थात सुरक्षा व्यवस्था काम सोडून इतरच धंदे करत आहे असे म्हणावे लागले... थोडक्यात मला वाटते ह्यात पुर्णपणे विमानकंपनी कर्मचार्‍यांचा मुर्खपणा आहे. पण वंशवाद अथवा मुद्दाम अपमान करणे वगैरे असेल असे वाटत नाही. तसे प्रसंगपण नक्की घडतात (विशेष करून मुसलमानांना तो हल्ली त्रास होतो. काहीजणांना उगाच उतरवले आणि नंतर माफी मागावी लागली). जसे विमानात तसे इतरत्रही, पण हा तसा वाटला नाही...

जे झालं त्यात आपले माणूस तेही इतके सन्माननीय म्हणून असे वाईट वाटणे साहजीकच आहे. त्यात अमेरीकेचा असा काही माज असावा असे वाटत नाही. दिल्ली एयरपोर्टवर जरा जास्तच असे अनुभव सामान्य माणसाला येतात असे ऐकले आहे. आता आम्हालाही दोन दिवसात कळेलच.;) मुंबईचे माझे अनुभव सांगितल्यावर माझी दिल्लीकर मैत्रिण 'कित्ती बरे वागले असंच 'म्हणाली. तिच्या सुटकेसमधून तिच्यासमोरच सगळे चांगले नवे परदेशी (मेड इन इंडीया ;)) कपडे भेटवस्तू काढून घेतले, त्याचबरोबर सलवार कमीज सारखे भारतीय कपडे (जे ती भारतातूनच घेउन गेली होती) बॅगांमधून घेतले. आता पंजाब्यांचे कपडे फारच महागडे असतात. तीचा संताप झाला झाला होता, पण काय करणार? त्यानंतर चार वर्षे तिने धसकाच घेतला होता प्रवासाचा.......मागच्या वर्षी जाऊन आली........यावेळी सुखरूप.:) रेवती

चपला घ्यालायच्या व चालु लागायचे. बुट घातल्यामुळे इतके रामायण घडले. अशावेळी चपल्यांचे महत्व लक्षात येते. =)) :D वेताळ

वाचलेल्या बातमीनुसार भारतिय कायद्यानुसार(की प्रोटोकॉल नुसार)माजी राष्ट्रपती,पंतप्रधान्,सभापती,सर्वोच्च न्यायाधीश ह्यां व्यक्तींचा तपासणीतून अपवाद करण्यात यावा असे आहे.हा कायदा देशाबाहेरच्या कंपन्यांनाही लागू आहे.काँटिने हा प्रोटोकॉल निश्चितच पाळला नाही म्हणून त्यानी आता माफी मागितली आहे. ही घटना घडली आहे एप्रिलमध्ये.आता सरकारला हिलरी क्लिंटन आल्यावर जाग आलेली दिसते.परदेशी(किंवा देशी) कंपनीने कायदा मोडल्यावर त्यांना धडा शिकवण्याची धमक सरकार दाखवते का? हा खरा प्रश्न आहे आणि त्याचे उत्तर नाही असे आहे.उद्या काँटिने भारतात १००० लोकांचे बी.पी.ओ. उघडण्याची घोषणा केली तर हेच सरकार कॉंटिचे पायघड्या घालून फटाके वाजवत स्वागत करेल. :D भेन्डि क्ष्^न + य्^न = झ्^न

शीर्षकातच अवांतर, घ्या लेको चांदण्याच चांदण्या! मुंबईतील सीप्झ ही औद्योगिक वसाहत. येथे आत जाणार्‍या तसेच बाहेर येणार्‍या प्रत्येक व्यक्तीची आणि वाहनांची तपासणी करावी असा नियम आहे. या वसाहतीत काही निर्यात प्रधान सॉफ्टवेअर कंपन्यांची हपिसे आहेत. त्यांच्या परदेशी ग्राहकांची आवक्-जावक सीप्झमध्ये कायम सुरू असते. ज्या दिवशी आमच्या कंपनीचा ग्राहक येणार असायचा तेव्हा सीप्झच्या सुरक्षा रक्षकांना खास सुचना जात - १) "त्या" विशिष्ठ गाडीची कसून तपासणी करा २) गाडीतील प्रत्येक व्यक्तीची कागदपत्रे नीट तपासा ३) व्यक्तींच्या लॅपटॉप आदी वस्तूंची व्यवस्थित नोंद करा "आमच्या"कडील सुरक्षा व्यवस्था कशी कडक आहे हे "त्यांना" दाखवण्याचा हा खटाटोप! Doing what you like is freedom. Liking what you do is happiness.

एक महत्त्वाचा मुद्दा नजरेआड करून चालणार नाहि की कलाम यांची झडती भारतभूमीवर घेतली गेली आणि हे (मलातरी) आक्षेपार्ह वाटले. हीच झडती , प्रोटोकॉल तोडून, अमेरिकन भूमीवर घेतली गेली असती तर तिथे अमेरिकेचा माज वगैरे गदारोळ होणे ठिक वाटते. आता प्रशन अमेरिकेचा नाहि तर आपल्या भूमीवरील आक्षेपार्ह घटनेचा आहे. इथे प्रश्न अमेरिकेचा नाहि तर प्रश्न कोणत्याही कंपनीच्या विमानात चढताना गंतव्यस्थानाचे प्रोटोकॉल्स आरंभस्थानीच का पाळले जावेत हा आहे/असावा असे वाटते हे म्हणजे भारतात येण्यासाठी जॉर्ज बुश यांनी एअर इंडीयाने अमेरिकेत झडती घेण्यासारखे आहे (आता ते एअर इंईड्याने का येतील हा प्रशन तुर्तास विसरू ;) ) ऋषिकेश ------------------ बुद्धीसाठी लोह वाढवणारी औषध घ्यायला लागल्यापासून "डोकं गंजलं तर!" ही भिती वाढली आहे

"साला, ओबामा भारतात येईल तेंव्हा त्याची पार नागडा करून तलाशी घेतली पाहिजे आपण" सबंध चर्चेतले हे वाक्य प्रचंड आवडले.

एप्रिल मध्ये झालेल्या घटनेचा आताच इतका बोलबाला का होत आहे, ह्याचे नक्की कारण ठाऊक नाही. राजकारण्यांना संशयाचा फायदा देत आपण असे समजूया की झालेल्या घटनेची इथंभूत माहिती मिळून तिची संपूर्ण शहानिशा झाल्यावर मगच तिच्याबद्दल जाहीर बोलणे राजकारण्यांना उचित वाटले असावे. सदर घटना अशीच घडली ह्याबद्दल कुणाही संबंधिताचे दुमत नाही . वरील चर्चेत अनेकांनी डॉ. कलामांनी ह्याबद्दद्ल अजिबात आक्षेप घेतलेला नाही, ह्यावर भर दिला आहे. एक अत्यंत सुसंकृत, सभ्य व्यक्ति अशावेळी व नंतरही व्यक्तिगतरित्या जे करेल/ म्हणेल, तेच त्यांनी केले. कसलाही आक्रस्ताळेपणा नाही, कुरकुर नाही. पण इथे झालेला अपमान डॉ. कलाम ह्या व्यक्तिचा नसून भारताच्या एका माजी राष्ट्रपतिचा होता, हे लक्षात घेतले पाहिजे. एक व्यक्ति म्हणून माझी अथवा माझ्या कुटुंबियांची अशी तपासणी झाली तर माझेही त्याबद्दल अजिबात काहीही म्हणणे नसेल. (अवांतरः चार वर्षांपूर्वी मी सहकुटुंब अमेरिकेला गेलेलो असतांना माझ्या पत्निच्या तिकीटावर आमच्या येथूनच चेक इन केल्यावर एक विशीष्ठ मार्क केला गेला. तो मार्क म्हणे विशेष तपासणीची खूण होती. त्यानंतर पहिल्यापासूनच सर्वच प्रवासात (त्यात अमेरिकेतील शहरांमधील --इंटर्नल-- प्रवासही आले) तिला वेगळे करून खास तपासणी करण्यात आली. ह्याबद्दल आम्हा कुणाचीही काहीही तक्रार नव्हती, व नाही). पण इथे ही कुणी साधीसुधी व्यक्ति नव्हती. विकासांचा आपल्या राजनैतिक अधिकार्‍यांनी कलाम विशेष व्यक्ति आहेत, ह्याची विमानकंपनीस अगोदर नीट जाणीव करून दिली नसेल, ह्या म्हणण्यात तथ्य आहे म्हणावे, तर संबंधित कंपनीनेच तसे कुठे आपल्या कृतिच्या समर्थनार्थ म्हटलेले माझ्यातरी वाचण्यात आलेले नाही. झाला तो गैरसमज होता असे त्यांच्या प्रतिपादनात कुठेही आलेले नाही. उलट त्यांनी टी. एस. ए. च्या नियमांनुसार आम्ही हे केले आणि ते बरोबर होते असा प्रथम सूर लावला होता. नंतर तो त्यांनी बदलला व माफी मागितली. हे भारतात सहज होऊ शकते कारण आम्हाला स्वतःचा मान नाही, झालेल्या प्रकरणातले गांभिर्य इथेच कितीतरी सुशिक्षित वाचकांनी सरळ झटकून टाकले आहे! सरकारचे ('शासना'चे) तर विचारूच नका!! हे असे हीच विमान कंपनी इतरस्त्र करण्यास धजावली नसती. युरोपातील अथवा ब्रिटनचे जाउ द्या, चीनच्या बाबतीतही ते असे काही करण्यास अजिबात धजावणार नाहीत. आणी त्यांच्या बाबतीत तशी आगळीक त्यांनी केलीच, तर चीन आकांडतांडव करील, जशास तसेही करून दाखवेल. त्यांची तशी पत आहे हे खरे पण तशी त्यांची हिम्मतही आहे, आणि राष्ट्राचा अपमान ते अजिबात सहन करीत नाहीत. आपण एकतर हे काहीच विषेश झालेले नाही असे म्हणून त्याकडे दुर्लक्ष करणार, अथवा लक्ष दिलेच तर चार दिवस त्यावर थोडा गोंधळ घालून मग सर्व काही शांत होणार. गोल्डमन सॅकला जपानमध्ये २००० सलापासून आतापर्यंत दोनवेळा तेथील कायद्यांचे उल्लंघन करण्याच्या आरोपावरून प्रत्येक वेळी एक महिना काही विशीष्ठ व्यवहार करण्याची बंदी घालण्यात आली. त्याची येथे आठवण झाली. माझ्या मते भारतीयांनी सदर विमान कंपनीच्या सेवेवर सुमारे महिनाभर उत्स्फूर्त बहिष्कार घालावा. तेव्हा त्यांना केलेल्या कृत्याची खरी किंमत कळेल. (त्यांना समजेल अशा भाषेत उत्तर देणे जरूरी आहे, हे सरकार करू शकत नाही, जनता करू शकते). पुढील वेळी असे करतांना हजार वेळा विचार करतील मग ते.

माझ्या मते भारतीयांनी सदर विमान कंपनीच्या सेवेवर सुमारे महिनाभर उत्स्फूर्त बहिष्कार घालावा. ही कल्पना चांगली आहे. त्याहीपेक्षा जास्त प्रभावी कदाचीत ऑनलाईन पेटीशन/साईन कँपेन ठरू शकेल ज्यात प्रवाशांच्या पेक्षा कित्येकपटीने जास्त (प्रत्येकी १) सह्या जाऊ शकतात आणि जालावर राहू शकतात. काँटीनेंटल अथवा कुठलिही कंपनी अशा बॅड पब्लीसिटीस जास्त घाबरेल.