उजाडले तरी.....

मि.पा.कर ,
सप्रेम नमस्कार !
सोबत एक गझल जोडत आहे.....पहा जमली आहे का !

उजाडले तरी .....

उजाडले तरी न कां , तांबडे मला दिसे?
केस मोकळें जयांत वदन गुंतले असे !

दरवळतो मोगरा अजूनही उशीवरी
चुरगळल्या कांतीला गंध कसा येतसे?

झुळझुळत्या साडीच स्पर्श मऊ मखमली
दूर जरी झालीस तू , बोलतात की ठसे !

विचारले न मी तुला , बोललीस तू कुठे?
"ये मिठीत - घे मिठीत " उभयतांस हे पिसे !

सळसळत्या बांगड्या रुमझुमती पैंजणे
अजून यौवनांत तू , अजून मी असा फसे !