बालगझलः झुऽम झुऽम झुऽम

टारगेट वयोगटः २ ते ७ वर्षे ( + काहिश्या निरर्थक नादमय कवितेची मजा घेऊ शकणारा इतर कोणत्याहि वयाचा) इथे झुऽम झुऽम झुऽम ला अर्थ देणारी एखादी हस्तमुद्रा/हावभाव/अंगविक्षेप पालकांनी/शिक्षकांनी करून दाखवणे अपेक्षित आहे. तसेच शेवटाचे कडवे मुल अगदी लहान असेल व दूध पित नसेल तर या तालात पिऊन टाकते असा अनुभव आल्याने टाकले.. एरवी म्हणताना गाळले तरी चालेल =========================== विमान झेपावे कसे? झुऽम झुऽम झुऽम मासा तळी पोहतसे..झुऽम झुऽम झुऽम घोरण्याने काकांच्या मिशीवरून माशी बघा पळतसे...झुऽम झुऽम झुऽम ढेरपोट्या गोट्याच्या पोटावरून धोतर सुटले कसे...झुऽम झुऽम झुऽम टाकलेल्या केळ्याच्या सालीवरून पाय सरकती कसे..झुऽम झुऽम झुऽम तळ्यामधील कमळांच्या पानावरून बेडुक पोहति कसे...झुऽम झुऽम झुऽम बोर्नवीटा घालून ग्लासामधून बाळ दुध पितो कसे...झुऽम झुऽम झुऽम -ऋषिकेश