Skip to main content

किल्ले हडसर - एक प्रेक्षणीय व थरारक भटकंती

लेखक वझेबुवा यांनी शनिवार, 13/03/2021 23:27 या दिवशी प्रकाशित केले.

राम राम..

हल्ली शनिवार-रविवारी गडांवर होणारी गर्दी पाहता आता जमल्यास वीकडेज मध्ये ट्रेक करत जाऊ असं मी आणि एका मित्राने सहज ठरवलं आणि 17 फेब्रुवारी च्या बुधवारी गोरखगड तर 3 मार्च च्या बुधवारी हडसर पाहून आलो. हडसर साठी आम्ही तिघे जण होतो.

जुन्नर जवळील हडसर उर्फ पर्वतगड हा वन डे भटकंती साठी प्रेक्षणीय आणि थरारक आहे.

प्रेक्षणीय यासाठी की गडाचा मुख्य दरवाजा आणि त्यापुढील नागमोडी वळत जाणाऱ्या पायऱ्या या कातळात कोरून काढल्या आहेत. पायऱ्यांसाठी रचलेले दगड कुठेही दिसत नाहीत केवळ कोरीव काम. आणि किल्ल्यावरचे मुख्य प्रेक्षणीय ठिकाण म्हणजे किल्ल्यावरील धान्य कोठारे. आपण वरून चालताना जराही कल्पना येत नाही कि आपल्या खाली खडकाच्या पोटात विस्तृत धान्य कोठारं कोरली आहेत.
कोरून काढलेल्या वळणा वळणाच्या वाटेने आपण धान्य कोठारांशी पोहोचतो आणि त्या नंतर डावीकडे, उजवीकडे आणि समोर अशी तीन दिशांना कोठारं आहेत. त्यातही उजवीकडील आणि समोरील बाजूस 3-3 कोठारं आहेत. l आजही तिथे कुबट वास किंवा घाण येत नाही.

आता राहिला किल्ल्याचा थरारक पैलू..
किल्ल्यावर जायला वर उल्लेखलेल्या पायऱ्यांचा राजमार्ग आणि खिळ्यांची वाट असे दोन मार्ग आहेत.
हडसर गावातून किल्ल्यावर जाणारी एक खिळ्यांची अथवा खुंटीची वाट आहे. वाटेच्या सुरवातीलाच फलक लावला आहे 'ही वाट जीवघेणी असून प्रशिक्षित मार्गदर्शन आणि साधनाशिवाय जाऊ नये'.
80 ते 90 अंशांची कातळभिंत चढण्यासाठी मध्ये मध्ये सळयांचे तुकडे ठोकले आहेत. आणि कुठे खोबणी आहेत. या खुंट्याना पकडत खोबणीत पाय रोवत वर चढायचे. थरारक अनुभव होता. चढताना मधेच खाली पहिले तेव्हा आपण कुठून कसे चढत आहोत याची जास्तच जाणीव झाली. शेवटी काय.. रिस्क है तो ईस्क है...

आम्ही खिळ्यांच्या वाटेने चढून राजमार्गाने उतरलो त्यामुळे पुन्हा गाडीच्या ठिकाणी यायला पूर्ण किल्ल्याला प्रदक्षिणा घालावी लागली. 2-3 च्या भर उन्हात चालून चालून हवा टाईट झाली.

- किल्ल्यावर महादेवाचं सुंदर मंदिर आहे. त्यामध्ये गरुड, हनुमंत आणि गणपती यांच्या सुंदर मूर्ती आहेत.
- किल्ल्यावर पिण्याच्या पाण्याची सोय नाही.
- किल्ल्याची उंची फार नाही पण विस्तार मोठा आहे.
- किल्ल्यावरून माणिकडोह धरणाचा जलाशय मस्त दिसतो.

वाचने 7512
प्रतिक्रिया 12

प्रतिक्रिया

वझेबुवा रविवार, 14/03/2021 08:52

मान्य की जरासं त्रोटक झालय.
खरंतर खूप वर्षांनी लिहीतोय, म्हटल सुरुवात तर करु.

आपला लेख वाचून नक्कीच अभिप्राय नोंदवेन.

वझेबुवा रविवार, 14/03/2021 09:01

हो. निमगिरी त्याच डोंगररांगेत असून हडसरच्या रसत्यातच निमगिरीचा फाटा येतो.
मला मिळालेल्या माहितीनुसार निमगिरी व हनुमंतगड हे दोन किल्ले एकाच दिवसात करता येतात.

वझेबुवा रविवार, 14/03/2021 08:56

खरंतर फोटोज व व्हिडीओज आहेत, पण ते मोबाईल वरुन कसे अपलोड करायचे ते समजले नाही.
खूप वर्षांनी पुन्हा मिपा वर आलोय.

गोरगावलेकर रविवार, 14/03/2021 16:28

थोडक्यात छान माहिती. भटकंतीच्या लेखात फोटो असले तर तर आणखी चांगले वाटते.
या निमित्ताने वल्ली यांचा ट्रेकही वाचनात आला.

कंजूस रविवार, 28/03/2021 14:45

वर चढून गेलं की दोन किमीवर घाटघर गाव आहे. तिथे जुन्नरला जाणारी बस येते. त्या बसने 'पूर'चे देऊळ, आणि चावंड किल्ला केला. पुढे जुन्नर डेपोजवळ शिवनेरी.
पण हडसर आणि निमगिरी हे माणिकडोहाच्या ( तलावाच्या) पलिकडच्या तिरावर आहे. तिकडे जुन्नरवरून दुसरी बस जाते.

कल्याण जुन्नर जाताना सितामढी का कोणता फाटा लागतो तिकडूनही जुन्नरला जाता येते ( खासगी वाहने तिकडून जातात, एक घाट चढून उतरावा लागतो) त्या वाटेवरून निमगिरी जवळ आहे म्हणतात पण एसटी बस तिकडून जात नाही. ती बनकर फाटा - लेण्याद्रि फाटा - जुन्नर अशीच जाते.