ताज्या घडामोडी- फेब्रुवारी २०२२ - भाग ३

कॉमी साहेब, माझ्या व्यक्तिगत मताबद्दल म्हणाल तर फक्त एखाद्या समूहग्रुप बद्दल काही टिप्पणी न करता सुद्धा मुद्यांआधारे चर्चा करता येते. पण अगदी आंतरराष्ट्रीय ग्रुप्स मध्ये चर्चा करतानाही अनुभवाला हे येते की लोक चर्चेत आपले पूर्वग्रह, द्वेष आणि अनुभव घेऊन येतात. या सगळ्यापलीकडे जाऊन चर्चा करायची असेल तर आपण तेवढे प्रगल्भ अजून झालेलो नाही. किंबहुना माझ्या मते संसदेमधल्या आधीच्या पिढीतल्या चर्चा आता होणाऱ्या चर्चेपेक्षा जास्त मुद्देसूद आणि भरीव होत्या. संसदेत पुराव्याने शाबीत होणारी गोष्ट च बोलायची असते हे विसरून श्रीमान राहुल गांधी बिनबुडाचे आरोप करतात आणि श्रीमान मोदी त्या आरोपांना उत्तरे देत आणि टोमणे मारत बसतात. श्रीयुत उध्वस्त ठाकरे यांच्याबद्दल तर बोलावे अशी परिस्थितीच नाही. मुद्दा असा की तुम्ही कितीही नियम बनवा, लोक एक दुसर्यांना किंवा दुसऱ्या ग्रुप ला मूर्ख म्हणणे, टोमणे मारणे या गोष्टी करणार. उघड नसेल, तर आडून करणार. या सगळ्यात जर कुठली लॉजिकल रेषा आखायची असेल तर व्यक्तिगत टीका ही ती रेषा असावी असे माझे व्यक्तिगत मत आहे. असे मत प्रत्येकाचेच असावे असा आग्रह नाही. आता तुम्ही सांगितलेल्या मुद्द्या बद्दल. याला नाईलाज आहे. माझ्या मते त्या एक दोन लोकांनी आपल्या ग्रुप मध्ये जास्त लोक ओढावे आणि संख्या 5 पर्यंत न्यावी. किंवा मग संपादक मंडळाकडे ही रेषा अगदी पूर्णपणे सोवळी ठेवण्यासाठी पाठपुरावा करावा. या दुसऱ्या गोष्टीला माझा तरी तुम्हाला पाठिंबा असेल. पण तुमच्या मूळ प्रश्नाचे उत्तर माझ्याकडे नाही आणि व्यक्तिगत टिकेकडे वळणे हे ते उत्तर असेल हे मला पटत नाही.