Skip to main content
लेखक अनन्त्_यात्री यांनी रविवार, 26/04/2026 09:51 या दिवशी प्रकाशित केले.

तुझ्या कवितेच्या ओळी
काळजात रुतलेल्या
अवचित ओथंबून
आज कंठात दाटल्या

कंठी दाटता दाटता
शब्द शब्द विखुरले
काही ओठी उमटले
काही पापण्यांचे झाले

ओठावरल्या शब्दांना
ओठंगून अर्थ आले
तरी वेड्या वळीवाला
पापण्यांनी थोपविले

आज सरीवर सरी
कशी करू मोजदाद
कोलाहलात दुरून
तुझ्या कवितेची साद

लेखनविषय:
वाचने 233
प्रतिक्रिया 4

प्रतिक्रिया

अनन्त्_यात्री गुरुवार, 30/04/2026 15:17

रेलुून , आधार घेऊन 

~~~~~~~~~~~~~

{ओठंगणे      
(अकर्मक क्रियापद) : अर्थ: रेलणे; टेकणे; आधार घेणे.

[मराठी शब्दकोश (महाराष्ट्र राज्य साहित्य आणि संस्कृती मंडळ)]}