होर्मुझमधला तो भीषण हल्ला: महासत्तांच्या खेळात निष्पाप भारतीयांचा बळी का?

ह्याच जागी एका अमेरिकि नागरीक ला नुस्ता धक्का जरी बसला असता तरी भारताला माफी मागावी लगले असती

रोम जळत असताना रोमन सम्राट निरो फिडल वाजवत बसला होता म्हणे...

इथे ती ही बोंब आहे. 

फक्त बोऱ्या वाजवता येतो....

माझ्या मते, या प्रकरणात सर्वात योग्य भूमिका म्हणजे:

1. नेमके कशामुळे हल्ला केला गेला? व्यापारी जहाजावर प्राणघातक शक्ती वापरणे अपरिहार्य होते का? जहाज खरोखरच नाकेबंदी मोडत होते का? कमी धोकादायक पर्याय उपलब्ध होते का? नागरी खलाशांच्या सुरक्षेसाठी पुरेशी खबरदारी घेण्यात आली का? या प्रश्नांची निष्पक्ष आंतरराष्ट्रीय चौकशी होणे आवश्यक आहे आहे.
2. मृत भारतीय खलाशांच्या कुटुंबांना भरपाई आणि न्याय देण्यासाठी केस करणे
3. अमेरिकेकडून घटनेचे सविस्तर स्पष्टीकरण देण्याची मागणी करणे
4. उच्च-जोखीम समुद्री क्षेत्रात भारतीय खलाशांच्या सुरक्षेसाठी नवीन प्रोटोकॉल तयार करणे आणि त्याच्या आंमलबजावणीर लक्ष ठेवणे
5. सार्वजनिक भावना लक्षात घेऊन भारताने स्पष्ट आणि ठाम भूमिका मांडणे व पाठपुरावा करणे

वस्तुस्थिती आधी समजून घेऊ. 

त्या जहाजाची नोंदणी भारतात नाही. ते भारतीय जहाज नाही. ते एका वेगळ्या देशात नोंदणी असलेले मालवाहतूक जहाज आहे. जगभरात शेकडो मालवाहतूक कंपन्यांची जहाजे आहेत व त्यात अनेक भारतीय कर्मचारी आहेत.

काही जहाजातून काही प्रतिबंधित वस्तू नेल्या जातात (उदा. अवैध शस्त्रे, अंमली पदार्थ, अवैध रसायने इ. ची तस्करी) ज्यास डार्क शिपिंग संबोधतात.  अनेक देश आपल्या जलक्षेत्रात आलेली अशी जहाजे पकडतात किंवा बुडवितात.

अमेरिकेच्या दाव्यानुसार हे विशिष्ट जहाज इराणचे कच्चे तेल नेत होते ज्यावर अमेरिकेने बंदी घातली आहे.‌ जहाजाला अनेकदा इशारा देऊनही ते न थांबल्याने अमेरिकेने त्यावर हल्ला केला ज्यात ३ भारतीय कर्मचारी मृत्युमुखी पडले.

अमेरिका व इराण या दोन्ही देशांनी होर्मुझ खाडी प्रतिबंधित केली आहे व तेथून येणाऱ्या जाणाऱ्या जहाजांना ते अडवून हल्ला करीत आहेत. अश्या परिस्थितीत त्या खाडीतून जहाज नेणे हा चुकीचा निर्णय होता. विशेषतः ट्रंपसारखा रक्तपिपासू माथेफिरू नरसंहार करीत असताना विनाकारण सर्वांचा जीव धोक्यात घालणे म्हणजे स्वतःहून चितेत उडी मारण्यासारखे आहे. 

भारत अश्या परिस्थितीत खूप काही करू शकत नाही. भारतीयांना अमेरिकेने ठरवून मारले असे म्हणता येत नाही. भारताने दोन वेळा अमेरिकेच्या राजदुताला बोलावून समज दिली. त्यापलीकडे भारत काही करू शकणार नाही.‌ 

अमेरिकेने इराणमध्ये शाळेवर हल्ला करून १७० विद्यार्थिनींना मारून टाकले. ते कृत्य जितके निषेधार्ह व दु:खद आहे तितकेच हे ३ भारतीय जाणे निषेधार्ह व दु:खद आहे. 

दोन हत्तींची झुंज सरू असताना  शहाण्याने लांब रहावे, अन्यथा चेंदामेंदा होईल. 

एका अमेरिकि नागरीक ला नुस्ता धक्का जरी बसला असता तरी भारताला माफी मागावी लगले असती.

ऑपरेशन सिंदूर मध्ये काही F १६ विमानाचे अमेरिकन तंत्रज्ञ मारले गेले. याबद्दल अमेरिका काहीही बोलू शकली नाही.

कारण मुळात भारताच्या हल्ल्यात F १६ ध्वस्त झाली हे त्यांना मान्य करायचे नव्हते.

यातील एक महत्त्वाचा आणि सुरस भाग म्हणजे मुशाफ या पाकिस्तानच्या सरगोधा येथील  सर्वात मोठ्या वायुदलाच्या तळावर F १६ विमानांची दुरुस्ती आणि देखभाल होते. तेथे तीन हँगर्स आहेत ज्यात हे काम चालते. त्याच्या छतावर उपग्रहाला आणि  रडारला आतले  दिसू नये म्हणून पॉलिमर  कोटिंग असते.  

भारताने किमान सहा महिने त्या तळांवर पाळत ठेवली होती आणि ज्या हँगर मध्ये प्रत्यक्ष विमाने दुरुस्त केली जात तेथे आपल्या उपग्रहांचे इन्फ्रारेड सेन्सर पाळतीवर ठेवले होते. ज्या विमानांची दुरुस्ती  होत असे त्यांची इंजिने चालवली जात आणि याची इन्फ्रारेड सिग्नेचर आपल्या उपग्रहाने बरोबर पकडली होती. त्यामुले प्रत्यक्ष ऑप सिंदूर मध्ये तेवढाच हँगर ब्राह्मोस क्षेपणास्त्राने जाळून टाकला.

यात अमेरिकी तंत्रज्ञ मारले गेले.पण हे त्यांना मान्य करायचे नव्हते.

म्हणून मुशाफ तळा वर किती F १६ प्रत्यक्ष नष्ट झाली याचा नीट लेखा जोखा मिळत नाही.  

पण अमेरिकेला तोंड दाबून बुक्यांचा मार सहन करायला लागला.

यामुळे मुनीर आणि शरीफ तात्याकडे भीक मागायला गेले. तात्याने फार घाईघाईने आपल्यामुळे शस्त्रसंधी झाली अशी दर्पोक्ती केली.

कारण आपल्या तंत्रज्ञांचे झालेले मृत्यू  त्यांना अमेरिकन जनतेला समर्थन करणे परवडले नसते.  पण त्यांनी ताबडतोबीने  पाकिस्तानला झालेले नुकसान दुरुस्त करण्यासाठी साधन सामग्री पुरवली  

High-level Pakistani defence sources revealed that $400–$470 million in secret emergency funds were approved in late May for repairs and upgrade. https://www.cnbctv18.com/india/op-sindoor-damaged-f-16s-awacs-and-radar…

एकंदर पाकिस्तानचे १५ ते २० हजार कोटी रुपयांचे नुकसान झाले असा जागतिक तज्ज्ञांचा  अंदाज आहे.  इतके नुकसान होऊन पाकिस्तान सुधारेल अशी शक्यता सुतराम नाही              

जागतिक महासत्तांसोबत टेबलवर बसून 'नियम पाळायला लावणे' ही दीर्घकालीन सुरक्षा व्यवस्था निर्माण करणे भारतासारख्या ताकदीच्या देशाकडून अपेक्षित नाही का?

हायला

एवढं  १५ -२० हजार कोटींचे नुकसान होऊन पाकिस्तान सुधारत नाही.  

फडतुस बांगलादेश, श्रीलंका च काय मालदीव सारखे टिनपाट देश सुद्धा काही वेळेस तुमचे ऐकत नाहीत. त्यांना जमिनीवर आणायला लागते.   

तिथे तुम्ही तुमच्या पेक्षा बलदंड असणाऱ्या अमेरिका रशिया आणि चीनला नियम पाळायला लावायचे म्हणताय?  

उगाच लाजवू नका!  

अमेरिकेने म्हंटलंय की सेत्तेबेलोने आमचे आदेश पाळले नाहीत म्हणून आम्ही हल्ला केला. पण ती तर गेले १० दिवस केवळ उभीच होती. ती कुठेही जात अथवा येत नव्हती. बहुधा निरोपाची वाट पहात असावी. ( इंग्रजी ) बातमी : https://www.bbc.co.uk/news/articles/crlw3k5l3k4o

सेत्तेबेलोच्या मालकांनी सांगितलं की अमेरिकेने कुठलाही आदेश जरी केलेला नव्हता. तशा अर्थाचा संदेश प्राप्त झाला नाही. जर सेत्तेबेलोच्या हेतूविषयी अमेरिकेस संशय असेल तर तसा संदेश पाठवायला हवा होता. हे माझं वैयक्तिक मत आहे.

बहुतेक भारत शासनास ही अमेरिकी दादागिरी कळून चुकली आहे. म्हणून कडक निषेध वगैरे चालू आहे.

यापूर्वी १९८८ साली जगविवेक नामे भारतीय जहाजावर हवाई बेटांच्या जवळ असाच अमेरिकी नौदलाने हल्ला केला होता. युद्धसरावाच्या वेळी सदर जहाज निषिद्ध क्षेत्रात आल्याचा दावा अमेरिकेने केला. मात्र तसा कोणताही संदेश प्राप्त झाल्याचं जोसेफ नामे बिनतारी अधिकाऱ्याच्या ( रेडियो ऑफिसराच्या ) नोंदींत म्हंटलं गेलं नव्हतं. हल्ल्यात जोसेफ मृत्युमुखी पडला. त्या जहाजावर मिपाकर स्वीट टॉकर स्वत: उपस्थित होते. ही कथा इथे आहे : https://www.misalpav.com/story/35411

जगविवेकवरील हल्ल्यासंबंधी मी अनेक प्रश्न उपस्थित केले होते. बहुतेक भारतीय पदस्थांना ( ऑथोरिटीजना ) या खोडसाळपणाचा सुगावा लागला होता. भारतीय मृताच्या नातेवाईकांस बरीच रक्कम देण्यात आली.

-गा.पै.