Skip to main content

(ताळमेळ)

लेखक केशवसुमार यांनी गुरुवार, 28/02/2008 11:49 या दिवशी प्रकाशित केले.

आमची प्रेरणा अदितीताईंची सुंदर कविता ताळमेळ

काव्य हे जुळे कधी कधी उगाच शब्दभेळ
हा जमायचा तुला न "केशवा" कधीच खेळ

सभ्य वाटतो जरी, कळा अनेक अंतरात
ही विडंबने तुझी कुणी अता न वाचतात
ऐकवे कुणा न हा तुझा टुकार वाद्यमेळ ॥

काव्य पाहता तुझे मनात जागतो छचोर
अन मनातल्या मनात हासतो मी अघोर
लोक हासता खुलून, सोडतेस ताळमेळ ॥

काव्य फाडतोस वाट लावतोस तू टपून
एकदा तुला खरेच काढणार झोडपून
ये सुमार "केशवा" पहा तुझी भरेल वेळ !!

--केशवसुमार
(माघ वद्य ७ शके १९२९,
२८ फेब्रु. २००८)

वाचने 6286
प्रतिक्रिया 10

प्रतिक्रिया

बेसनलाडू गुरुवार, 28/02/2008 12:33

आवडले.

हा जमायचा तुला न "केशवा" कधीच खेळ

ऐकवे कुणा न हा तुझा टुकार वाद्यमेळ ॥

ये सुमार "केशवा" पहा तुझी भरेल वेळ !!

मस्त!

(आस्वादक)बेसनलाडू

स्वाती दिनेश गुरुवार, 28/02/2008 12:39
शब्दभेळ आवडली,
स्वाती

सर्वसाक्षी गुरुवार, 28/02/2008 15:39
एकदम कडक! हिंदुस्थानातील आगमन जोरदार दिसते.

llपुण्याचे पेशवेll गुरुवार, 28/02/2008 20:43

काव्य फाडतोस वाट लावतोस तू टपून
एकदा तुला खरेच काढणार झोडपून
ये सुमार "केशवा" पहा तुझी भरेल वेळ !!

लई आवडले बॉ....

पुण्याचे पेशवे

प्राजु गुरुवार, 28/02/2008 20:46

केशव, खरंच मस्त जमलीये...

- (सर्वव्यापी)प्राजु

चतुरंग गुरुवार, 28/02/2008 20:47

पण मला नेहमीची 'किक' नाही आली. (केशवा, कदाचित थोडा जेटलॅग असावा का?:))

चतुरंग

विसोबा खेचर शुक्रवार, 29/02/2008 07:57

काव्य फाडतोस वाट लावतोस तू टपून
एकदा तुला खरेच काढणार झोडपून
ये सुमार "केशवा" पहा तुझी भरेल वेळ !!

लय भारी रे केशवा, वरील लायनी सर्वात आवडल्या... :)

तात्या.


 

सर्किट (verified= न पडताळणी केलेला) शुक्रवार, 29/02/2008 12:08
भरतभूमीवर पोहोचता क्षणी दोन कवितांच्या चिंध्या करून मोकळा जाहला !!

जबरा !!

- सर्किट

वरदा सोमवार, 03/03/2008 23:38
सभ्य वाटतो जरी, कळा अनेक अंतरात ही विडंबने तुझी कुणी अता न वाचतात आम्ही वाचतो की...मस्तच असतात एकाहून एक छान.. काव्य फाडतोस वाट लावतोस तू टपून..... सहिच....