🏟 पुण्याच्या भेटीचे वर्णन ✈

आईशप्पथ.....

हेच गाणं आठवलं..........

😅हायला ह्यांनी माझी परवाची फेबूवरची, एकदिवसी  पुणे भेट पोस्ट वाचली काय 😂 से  टु सेम.... माझी अशी होती..

*****

 एका मुलीचे नगर शहर, नगर जिल्ह्यातले एकदिवसीय ऐतिहासिक स्थळ जवळपास सर्व पाहून झाले. आता ती पुण्यनगरीतल्या एकदिवसीय ऐतिहासिक स्थळाकडे वळत आहे😅😂

आजचा एकदिवसीय पुणे हेरिटेज भेट उत्तम घडला. येरवदा मेट्रो स्टेशनला तर तीनदा पाय लागले. अक्वा मेट्रो लाईन पहिल्यांदाच वापरली.

पहिल्यांदा सह्याद्री ट्रेकर्स सामाजिक संस्था आयोजित 

पाताळेश्वर लेणी अभ्यास भेट घडली. अपूर्ण राहिलेली हे लेणी चैतन्य साठे सरांच्या अप्रतिम मार्गदर्शनाने मनात, डोळ्यासमोर ती मूर्त रुपात उभी राहिली👍

पांचालीत पेटपुजा करून आगा खान पॅलेस ला फेरफटका मारला. भव्य आहे. आणि नुकतेच 1942 क्रिप्स यांच्या दुसऱ्या महायुद्धच्या पार्श्वभुमीचे धागेदोरे समजले, त्यानुसार  इथे चले जाव आंदोलनाची बरीच माहिती मिळाली.

नंतर खुप काळापासुन पाहायचे राहिलेले सोमवार पेठेतले "श्री त्रिशूण्ड गणपती मंदिर त्यातली अप्रतिम शिल्पकला पाहून खुप आनंद झाला.

ठेचा वडापावने पेटपुजा करत पुन्हा पौर्णिमेच्या चंद्राचे 🥰मोहक दर्शन 🥰 घेत घेत घरी प्रस्थान!!

बाकी हा तिन्ही स्थलांचे संदर्भासह लेख लवकर देईलच.

अजून एकदिवसीय पुण्याजवळचे ऐतिहासिक स्थळ सुचवा 

पुढे यादीत आहे -झुपर्जा संग्रहलाय, शिवसृष्टी आंबेगाव

*****

निष्कर्ष काय तर बायकांच्या पोटात काही राहत नाही, त्यात ती कॅन्टेन्ट क्रीअटर असेल तर, 100 एक फोटो, पाच सहा रीला, गेला बाजार लेख तरी खरडून काढते.....

तिला लिहू द्या 🙃🙏

😂🤣🤣🤣

अजून एकदिवसीय पुण्याजवळचे ऐतिहासिक 

वर्षातले तिनशे पासष्ट दिवस एक दिवसीय ट्रिप करू शकाल एव्हढे ऐतिहासिक आहे आमचे पुणे.

एक दिवस  मारूती बघा. भिकारदास, सोन्या,जिलब्या, खाणे,उंटाड्या.... 

एक दिवस  गणपती बघा....त्रिशुडं, दगडूशेठ,हती अगदी  मोदी गणपती सुद्धा आहे आमच्या पुण्यात...

एक दिवस महादेवाची मंदिरे बघा...ओंकारेश्वर,दशभुजा,बाणेश्वर...

एक दिवस  वाडे बघा,विश्रामबाग वाडा,रास्ते वाडा,नाना वाडा, घाशीरामकोतवाल वाडा.....

एक दिवस गेट बघा, स्वारगेट, क्वार्टर गेट,फड गेट

एक दिवस हौद बघा... फडके हौद, काळा हौद,बाहुलीचा हौद,

एक दिवस  विहीरी बघा.. खजिना विहीर ,औंधची विहीर, घुमटाची विहीर....

एक दिवस  टेकड्या बघा, तळाशी,पर्वती,ए आर ए आय,महादेववाडीची ढगाई,हडपसरची तुकाई....

एक दिवस  तालमी बघा...चिंचेची तालीम,लोखंडे तालीम,जागोबाबद्दल तालीम,काशिगीर तालीम,सुभेदार तालीम...

आहो,गुगल सर्च  इंजिन सुद्धा थकले पुण्याची महती गाता गाता....तेथे म्या पामराची काय कथा.....टंकाळता टंकाळता हात दुखायला लागला. आता पुन्हा कधीतरी....

पुणेरी पाट्या वाचू नका नाहितर इथेच स्थायीक व्हाल.

आयुष्यभर पुण्याबाहेर राहिलेला पुणेकर...

आजही बारा बलुतेदार आपापल्या गल्ल्या राखून आहेत.

शिंपी आळी,बुरूड आळी,तपकीर गल्ली,तांबट आळी,कुंभार गल्ली भटांचा बोळ.....

या बरोबरच तुम्ही  बीना पासपोर्ट  परदेशी   पर्यटनाच  आनंद घेऊ शकता.....

चायना लेन,इस्रायल लेन,ऑक्सफर्ड स्ट्रीट,पॅरिस लेन.....

 दारुवाला पूल आणि त्या नंतर डुल्या मारुती.