मधुबाला

पण मधुबालाच्या भुमिकेत कंगना..... ? हे काँबिनेशन पटत नाही, नपेक्षा पचत नाहीये. आपलं मत काय......?

मलाही पटत नाही. तिथेपण मराठी नटीच हवी. आपल्या स्वयंवरवाल्या राखीताई सावंत कशा वाटतील. (ह.च घ्या) कंगना राणावत दिसायला फारशी आवडत नाही, पण तिला बुद्धी आहे आणि अभिनय करता येतो हे माझं व्यक्तीगत मत आहे. पण पैसे, वेळ खर्च करणार ती एकता कपूर, पैसे आणि नाव कमावणार ती कंगना राणावत, मी कशाला माझा वेळ आणि बुद्धी खर्च करून हे ठीक आहे का नाही याचा विचार करू?

मधुबालाच्या तुलनेत राणावत दिसायला जरा पुचाट वाटते. तिचा कुठलाच चित्रपट मी पाहिला नसल्यामुळे अभिनयाच्या बाबतीत काहीच सांगता येणार नाही. भेन्डि क्ष्^न + य्^न = झ्^न

याच विषयावर नुकताच कणेकरांचा खास कणेकरी शैलीतला लेख वाचण्यात आला. "मधुबालाच्या जीवनावर चित्रपट काढण्याचं घाटतंय. तिच्या भूमिकेसाठी ऐश्वर्या राय ते कतरिना कैफ यांचा विचार होऊन अखेरीस कंगना राणावत हिची निवड झालीय. हे म्हणजे सॅमसनच्या भूमिकेसाठी केश्तो मुखर्जीची निवड करण्यासारखं आहे." (इति- श्री. कणेकर) पुर्ण लेख इथे वाचु शकता.

विशाल जी, मागे (म्हणजे जवळ जवळ २५ वर्षांपूर्वी) लोकसत्ता मधे "शिरीषासन" कि असेच काही एक सदर होते.....त्यातील एक मजकूर आठवतोय : त्या लेखाचे नांव : प्रिय दिक्षितांच्या माधुरीस..... लोक असे म्हणतात की तू मधुबाला सारखी दिसतेस आणि तुझी तुलना मधुबालाशी करतात.मला वाटते लोकांनी मधुबालाला पाहिलेच नसावे किंवा तुला नीट पाहिले नसावे.मुंगुसासारखे तोंड असणार्‍या अनिल कपूरसमोर तुझे सौंदर्य खुलून दिसत असेल कदाचित् पण म्हणून तू काही मधुबाला नव्हेस !" आता मूळ मुद्दा : मधुबाला : मधुबाला वर मी एक स्केच काढून बाजूला ३ चारोळ्या लिहिल्या होत्या त्या आधी सांगतो : तुझी आठवण म्हणजे सुखाने दु:खाची पाठवण आहे , मरगळल्या आयुष्याच्या वहीत जणू मोरपिसाची साठवण आहे ! कोण म्हणतो ही कविता आहे? ही तर तुझीच सृष्टी आहे ! माझ्याकडे ती फक्त "आपली" म्हणून पहाण्याची दृष्टी आहे ! घडवल्यावर जिला त्या*ला वाटले *परमेश्वराला आपली बाकी सर्व निर्मिती नगण्य ! अशी ही एकच.....मधुबाला , म्हणजेच , अर्थात् मदिरेशिवाय धुंदावणारे बावनकशी लावण्य ! आता कंगना रानाऊत वर : तू कुठली मधुबाला गे म्हशी? तुला तर झाकताही येई अंग ना ! सौंदर्य आणि तुझा काय संबंध? बीभत्स राना ऊत येई कंगना ! सडल्या लोहाचे कधी न होई सोने काय करु जाणे परीसाचा संग ना? रूप सुमार चेहेरा जसा बीमार तिच्याओठांचा ही तुझ्याकडे रंग ना ! तू आपली घरीच बसावे खूष व्हावे घरचे पण होत पाहुनी तुज दंग ना ! आता शिरीष कणेकरांना हा विषय पोचवलात तर एक भन्नट लेख वाचायला (सॉरी , चावायला )मिळेल !

च्यायला हे म्हणजे दादासाहेब फाळके पारीतोषीकाने रामसे बंधुंना सन्मानीत करण्यासारखे आहे. ©º°¨¨°º© परा ©º°¨¨°º© फिटावीत जरा तरी जगण्याची देणी, एक तरी ओळ अशी लिहावी शहाणी... आमचे राज्य

हे म्हणजे जुना "डॉन", "देवदास" आणी तेच नवे चित्रपट पाहण्यात जो फरक आहे तोच जाणवेल. असो, तरी काही लोकांना हे नवे चित्रपट आवडले आणी कलाकारांचा अभिनयही आवडला. तसेच काहीचे चित्र दिसेल असे वाटते. खरं तर मधुबाला ची थोडीशी झलक माधुरी दिक्षित (मिपाकर नव्हे) मधे लोकांना पहायला मिळाली होती. कंगनाकडे तसे फीचर्स नाही असे माझे वैयक्तीक मत. (प्लास्टीक/कॉस्मेटीक सर्जरी करुन भरपुर सौंदर्य खुलवता येते, कंगना ने अशी सर्जरी केली होती असे वाचनात आले होते). आपला मराठमोळा. कोणत्याही गोष्टीचा ताप येईपर्यंत ठीक असते, पण तिचा कर्करोग होऊ देऊ नये!!

मुळात एकता कपूरसंबंधी आपण चर्चा का करायची ? उलट अयोग्य पात्ररचनेमुळे तो सिनेमा पडला तर बरेच होईल, त्या अहंमन्य, बिनडोक मुलीला एवढेही महत्व देऊ नका.

माधुरीला उगाच यात खेचु नका.. तीने स्वतःला अभिनयाद्वारे आणि नुत्याद्वारे सिदध केले आहे. त्या कणेकराना ती आवडत नाहि म्हणुन ते नेहमी तीच्या बद्द्ल झोंब्रच लिहितात. कारण कणेकराना ती जुही आवडते. (मराठी माणुस हाच कर्तुत्ववान मराठी माणुसाचा शत्रु आहे.) टीप. (कर्तुत्ववान = माधुरी , नाहितर कणेकर अस समजाल.....)

कंगनाच काय, मधुबालेला या पृथ्वीतलावावर अन्य पर्याय नाही. मधुबाला म्हणजे सौंदर्याची व्याख्या! वर कुणीसं म्हटल्याप्रमाणे उगाच आमच्या कंगनाला नावे ठेवण्यात काय प्वाईंट नाही. एकटी तीच बापडी काय, सौंदर्याच्या खाणी म्हणवणार्‍या इतर अनेक मधुबालेच्या आसपासही नाहीत! आपला, (कडवा मधुबालाभक्त) तात्या.

सौंदर्याच्या खाणी म्हणवणार्‍या इतर अनेक मधुबालेच्या आसपासही नाहीत! १०१% सहमत

त्यातल्या त्यात फक्त माधुरी दिक्षीत चा विचार करण्यास हरकत नाही ते सुद्धा ती थोडी " मधुबाला " सारखी वाटते म्हणून. बाकी सौंदर्याच्या खाणी म्हणवणार्‍या इतर अनेक मधुबालेच्या आसपासही नाहीत! हेच खरे. हे राज्यं व्हावे ये तो श्रींची इच्छा.

कंगना रानाऊत मधुबाला म्हणून नाही शोभणार हे जरी खरं असलं तरी.. .. तीला अभिनय बर्‍यापैकी जमतो असं मला वाटतं. त्यामुळे तुलना नकोच. मधुबाला म्हणजे सौदर्यांची शेवटची व्याख्या.. आणि अभिनयाचं परमोच्च स्थान आहे . कंगना अभिनेत्री म्हणून ठीक आहे. ती मधुबालेला कितपत न्याय देऊ शकती हे कळेलच आपल्याला. - (सर्वव्यापी)प्राजु http://praaju.blogspot.com/

केट विन्स्लेट कशी वाटते ?? :) www.bhagyashree.co.cc

"अकडम तिकडम खाँ भोपालवाले हे इतके उत्तम गाऊन गेले असताना नवीन लोक गातातच का ? " हा मला नेहमी पडणारा प्रश्न आहे... आता त्यांच्या जीवनावर सिनेमा काढायचा म्हणालात तर त्यांची गाणी जो गाईल , तो कोणीही असला तरी ही अकदमसाहेब आणि गांजावाला हे कॉम्बिनेशन मला अजिबात पचनी पडणार नाहीये...नव्हे पटतच नाहीये... कुठे आमचे अकडम तिकडम खा आणि कुठे आजचे गान्जावाला, चुम्मावाला,पप्पी ,भप्पी असे गायक?? त्यांना गायक तरी का म्हणावे? की उगाच स्वरयंत्र आहे आणि त्यातून आवाज येतो म्हणून? तू कुठला अकडम रेड्या तू तर भक्कम भप्पी आमच्या अकडमतिकडमसारखा एकही गायक या भूतलावर हो ऊ शकणार नाही हे त्रिकालाबाधित सत्य आहे... त्यात या भप्पी, चुप्पीची काहीही चूक नाही... मी आमच्या अकडमसाहेबांचे एकदा चित्र काढून त्याशेजारी चारोळी केली होती ती आता आठवत नाहीये , म्हणून वाचलात पण खबरदार कोणी आमच्या अकडमसाहेबांवरती काही वाईट बोलेल तर... _____________________________ आवाज खालच्या सप्तकात बोलायला हवा असेल तर खर्जाचा रियाज करा.... ;)

पन्नास वर्षांनी कंगनाच्या जीवनावर सिनेमा काढायचा असल्यास कंगनाचे काम मधुबाला करू शकणार नाही याची खात्री आहे... त्यात मधुबालाची फारशी चूक आहे असे वाटत नाही... (कडवा कंगनाभक्त ) भडकमकर मास्तर _____________________________ आवाज खालच्या सप्तकात बोलायला हवा असेल तर खर्जाचा रियाज करा.... ;)

नक्कल करणारा मोठा का ज्याची नक्कल केलि जाते तो मोठा ?

कोणे एके काळी स्व. मीनाकुमारीच्या जीवनावर चित्रपट काढला जाणार होता, आणि त्यात सोनी राझदान [ही कोण हे नका विचारू, तिची फारशी माहिती मी नाही देऊ शकत!] मधुबालाचं काम करणार होती , असं कुठेसं वाचलं होतं! तो चित्रपट झाला की नाही, देव जाणे. क्रान्ति ***मन मृदु नवनीत | मन अभेद्य कातळ मन भरली घागर | मन रिकामी ओंजळ*** अग्निसखा

ह्या त्या सोनी राझदान बै ! (हा फोटु बघुन रात्री कोणास भयावह स्वप्न पडल्यास फोटु डकवणारा जबाबदार नाही.) ©º°¨¨°º© परा ©º°¨¨°º© फिटावीत जरा तरी जगण्याची देणी, एक तरी ओळ अशी लिहावी शहाणी... आमचे राज्य

मलिका?? चलेल का??? क प्रीति??का रानी