गुंतागुंत

"नमस्कार सर, गोखले बोलतोय."
बोला गोखले साहेब
"मला वाटले तुम्ही फोन कट करताय की काय"
ते का बरे?
"अहो माझ्या मुलाने तुमचा पाणउतारा केला होता म्हणून"
अहो कसला पाणउतारा ? त्याला माझे म्हणणे नाही पटले, चालतंय की, त्यात चूक काय? आणि मला कोब्रा दंशाची सवय आहे.
"त्याचे परिणाम भोगतो आहे की"
का? काय झाले?
"जेईई ला ११० मार्क"
चांगले आहेत की
"सर मस्करी करताय."
नाही हो, अजिबात नाही. मी तुम्हाला एक नंबर देतो. त्या वर मुलाला फोन करायला सांगा. माझा एक विद्यार्थी आहे अभय शाह. अमेरिकेत मास्टर्स करतोय. त्याला पण १०५ मार्क होते j
जेईई मध्ये २०१५ मध्ये. माझ्या संपर्कात आला. ४ वर्षे इंजिनीरिंग अभ्यासक्रमाच्या बाहेर काय करायचे ते मी त्याला सांगितले. आज सेमीस्टर पूर्ण व्हायच्या आधी त्याची प्लेसमेंट पण झाली. ते सुद्धा सद्य परिस्थितीत. मी कळवतो त्याला. तोच त्याला नीट समजावून सांगेल.
"मुलाला तुमच्याशी बोलायचे असेल तर?"
तर ती एक चांगली सुरुवात आहे.
"आणखी एक समस्या आहे, जरा खाजगी आहे"
बोला
"माझे साडू लेले, त्यांच्या मुलाला १४० आहेत. त्या वरून त्यांची मग्रुरी सहन करावी लागते आहे. काही इलाज? नाते तोडायचे नाही."
एक काम करा, त्याच्या मुलाची पार्टी तुम्ही द्या. पार्टी संपवून येताना एक आहेर द्या. त्याला म्हणा, someday all of us are going to be absolutely DEAD आणि
ब ट न दाबल्यावर भट्टी चे तापमान एकच असते.
"आले लक्षात. आम्ही कारण नसताना मुलांच्या यश अपयशा मध्ये प्रमाणाबाहेर गुंतून जातोय. धन्यवाद सर"