कुंडमळा, चिंचवड परिसर भटकंती आणि मिपाकराची चित्रे

व्हीडीओ छानच आहेत. चित्र प्रदर्शना बद्दल आगोदर कळाले आसते तर भेट दिली असती.चित्रे सुदंरच आहेत.
चोथा कोनाड्याचा पाचवा कोना कळाला.

कंजूस सर, भारी कुंडमळा भटकंती. खळाळ पाण्याचे सर्व व्हिडिओज झकासच !
इतके दिवस व्यनीने भेट व्हायची काल प्रत्यक्ष भेटीचा योग आला, छान वाटलं! आवर्जून चित्र प्रदर्शन पाहायला आलात त्याबद्दल मनापासून थँक्यू! तुमच्या सानिध्यात तीन साडेतीन तास कसे गेले ते समजलेही नाही! मंगलमूर्ती वाड्यात लाकडी कोरीवनक्षीकाम, हंड्या झुंबरे हे पाहताना आपभान विसरून गेलात याचे कौतुक वाटले. माझीही आपणा सोबत बऱ्याच दिवसांनी नगर फेरी झाली.
असेच अनौपचारिकपणाने भेटत राहू !

थँक्यू कंजूस सर!

सुरेख छोटेखानी भटकंती.
कुंडमळा अतिशय धोकादायक आहे, वाहत्या पाण्यात तिथल्या खड्डयांचा अंदाज अजिबातच येत नाही.
चौथा कोनाडा यांची चित्रे फार आवडली. वाडा तर सुंदरच आहे.
नेमके ऑफिस असल्यामुळे यायला जमले नाही.
वाड्याच्या जवळच ग्रामदैवत भैरवनाथ आहे. भैरवाची मूर्ती प्रेक्षणीय आहे.

छोटेखानी भटकंती आवडली 👍
सगळे व्हिडीओज पाहिले. पाण्याचा फोर्स चांगलाच जाणवतोय.

चौथा कोनाडा ह्यांचा 'दा विंची' पैलू नव्यानेच समजला! चित्रे फार सुंदर आहेत, व्हिडीओतली सगळी चित्रे त्यांनीच काढलेली आहेत का?

शारजाचा मित्र सध्या घरी आला आहे, त्याला पावसाळ्यातले सह्याद्रीचे सौन्दर्य दाखवायला परवा आम्हीही एक छोटेखांनी भटकंती केली. आम्ही तीन मित्र, एका मित्राचा मुलगा आणी माझा भाचा असे पाच जण होतो. पावसाळ्यात पर्यटकांची गर्दी असणाऱ्या ठिकाणी जायचे आता टाळतो त्यामुळे गेल्या ३ वर्षांपासून आमचे फेव्हरीट ठिकाण झालेल्या पेण तालुक्यातील बोरगाव-व्याघरेश्वर रस्त्यावरच्या 'विराणी' गावाजवळच्या परिसरात पोचलो. इथे नदी नाही, मोठे धबधबे नाहीत की जलाशय नाही. फक्त भरपूर सारी हिरवळ, छोटे छोटे झरे आणी अडीच-तीन हजार फूट उंचीवरून दिसणारी धरमतर खाडी, JSW कंपनीची जेट्टी, रात्रीच्या वेळी रोषणाई केल्यासारखे दिसणारे JNPT आणी नवी मुंबई परिसरातले लाईट्स अशी विहंगम दृष्ये, थंड वारा आणी भिजायला पाऊस!
पर्यटकांची अजिबात गर्दी नसल्याने मस्तपैकी प्रायव्हसी मिळते आणी खावून-पिऊन मजाही करता येते.
वेगळा धागा काढण्यासारखी ही भटकंती नाही, त्यामुळे इथेच काही फोटोज आणी एक व्हिडीओ देतोय 😀

.

.

.

.

.

.
भाचा आणी मित्राच्या मुलाची स्पोर्ट्स कारचे थोडे कर्तब बघण्याची इच्छाही मित्राने पूर्ण केली त्याचा एक छोटा व्हिडीओ खाली देत आहे.

ता. क. चौथा कोनाडा साहेब तुमचे अभिनंदन आणी पुन्हा तुमच्या चित्रांचे प्रदर्शन असेल तेव्हा कळवा, बघायला आवडेल!

वाखूसा

सगळी चित्रे सुरेख! सुरवातीची काही चित्रं पाहून मिलिंद मुळीकांच्या शैलीची हटकून आठवण झाली - तुम्ही त्यांचे शिष्य आहात काय?

चित्रे छान आहेत, मिलिंद मुळीक यांच्या चित्रांची आठवण झाली.

चौको काकांची छान चित्रे जुने पुणे दिसतेय त्यात, मस्त!

कंजूसकाका छान भटकंती. कुंडमळा येथे सारखेच जात असतो. पावसाळ्यात मात्र धोकादायक असते हे ठिकाण. त्या मंदिरामागच्या बंधार्‍यावरून अतिशय रिस्क घेऊन कारवाले, बाईकवाले ये जा करत असतात.

चौथा कोनाडा यांची चित्रे सुरेख. प्रदर्शनाबद्दल माहिती असते तर नक्की आलो असतो.

सं - दी - प

वा! वा सुरेख फोटो आणि विडिओ. चौ को साहेबांची चित्रे तर एकदम मस्त. पाण्याचा प्रवाह वाढलेला दिसतोय . आम्ही गेलो तेव्हा पूल बंद केला होता.

वा, छानच भटकंती
चौथा कोनाडा चित्र भारी आहेत.

कंजूस सरांनी नमुद केलेल्या कलादालन या व्हिडीउत्तम प्रतिसादओतील शेवटची १५ चित्रे (काळ्या कार्डबोर्डवरची) मी काढलेली आहेत. आधीची फ्रेम केलेली चित्रे कलाकार धिरज दिक्षित (पिंपरी) यांची आहेत. रसिकांनी प्रदर्शनाला उत्तम प्रतिसाद दिला.
🙏
चित्रं आवडल्याचे आवर्जून सांगणारे प्रचेतस, टर्मीनेटर, सौंदाळा, मुक्त विहारि, विंजिनेर, मनोभक्ती, चांदणे संदीप, जो_एस, आणि अर्थातच कंजुस सर आपणा सर्वांचे मनापासून आभार ! 🙏

कंकाका, भारी विडीओज आहेत. तुम्ही सुद्धा चित्रे काढता काय?

चौको: मी वाकडलाच असतो. प्रदर्शनाबद्दल माहित नव्हते. पुढच्या वेळेस मिपावर माहिती टाकावी. नक्की येऊ! :-)

https://www.youtube.com/playlist?list=PLvJccCosxUBqhNkEQL6VCi8MUZu3xoA_8

प्रचेतस म्हणतात तसे

कुंडमळा अतिशय धोकादायक आहे, वाहत्या पाण्यात तिथल्या खड्डयांचा अंदाज अजिबातच येत नाही.

अगदी .... .. कालच कुंडमळा येथे एक युवक वाहून गेला, त्याला वाचवणार्‍या मित्राला मात्र वाचवण्यात यश आले.

https://www.lokmat.com/pune/a-young-man-who-jumped-into-the-water-to-sa…

अति-पावसात कुंडमळा येथे जाणे शक्यतो टाळावे, गेल्यास पात्रात, खडकावर उतरू नये, दुरुनच सौंदर्य अनुभवावे !

अ ति श य दुर्दवी घटना ...... !

जुन जुलै मध्ये इथ जाण्याचं आणि तेही प्रवाही पाण्यात उतरणं धोक्याचं आहे. दरवर्षी ८-१० बळी जातात !
या वेळी पुलावरच्या गर्दीने घात केला .. अन ध्यानी मनी नसताना होत्याचं नव्हतं झालं .
आमच्या कॉलनीतल्या एक काकू त्यांच्या नातवाचा आणि जावयाचा कुंडमळा दुर्घटनेत बळी गेला, काकूंची मुलगी गंभिर आजारामुळं रुग्णालयात भरती आहे.. अजून तिला तिचे यजमान आणि मुलगा मृत्यूमुखी पडले आहेत ही बातमी सांगू शकले नाहीत ! किती दुर्दैवी ! कॉलनीभर दु:खाचे सावट अस्वस्थ करत आहे.

अरेरे, अतिशय दुखद घटना.

बोर्डवर पुलाचा धोका , खळग्यांचा धोका सर्व लिहिलेले आहे .
पण लक्षात कोन घेटो