एग बिर्याणी

एग बिर्याणी वरळी मुम्बईला कुठेतरी एका लहानश्या होटेल मधे ५५ रु. ला ही एग बिर्याणि उत्कृष्ट मिळते. तशी बनवण्याचा प्रयत्न केलाय. छान बनली म्हणुन पाककृती देतेय.. पाककृती: २ उकडलेली अंडी चिरून दोन दोन तुकडे करून घ्या. १ वाटी बासमती तान्दळाचा जीरे, शाहिजीरे, लवंग, मिरी, दालचीनी, मसाला वेलची, साधी वेलची, तमालपत्र, हळद, मीठ , तुप घालून मोकळा भात शिजवून घ्या. १ मोठा कांदा बारीक़ चिरून तेलावर परतून घ्या. तेलाचा सढळ हस्ते वापर करा. त्यात आले लसून पेस्ट व १ वाटी टोमेटो घालून परता. नंतर त्यात मिर्ची पावडर, बिर्याणी मसाला, धणेजिरे पुड आणि हळद घालून परता. पाणी घालून उकळी आणा. ही ग्रेवी थोडीशी तिखट व दाटसर बनवा. कोथिंबीर चिरून घाला. आता या ग्रेवीवर चिरलेली अंडी घाला व हलकेच मिक्स करा. या ग्रेवी वर भाताचा थर द्या आणि कोथिंबीर पसरा. बिर्याणी ला थोडावेळ मंद आचेवर शिजू दया.