साहित्य : १ अननस किंवा १ टिन अननस ५-६ चेरि किंवा मनुका २ कप मैदा १ टी.स्पू. बेकिंग पावडर १ टी.स्पू. बेकिंग सोडा १ + १/२ कप साखर ३ अंडी १ टि.स्पू. वॅनिला अर्क १/२ कप बटर - वितळवून १ टे.स्पू. संत्रा साल (Orange Zest) , लिंबू साल (Lemon Zest) व्हिप्प्ड क्रिम - एच्छिक कृति: १)अ)अननस वापरुन अननसाच्या चकत्या करुन घ्याव्या. एका पसरट पॅन मध्ये १/२ कप साखर + पाणी २:१ प्रमाण घेउन त्यात अननसाच्या ४-५ चकत्या शिजवून घ्याव्या. हा रस ही नंतर वापरावा. जास्त शिजवू नये. ब)अननसा चा टिन वापरुन हे अननस शिजवावे लागत नाही. पण हा पुर्ण रस वापरु नये, अंदाजाने थोडा थोडा च वापरावा. २) मैदा , बेकिंग पावडर, बेकिंग सोडा चाळून घ्यावे. ३) अंडया चे पांढरे वेगळे करुन घ्यावे आणि फेटून घ्यावे. ४) फेटलेल्या वरिल मिश्रणा त १ कप साखर मिसळून घ्यावी आणि अजुन फेटावे. ५) अंड्याचे पिवळे + बटर पण फेटून घ्यावे. ६) आता दोन्ही मिश्रणं + अननसा चा रस + वॅनिला अर्क + संत्रा साल+ लिंबू साल हळुवार एकत्र करुन घेणे. जोरजोरात हलवू नये. ७) अननसाच्या चकत्या पुर्ण बेकिंग ट्रे चा तळ झाकेल अशा लावुन घ्याव्या , प्रत्येक अननसाच्या चकती मध्ये चेरि किंवा मनुका टाकाव्यात. ८) या चकत्यां वर वरिल मिश्रण टाकावे . ९) ओव्हन ३५० फॅ. वर प्रीहीट करुन घ्यावे. १०) ३०-३५ मि. ३५० फॅ. वर बेक करावे. ११) बेकिंग ट्रे थंड झाल्या वर त्यावर डिश ठेवुन झटकन केक उलटा करावा जेणेकरुन अननस वरून दिसेल. १२) व्हिप्प्ड क्रिम घेउन खावा.