मिसळपाव
आमची प्रेरणा खोडसाळ यांची रचना (शब्द मी आहे असा...! ) आणि
प्रदीप कुलकर्णी यांची सुरेख कविता शब्द मी आहे असा....!
............................................
हा कवी झाला कशाला....!
............................................
अर्थ अमुच्या 'वाहवा'चा लावला भलताच केला!
आणि हा आता बघा की, पुर्ण शेफारून गेला!
हा कवी झाला कशाला, नेहमी वाटून जाते...
शेवटी र्‍हासास याला याच कवितेनेच नेला!
वाचकांचे या कवीने ऐकले नाही कधीही....
हा जरासुद्धा न थांबे वाटतो पुरता हटेला!
खेळ याचा चालतो हा रोज यमके जुळवण्याचा...
आणि मग नशिबात अमुच्या रोज या मेल्यास झेला!
रोजच्या रट्टाळ कविता जाहल्या याच्या नकोशा...
रोज आतंकामुळे या सुन्न मेंदूचा तबेला!
स्पष्ट याला कैकदा सांगून झाले पण तरीही....
रोज नेमाने बघा हा पाडतो ठरवून मेला!
रोज तू आम्हास का छळतोस या जाला वरी रे...
वाटतो "केश्या" अरे तू, त्या कवीश्रींचाच चेला!
- केशवसुमार
............................................
रचनाकाल ः १५ एप्रिल २००९
............................................
| लेखनविषय: |
|---|
प्रतिक्रिया
जमलंय
मस्त जमलंय की रे केश्या
प्र. के अत्रे आठवले बुवा
- पाषाणभेद उर्फ दगडफोड्या (- राजेंनी बहाल केलेले नाव)
वाटतो
वाटतो "केश्या" अरे तू, त्या कवीश्रींचाच चेला!
+१
;)
--अवलिया
चालायचच
चालायच कुनी शेफारुन जातय तर कुनी नीर्ढाउन जातय.
प्रकाश घाटपांडे
आमच्या अनुदिनीत जरुर डोकवा.
छान..
सुंदर विडंबन.
पुण्याचे पेशवे
एरवी सगळे कागद सारखेच. फक्त कागदाला अहंकार चिकटला की त्याचे सर्टीफिकेट होते.
Since 1984
वा आवडली
वा आवडली कविता !
:B :B :B बाकरवडी :B :B :B
धन्य आहात..
सुहास
मतदान करा रे ,परत पाच वरिष चान्स नाय भेटायचा..