भाग ३ ..................... कल्पना लढवा ! काही वर्षांपूर्वी एका खेळाच्या जाहिरातीचा फलक एका शहरातील खांबावर लागलेला होता. त्यातील ठराविक भाग खाली दाखवला आहे. सदर खेळ पाहण्याचा माणशी तिकीट दर १ रुपयाहून कमी होता ! आता खालील प्रश्नांची कल्पनेने उत्तरे द्यावीत. प्रश्न : १. सदर जाहिरातीला आकर्षक शीर्षक सुचवा २. जाहिरात अंदाजे कोणत्या काळातील असेल ? ( दहा वर्षांचा टप्पा चालेल) ३. या खेळातील विजेत्याला इनाम अंदाजे किती रुपये असावे ? ४. या खेळाचे काही नियम देखील जाहिरातीत लिहिलेले होते. एखादा मजेशीर नियम अंदाजाने लिहा. ... प्रत्येकाने रंगवलेले कल्पनाचित्र वाचायला मजा येईल आणि तोच आपला हेतू आहे ! म्हणजेच इथे काही ‘ओळखणे’ हा प्रकार नाही. बिनधास्त लिहा. शक्यतो प्रश्न विचारू नका. आतापासून पूर्ण २४ तास मुदत देतो. तुमचे तयार झाले की कधीही लिहू शकता. तुमच्या आधी एखाद्याने उत्तर लिहिलेले असेल तर त्याला उगाचच अनुमोदन देऊ नका. तुमच्या मनातले काय असेल तेच लिहा. मूळ जाहिरातीबद्दल मी २४ तासांनीच लिहीन. तोपर्यंत मी तुमच्या उत्तरावर प्रतिक्रिया देणार नाही. धन्यवाद !