तुम्ही कुणाला मत दिले/देणार ? का ?

व्यक्ती व तिचे काम पाहून दिले असते. (मतदार)बेसनलाडू

प्रश्न अवघड आहे. माझे मत उघड करणार नाही. कारण, ते आहे नकारात्मक मताचा पुरस्कार करणारे. सध्याच्या त्या तथाकथित ४९-ओ सारखे नाही. 'मी कुणालाही निवडलेले नाही' याही माझ्या मताचे एक मूल्य आहे आणि ते मान्य करणारी व्यवस्था हवी असे मानणारे माझे मत आहे. पुणे : मुख्य उमेदवार: सुरेश कलमाडी (कॉंग्रेस), अनील शिरोळे (भाजप), डीएसके (बसप), रणजित शिरोळे (मनसे), अरूण भाटीया (स्वतंत्र किंवा अपक्ष), विक्रम बोके (स्वतंत्र). कोणाला निवडावे? (यातील शेवटच्या दोघांना मी मुख्य मानतो याचा अर्थ ते रेसमध्ये खऱ्या अर्थाने आहेत असा नाहीच. उमेदवार एवढेच क्वालिफिकेशन). कलमाडी - रिसोर्सफुल, म्हटले तर दिशा देऊ शकणारा राजकारणी. पण पारंपरिक राजकारणात लटकलेला. त्याच्या सोबतचे पाहिले तर कलमाडींना राजकारणी का म्हणावे असा प्रश्न यावा. पक्ष कॉंग्रेस, म्हटले तर ही ताकद. पण याच कॉंग्रेसचे तेच कलमाडी आणि त्यांचे तेच ते राजकारण. निवडणूक लोकसभेची आणि यांची बहुतांश भाषणे पुणे शहराचे काय करणार याविषयी. गेली कित्येक वर्षे सत्ता भोगल्यानंतरची. माझे मत यांना जाऊ शकत नाही. सिंम्पली नॉट फिट टू बी माय रिप्रेझेंटेटिव्ह. अनील - वैयक्तिक अत्यंत सुस्वभावी. तोच वीकनेस. पक्ष भाजप. माझे मत यांना जाऊ शकत नाही. हा गृहस्थ स्वतंत्र उभा असता तर मी यांना खचितच मत दिले असते. डीएसके - उद्योजक वगैरे ठीक. त्यापलीकडे जाणिवा चांगल्या. म्हणजे प्रचारादरम्यान झोपडीत गेल्यावर तिथल्या समस्या उमगल्या, निवडून येईन, न येईन, त्यांच्यासाठी काम करेन म्हणण्याची हिंमत त्यांच्यात आहे. पण राजकारणी आहे पक्का हा गृहस्थ. प्रचाराच्या अखेरच्या दिवशीच मी सावरकरवादी आहे हे हा गृहस्थ सांगतो (विषय सावरकरवादाचा नाही, उमेदवार अखेरच्या क्षणी कोणती गोष्ट चलनी नाणे म्हणून वापरू पाहतो हा आहे. सावरकरवाद हा चलनी नाणे खचितच मानता येणार नाही. तो वाद कोणाला मान्य असो वा नसो. कारण तसे मानले तर प्रतिवाद करण्याचे कारण रहात नाही. प्रतिवाद करण्याकरीता तरी तो एक 'वाद' आहे हे मानावे लागेल). पुढे काय करेल? स्वतंत्र असता तर माझे मत या पारड्यात पडले असते. कारण त्या स्थितीत यांना शेवटच्या दिवशी मी सावरकरवादी हा साक्षात्कार होण्याची गरज नसती पडली. रणजित शिरोळे - युवक, वेगळा विचार करू शकणारा. भाऊसाहेबांचा वारसा न सांगताच निवडणुकीत उतरलेला. आणि तो वीकनेसही. ठीक. पक्ष? मनसे!!! राज ठाकरे जे बोलतात तसे वागतील? शंका आहे. जिथे या पक्षाला सत्तास्थाने मिळाली आहेत तेथे काय घडते आहे हे, हा एरवी प्रत्येक प्रचार सभेत कागदपत्रे घेऊन (जणू ठोस पुरावे आहेत अशा थाटात) बोलणारा performer नेता बोलत नाही याचा अर्थ काय? यांना माझे मत जाऊ शकत नाही. भाटिया - चांगला नोकर(शहा). कंस महत्त्वाचा. दिशा आहे का? आहे. मार्ग आहेत का? नाहीत. कारण स्वभाव एककल्ली. पण एक आहे, इतरांच्या तुलनेत माझा कल यांच्याकडे अधिक असता. विक्रम बोके - अगदी काही काळापूर्वीपर्यंत हे गृहस्थ मनसेत होते. तेथून का बाहेर पडले हेच कळले नसल्याने हा उमेदवार माझ्या लेखी गारद.

मनसे ला करण्याची खूप इच्छा होती. :( :( पण बारामती मतदारसंघात त्यानी उमेदवारच ऊभा केला नव्हता. पण शेजारच्या पुण्यात असतो तर नक्कि मनसे. एक चान्स द्यायला काय हरकत आहे. विद्याधर

देता आले नाही .. पण भारतात असते तर नक्कीच दिले असते .. काही लोक म्हणतात मत देउन उपयोग काय ? नेहमीचेच लोक निवडून येणार आणि पुढील ५ वर्ष सगळं काही तसच चालणार .. पण मला वाटते मत नक्की द्यावे .. आपण मत दिलेला उमेदवार निवडून जरी आला नाही तरी मतांच्या संख्येवरुन त्याला कळू शकत कि आपल्याला किती लोकांचा पाठिंबा आहे .. आणि कदाचित त्याचा काम करण्याचा हुरुप वाढेल . आणि निवडून आलेल्या उमेदवाराला सुद्धा जणिव राहील, कि त्याच्या विरोधात किती जण आहेत? १ ) मी उमेदवाराचा पक्ष कोणता आहे हे सर्व प्रथम विचारात घेईन कारण ही राष्ट्रीय निवडणूक आहे .. माझ्या विचारांशी सुसंगत असलेला पक्षच मी निवडीन २) त्या नंतर उमेदवाराचे काम ( इतर उमेदवारांच्या केलेल्या कामाच्या तुलनेत) आणि काम करण्याची पद्धत विचारात घेईन . ३) नंतर उमेदवाराचे चारित्र आणि त्याची राजकीय कारकीर्द . अर्थात या सगळ्याच गोष्टी एका उमेदवारात सापडणे मुष्कील आहे . या तीन निकषांच्या कसोटीवर जास्तीत जास्त जो खरा ठरेल त्यालाच मी मत देईन.

आमच्याकडे गेले दोन पंचवार्षिकला शिवसेना निवडून येते, आणि याहीवेळेस तेच निवडून येतील असे वाटते. मुस्लीमांवर वचक राहावा म्हणून गेले काही वर्ष इथे सेनेचे प्राबल्य वाढले आहे, असे असले तरिही ग्रामीण भागातील मतदारांनी शांतीगिरी महाराजांना (अपक्ष उमेदवार ) मतदान केले आहे. शांतीगिरी महाराजांना संसार नाही, त्यामुळे ते निवडून आले तर, भ्रष्टाचार होणार नाही. विकास झाला तर झाला ,नाही तर किमान गावा-गावात सप्ते तरी घालतील ही सामान्य भोळ्या माणसाची अपेक्षा. मात्र या दोघांच्या लढतीत काँग्रेसचा उमेदवारही बाजी मारु शकतो. बदल आवश्यकच असतात तेव्हा बदल झाला पाहिजे असे वाटते. आमच्या घरात पहिल्यांदा मतांची विभागणी झाली, चार काँग्रेस तीन अपक्ष ! :) एका बूथवर मतदान केंद्राध्यक्ष असल्यामुळे कागदपत्राची पूर्तता करणे जमले नाही, त्यामुळे मतदानापासून वंचीत राहिलो. -दिलीप बिरुटे

मी भाटियांना मत दिले. कारण १) ते निवडुन येणार नाहीत याची खात्री २) एका मैत्रिणिने एसेमस केला भाटियाला मत दे ३) ४९ ओ वापरता येत नाही म्हणुन ४) पुण्यातील जनसंसद कार्यक्रमाला मी उपस्थित होतो ५)मतदारसंघाचे प्रतिनिधित्व करु शकेल इतपत क्षमता नक्की आहे प्रकाश घाटपांडे आमच्या अनुदिनीत जरुर डोकवा.

बारमध्ये जाऊन निवांतपणे दोन पेग पिण्याच्या माझ्यासारख्या सर्वसामान्य माणसाच्या हक्कावर या निवडणुकांमुळे ड्रायडे लादला गेल्याने गदा आली आहे. याचा तीव्र निषेध म्हणून मी मतदान करणार नाही! ज्या धंद्याच्या उलाढालीवर माझीही रोजीरोटी अवलंबून आहे असा धंदा ड्रायडेच्या नावाखाली बंद ठेवला जात आहे. दारूच्या धंद्यात रोजची साधारणत: १० कोटींची उलाढाल एकट्या मुंबईत होते. ड्राय डे च्या जाचामुळे ही दर दिवशीची दहा कोटींची उलाढाल तीन दिवस बंद राहिल्यामुळे या धंद्यावर अवलंबून असणार्‍या माझ्यासारख्या कित्येकांची रोजीरोटी बुडणार आहे. या सार्‍याचा तीव्र निषेध म्हणून मी आणि या धंद्याशी निगडीत असलेले माझे अनेक सहकारी/मित्र मतदानावर बहिष्कार टाकणार आहोत! तात्या.

आमचे हक्काचे / आणि खरोखरच जनतेची कामे करणारे ( मुख्यतः मुंबईकरांचा जिव्हाळ्याचा असलेले रेल्वे संबंधी प्रश्न ) उमेदवार श्री. आनंद परांजपे आमच्या मतदारसंघ सोडून (ठाणे) कल्याणची सुभेदारी करावयास गेल्याने माझ्या सारख्या अनेक लोकांची निराशा झाली आहे. त्यामुळे सध्याच्या परिस्थितीत ठाणे मतदारसंघातील मनसेचे उमेदवार श्री राजन राजे यांनाच आमचे मत ------------------------------------------------- छोट्या दोस्तांसाठी गंमत गाणी इथे वाचा

उस्सुकता आहे पन कान्ग्रेसला अजाबात मत देनार नाही. धुलधान केली देशाची ५० वरषे सततेमधे राहुन. धड दलिताच भल नाय धड मुसलमानाचे भल नाय, कायच नाय नुस्ति खाबुगिरि. . अब्बी ऊठी अण्डा बनायी पकायी खायी और आयी। आँ, पैचान कौन । नई रे, चंदा भी नई, सोनि भी नई, अबे खुफियापनती क्या कर रहा है, ज्युली बोल रहि हू मै, शेखरअन्ना है?

दिले . रजा घेउन, ज्या गावी मतदार यादीत नाव होते त्या गावी जाउन दीले. (आवांतरः चर्चेचा मथळा "तुम्ही कुणाला मत दिले/देणार ? का ?" असा आहे, तरी काहीनी , दीले असते तर वै. लिहले आहे , ह्या जर तर ला काही अर्थ नाही)

पुण्यात असतो तर डिएसकेला मत दिले असते.

सुप्रियाताई सुळेंना! - टिंग्या पवार

मनसेला! आम्ही येथे पडीक असतो!

ह्म्म. चांगली चर्चा ! --अवलिया

मणशेला दिले असते. (कोनी का निवडून येऊदे मसणात नाही नेले म्हणजे झाले !) :B :B :B बाकरवडी :B :B :B

१. कलमाडी: या माणसाला मत द्यायचा काही प्रश्नच येत नाही. पुण्याची बकाल आणि नियोजनशून्य वाढ होऊ देऊन पुणेकरांचे जीवन असह्य करणार्‍या कलमाडीला माझे मत मुळीच नाही. केवळ शेतकर्‍यांच्या जमिनी त्याना खोटी आमिषे दाखवून त्यांच्याकडून काढून घेऊन त्याना भिकेला लावायचे आणि त्या परिसराचा नियोजनशून्य सिमेंट जंगलीकरण करायचे, वारंवार उखडणारे रस्ते बनवायचे आणि रस्ता दुरूस्तीची कामे काढून कंत्राटदारांच्या संगनमताने पैसे खात रहायचे येवढे एकच यांचे काम. बीआरटी सारखा अव्यापारेषूव्यापार पुणेकरांवर लादायचा अशा अनेक कारणांमुळे कलमाडी बाद ठरतो. २. अनिल शिरोळे: स्वतः माणूस म्हणून तसेच नगरसेवक म्हणून चांगले पण राममंदिराच्या नावावर वर्षानुवर्षे राजकारण करणार्‍या आणि राममंदिर उभारणीच्या प्रक्रियेलाच खीळ घालणार्‍या भाजपाला या वेळे नक्की मत नाही. म्हणून अनिलरावही बाद. ३. डिसके: बसपा आणि इतर भैय्ये पक्ष सोडून इतर कोणत्याही पक्षाकडून उभे राहीले तर त्याना मत दिले असते. काँग्रेसकडून उभे राहीले असते तर वर्षानुवर्षाचा काँग्रेसचा ढोंगी इतिहासाकडे काणाडोळा करुन याना मत दिले असते. तेच जर हे भाजपाकडून उभे राहीले असते तर भाजपाचे ढोंगीपणाचे अपराध माफ करून डिसकेंमुळे भाजपाला मत दिले असते. ४. अरुण भाटीया यानी जर मराठीत बोलून मत मागितले असते तर त्याना मत दिले असते. जर ते पुण्याचे प्रतिनिधित्व करणार असतील तर चांगले मराठीत बोलता यायलाच पाहीजे. अन्यथा माझे मत त्या उमेदवाराला नाही. म्हणूनच भाटीयाही बाद. ५. रणजित शिरोळे: स्वतः उमेदवाराचा प्रत्यक्ष परिचय नाही. त्याचे कोणतेही भाषण ऐकलेले नाही. पण राजच्या प्रभावामुळे माझे मत रणजित शिरोळे याला. पुण्याचे पेशवे एरवी सगळे कागद सारखेच. फक्त कागदाला अहंकार चिकटला की त्याचे सर्टीफिकेट होते. Since 1984

मतदान केले नाही ! पण 'विदेशी' बाईला थोपवण्यासाठी 'देशी' बाईला मतदान करा असा सल्ला मात्र अनेकांना दिला. परा(ज)कारणी ©º°¨¨°º© परा ©º°¨¨°º© फिटावीत जरा तरी जगण्याची देणी, एक तरी ओळ अशी लिहावी शहाणी... आमचे राज्य

आमच्याकडे मतदान उद्या आहे. मी व्यक्ती पाहून मत देणार आहे. कारण मला अजून असा कोणताहि पक्ष वाटत नाहि ज्याला स्वतःची "ठाम" विचारधारा आहे. जर सगळे पक्ष वेळप्रसंगी एकमेकांसारखे वागणार असतील तर मत देण्यासाठी उरतात त्या व्यक्ती. माझे निकष:

• व्यक्तीने मतदारसंघातील जनतेसाठी काहि काम केलं आहे का?
• त्याच्या योजना काय आहेत?
• मुंबईसाठी तो काय करेल/करतो?
• माझ्या मतदार संघातील प्रश्न तो जाणतो का? त्यावर त्याच्याकडे काहि उपाय आहेत का?
• माझ्या भागाचं प्रतिनिधीत्त्व दिल्लीत तो करू शकेल का?
• देशाला त्या व्यक्तीला निवडून देऊन कोणत्याहि प्रकारचा धोका / अपाय होण्याची शक्यता आहे का?

माझ्यापुरतं तरी उमेदवाराचे वय, लिंग, पुस्तकी शिक्षण, जात, धर्म या गोष्टींना विषेश महत्त्व नाहि ऋषिकेश

आम्ही राजसाहेबांवर विश्वास ठेऊन रणजितसिंह शिरोळेंनाच दिले.

चांगली चर्च्या रंगली आहे... मता चे दान देण्यासाठी मत आसायेला पाहिजे, आणि आमच्या मतांच्या "चिंदठ्या" या राजकारणी लोकांनी केव्हाच केल्या आहेत !! मत कोणलाही द्या... आमच्या (सामांण्ये लोक) मतांचा कधी विचारच झाला नाही... होइल असे वाटत पण नाही....कोणी ही निवडुन आला तरी माझ्या बापाला काय मिळ्णार??? ऊगा कश्याला ऊन्हात तास दोन तास उभा राहच्ये म्हणतो मी !!

आत्ताच मत देऊन आलो. सगळ्या उमेदवारांची यादी काळजीपूर्वक वाचली. मग फक्त राष्ट्रीय पक्षांवर लक्ष केंद्रित केले. कारण केंद्रात फक्त राष्ट्रीय पक्षच असावेत अशा मताचा मी आहे. शेवटी जो पक्ष बहुमताच्या जवळ येईल असे वाटले व ज्याचा उमेदवार गुन्हेगार नाही अशा पक्षाला मत दिले. हर शख्सको अपना बनाके देख लिया मिलेंगे ना किसीसे ये दिलमें ठानी है|

मला एका पक्षाच्या कारय्कर्त्याने दुर्गातली बिर्यानि व सिगनेचरची चपटी दिली..त्याने सांगितले त्याला मत दिले..दिवस मस्त गेला...

मत द्यावे न द्यावे असा विचार करत शेवटी मतदान करून आलो. आमच्या भागातील त्यातल्या त्यात चांगला वाटलेल्या उमेदवाराला. (गेले काही दिवस मिपाची धावती भेटच व्हायची. त्यामुळे हा धागाही नीट वाचता आला नाही. ह्याबाबतील माझे विचार अनुदिनीवर टाकल्यानंतर हा पुन्हा वाचनात आला. म्हणून पुन्हा इथे न लिहिता त्याचा दुवा देतो. )

शिवसेनेल मत दिल. माग मी तुमा लोकान्ला बोल्लो होतो ना. . अब्बी ऊठी अण्डा बनायी पकायी खायी और आयी। आँ, पैचान कौन । नई रे, चंदा भी नई, सोनि भी नई, अबे खुफियापनती क्या कर रहा है, ज्युली बोल रहि हू मै, शेखरअन्ना है?

मी ह्यावेळी पक्ष पाहुन मतदान केले.. पक्ष नविन आहे, काहीतरी वेगळे करेल अशी आशा आहे, पण त्याने माझ्या भागात उभ्या केलेल्या उमेदवाराचे नावही मी आधी ऐकले नव्हते.. (आणि ज्यांची ऐकलेली त्यांची नावे काही वर्षांपुर्वी पेपरात खुन वगैरे प्रकरणी वाचलेलीही) पक्ष मी आधीच ठरवलेला, त्यामुळे त्याच्या उमेदवारापुढे बटन दाबुन मोकळे झाले.. :) साधना

येन्ट्री आनि येक्जिट पोल हे केवापन निवडनुका नंतर मतगनना झाल्याव करावेत अस मला वाटत. मी हत्तीला मत दील. */*\*/*\/*\*/*\*/*\*/*\*/*\*/*\*/*\*/*\*/*\*/* आनि डोळ्याइतक्याच जड आवाजात त्यान पहिला पोलीसी सवाल केला, डायवर कोन हाय !

या वेळी मतदान आमच्या विभागातील उमेदवारांचा विचार न करता, पंतप्रधान पदाचा उमेदवार डोळ्यापुढे ठेऊन केले.......!!!! -------------------------------------------------------------------------------------------- अवधुत अन धन्यवाद देवाचे...

या वेळी मतदान आमच्या विभागातील उमेदवारांचा विचार न करता, पंतप्रधान पदाचा उमेदवार डोळ्यापुढे ठेऊन केले.......!!!! -------------------------------------------------------------------------------------------- अवधुत अन धन्यवाद देवाचे...