एखाद्या गोष्टीचे पॅशन, आकर्षण आणि आवड असणे वेगळे .... आणि जमू शकणारे करियर वेगळे !

लेख आवडला! 
एखादी गोष्ट आपल्याला आवडते म्हणून ती आपल्याला जमेलच असे नाही.
+1

कधी छंद म्हणूनच राहाते तर कधी अर्थार्जनही करवते.

विडिओ पाहिला आवडले काम.

कमी श्रमात जास्त पैसे जिथे मिळतील ते काम करावे या मताचा मी आहे. अशा रितीने एकदा पोटाची सोय लागली की मग बोंबलत फिरायला मोकळे. मग तिथे जी काय आवड असेल ती बाळगावी, पैसे मिळो न मिळो ,बहुधा मिळत नाहीतच उलट जातात :)

अगदी अगदी,सहमत. 

लहानपणापासून  एक वाक्य  मनावर बिंबवले "सगळ्याची सोंगे काढता येतात पण पैशाचे नाही", त्यामुळे प्रयत्न जमेल त्या मार्गाने पैसे कमवायचे आणी जमवायचे. अर्थातच समाज आणी कायद्यात मान्य असलेले. 

आता, जमापुंजी अंता पर्यंत कदाचित गरजेपुरते, पुरतील असे वाटल्याने इतर बिनपैशावाले ,अगोदर कधी न करू शकलेले, लोकांच्या दृष्टिने फालतु उपद्व्याप करत असतो.

नाही पुरली तर पुढचे पुढे बघू, उरले तर मुलाबाळांचे....

छान .,,, सुरेख आठवण ! 

अश्या आठवणी अमुल्य असतात.... किती त्रास झाला तरी आठवल्या की सुख देऊन जातात ! 

इफ युवर पैशन डझ नॉट हेल्प यू  इन अर्निंग , इट्स नॉट पैशन ,बट इट्स पॉईझन..... 

मुंबईत असे पैशन म्हणून नाटक करायचे या नादात उमेदीची  दहा बारा वर्ष अक्षरश: वाया घालवतात. आणि नंतर आयुष्यात करण्यासारखे काहीच उरत नाही. असे काही लोक पाहिले आहेत. छबिलदास च्या गल्लीत कट्ट्यावर उभे असतात.

माझ्या पहाण्यात एका प्रतिष्ठीत नाटकाच्या निर्मात्या कडे एकजण नटांच्या कपड्याना इस्त्री करणारा आहे. त्याची बरेच जण टर उडवत असायचे.  तो बरेच वर्षांपूर्वी नाटकात काम करायचे म्हणून कोकणातून मुंबईला आला होता. नाटक या प्रकाराशी काहीतरी संबंध राहील म्हणून त्याने  ते काम स्वीकारले.... आणि त्याचा कायमसाठी इस्त्रीवाला झालाय.

पैशन ( आवड) , ज्ञान , मिळकत ( अर्निंग )  आणि लोकोपयोग या वर आधारीत इकिगायी बद्दल सविस्तर लेख लिहीतो..

माझ्या मागच्या कंपनीत एक इंजियर कलीग होता, त्याला इलेक्ट्रिक पार्ट्स वर काम करायची लहानपणापासून आवड होती, इतर इंजिनिअर गरजेपीरते काम करून मशीन चालू करून बाजूला व्हायचे पण हा विविध प्रयोग करत बसायचा, त्यामुळे वेळही जायचा नि काही पार्टही उडायचे. शेवटी त्याला त्या कामातूनच बाजूला काढण्यात आले. 
कुणी आवड म्हणून काम करत असेल नी तेच काम एखादा व्यावसायिक पद्धतीने करत असेल तर आउटपुट मधे बराच फरक पडतो! व्यावसायिक पद्धतीने किंवा व्यवसाय म्हणून काम करणारे उत्तम गुणवत्ता नी रिझल्ट देतात!