राम जन्मभूमी शिलान्यास एक हजार वर्षांनंतर आज अयोध्येत सबल हिंदू एकतेचे प्रदर्शन होत आहे. एकवीस वर्षांच्या प्रदीर्घ न्यायालयीन लढाई नंतर सम्पूर्णपणे संसदीय मार्गाने, परकीय आक्रमकाने उद्धवस्त केलेल्या मंदिराचे पुनर्निर्माण आज सुरू होत आहे. प्रत्येक हिंदू माणसासाठी हा अभिमानाचा क्षण आहे. 'शांतीप्रिय धर्माचे लोक आक्रमकपणे संघटीत होत असताना निद्रिस्त हिंदूंनी जागे होण्याचा हा क्षण आहे. राम मंदिराच्या निर्माणाने कोरोना जाईल का असले प्रश्न विचारून तोंड वाकडे करणाऱ्यांना या देशाची नाळ कधीच समजली नाही. आज देशात जे चैतन्य दिसतंय ते जाणवू शकत नसणाऱ्या अकलेच्या अंधांनी डोळ्यांचा आणि डोक्याचाही इलाज करून घ्यायला हवा. साडेतीनशे वर्षांपूर्वी मोगलांची आक्रमणे आणि ब्रिटिशांचा चंचूप्रवेश सुरु असताना छत्रपती शिवाजी महाराजांच्या राज्याभिषेकाचे जे औचित्य होते तेच आजच्या या शीलान्यासाचे आहे असं म्हटलं तर ते वावगं ठरू नये. शिवाजी महाराजांच्या राज्याभिषेकाने 'या भूमीच्या, या धर्माच्या रक्षणासाठी एक सार्वभौम राजा अवतरला आहे' असा संदेश तत्कालीन भारतवर्षात पसरला. गलितगात्र हिंदू समाजात एक चेतना निर्माण झाली. हाच संदेश आजच्या निद्रिस्त हिंदूंनी घेणे गरजेचे आहे. जातीयवाद, प्रांतवाद विसरून प्रत्येक भारतीयाने मी प्रथम एक भारतीय आहे हे स्वतःला आणि इतरांनाही सांगणे आवश्यक आहे. आज दुपारी बारा वाजून चव्वेचाळीस मिनिटांनी संपन्न होणारा हा सोहोळा सर्व कुटुंबियांसह दूरदर्शनवर बघावा, अनुभववा. या योगे घरातील पुढच्या पिढीला हिंदुत्वाचे संस्कार देण्याची संधी साधावी. ।।जय श्री राम।।