न मावळणाऱ्या सूर्याची गोष्ट

संजय गोरे कान कान दुखतोय म्हणून इ.एन.टी स्पेशालिस्ट डॉ सुधीर भालेराव यांच्या पुढ्यात बसलेले आहेत.
गोरें बरोबर त्यांची मीरा पत्नी आणि मुलगा सचिन देखील आहेत.

डॉ सुधीर भालेराव “गोरे, तुमच्या कानाला इन्फेक्शन झालंय. इ तुम्हाला इअर ड्रॉप्स आणि काही औषधाचे डोस लिहून देतो, ते घ्या.
बरं होऊन जाईल चार पाच दिवसात ”
चित्र उपलब्ध नाही

त्यांनी लिहिलेलं प्रिस्क्रिप्शन घेत संजय गोरे डॉक्टरांना विचारतात "डॉक्टरसाहेब, बाहेर रिसेप्शन मध्ये एक पुस्तक पाहिलं, ध्रुवभ्रमंती, काय नक्की ते ?
मग डॉक्टर सांगतात, ते आणि त्यांच्या डॉक्टर पत्नी डॉ माया भालेराव यांनी उत्तर आणि दक्षिण दोन्ही ध्रुवांना भेट दिली होती त्या अनुभवावर डॉ माया भालेराव यांनी हे पुस्तक लिहिलंय !

मुलगा सचिन ती माहिती उत्सुकतेने ऐकतोय. त्याची जिज्ञासा त्याला स्वस्थ बसू देत नाही !
सचिन डॉक्टरांना प्रश्न करतो "मी ऐकलंय कि तिथं उत्तर ध्रुवावर सूर्यास्त होतच नाही, अंधार कधी पडतच नाही हे खरंय का ?

चित्र उपलब्ध नाही

त्याची ही उत्सुकता पाहून डॉ भालेराव खुप इम्प्रेस होतात डॉक्टर दाम्पत्य त्याच्याबरोबर थोड्या गप्पा मारतात. आणि डॉक्टर त्याला गिफ्ट द्यायचं ठरवतात !
पण .... त्याला गिफ्ट मिळतं का ?
गिफ्टमुळे सचिन का अस्वस्थ होतो ?
गिफ्टचं पुढं काय होतं ?
न मावळणाऱ्या सूर्याचं काय होतं ?
हा सूर्य खरंच त्याला बघायचं भाग्य मिळतं का ?

चित्र उपलब्ध नाही

या प्रश्नांची उत्तरं हवी असतील तर “न मावळणारा सूर्य” ही शॉर्टफिल्म बघायलाच हवी !
कुठलाही आव ना आणता साध्या-सुंदर पद्धतीने उलगडत जाणारी ही हृदयस्पर्शी आणि प्रेरक कहाणी आपलं मन जिंकून घेते !
शॉर्टफिल्मची पथकथा, दिग्दर्शन, संगीत, सिनेमॅटोग्राफी, एडिटिंग अतिशय समर्पक आहे !

युट्युब वर नुकत्याच प्रदर्शित झालेल्या “ न मावळणारा सूर्य ” या शॉर्ट फिल्मला प्रेक्षकांचीही चांगलीच पसंती मिळत आहे. आठ एक दिवसात १४०० च्या वर लाईक्स आणि १६ हजार व्हिव्यूज आहेत ! सत्य घटनेवर आधारित ही शॉर्टफिल्म आपल्याला एक वेगळी प्रेरणा देऊन जाते !

"न मावळणारा सूर्य" आवर्जून बघायलाच हवी अशी ही शॉर्टफिल्म आहे, नक्की बघा !

लिंक : https://www.youtube.com/watch?v=aCDuHMNpvoM&t=2s