Skip to main content

शशक'२०२२ - योगायोग

लेखक साहित्य संपादक यांनी सोमवार, 09/05/2022 07:48 या दिवशी प्रकाशित केले.

"फूट्बोर्डवर पाय ठेवा तुम्ही", अभिरुपने चालत्या ट्रेन पकडणार्या मुलीच्या बखोटीला धरुन आत घेतले.
"काय वेंधळेपणा, कशाला धावती ट्रेन पकडता?"
"सॉरी चुकले. घरुन फोन आलेला की त्वरित घरी ये…"
"इथं लगोपाठ ट्रेन असतात. दुसरी मिळाली नसती का?"
ती ओशाळली, आतमध्ये सरकली.
तो सांताक्रुझला उतरला आणि खिसे चाचपडु लागला. मागोमाग ती.
"काय झालं?"
"शट! मगाचच्या गडबडीत आईने मुलीकडच्यांचा एक पत्ता दिलेला तो कागदच उडुन गेला.
मी सांताक्रुझचीच, पत्ता सांगाल?.
"साफल्यनगर"
"समोरचीच कॉलनी, मी तिथेच राहते. कोणाकडे आलात?."
"काहीतरी वासंती काटदरे नाव होते, फ्लॅट ११०५ की १११५ आठवत नाहीये.
"हम्म"
"काय झालं?"
"मी दमयंती काटदरे, तुमचं माहित नाही पण मला तुम्ही पसंद आहात."

वाचने 15593
प्रतिक्रिया 33

प्रतिक्रिया

निनाद सोमवार, 09/05/2022 09:00

मला तुम्ही पसंद आहात.

पसंत असा शब्द वापरयचा असावा असा कयास आहे.

सौन्दर्य मंगळवार, 10/05/2022 23:19

"फूट्बोर्डवर पाय ठेवा तुम्ही", अभिरुपने चालत्या ट्रेन पकडणार्या मुलीच्या बखोटीला धरुन आत घेतले.
"काय वेंधळेपणा, कशाला धावती ट्रेन पकडता?"

म्हणजे त्या मुलीने ट्रेन तर पकडलीच होती मग पुन्हा फुटबोर्डावर पाय ठेवण्याचा सल्ला कशासाठी ?

प्रमोद देर्देकर बुधवार, 11/05/2022 07:02

सौंदर्य तुम्ही अमेरिकेत राहता म्हणून तिथे यात्रिक दरवाजा असल्याने कोणी चलती ट्रेन पकडत नाहीतमुबंईत हे रोजचं जीवन आहे.
चालू ट्रेन मध्ये नुसता मधला दांडा पकडून किंवा हॅन्डल पकडून दोन चार पावले धावत चढतात.
मधलं अंतर जास्त असलं तर त्या खाचेत माणूस फसू शकतो.
खलील लिंकवर १.२६ च्या पुढे पहा.

https://youtu.be/avoCvYEBpN4

तर्कवादी बुधवार, 11/05/2022 00:18

तुमचं माहित नाही पण मला तुम्ही पसंद आहात.

बाकी ट्रेन , चिठ्ठी ,योगायोग जाऊदेत पण आपली पसंती थेट आणि स्पष्टपणे सांगणार्‍या नायिकेकरिता +१

निनाद बुधवार, 11/05/2022 12:52

आपली पसंती थेट आणि स्पष्टपणे सांगणार्‍या नायिकेकरिता +१
होय +१

तुषार काळभोर शनिवार, 14/05/2022 07:37

डिडिएलजे, चेन्नै एक्स्प्रेस, पुणेमुंबईपुणे
सिम्रन, मीन्नम्मा, गौरी
राज, राहूल, गौतम