"...हो ! आणि बाबा चीनहून आल्यानंतर तिचं चहाचं वेड खूपच वाढलं होतं. त्यांनी तिकडून आणलेल्या टी सेटमधून ती सारखी चहा प्यायची. त्याच्याजवळ जरी कोणी गेलं तरी जोरजोरात अंग हलवायची. झोपूनच असायची, आवाज फुटत नव्हता. पण मी आले तेंव्हामात्र माझ्याशी बोलली. ' बोचलं ग खूप ' एव्हढच म्हणत होती. नीट ऐकल्यावर समजलं.काय बोचलं, कुणी बोललं का तिला, देव जाणे! __ हो. ये. अच्छा!" फोन ठेवताना शाल्मलीच्या धक्क्याने टेबलावरच्या टी सेट मधला एक कप खाली पडून फुटला. चुकचुकत वळताना तिचा पाय काचेवर पडलाच. "... स्स sss बोचलं ग sss खूप...." शाल्मली ओरडली. टेबलावरचे चारही कप तिच्याकडे टक लावून बघत होते !