माझी आवड्ती गझल...

का आळ खंजिरावर, घेता तुम्ही खुनाचा?
की वाटले तुम्हाला, तो सोयरा असावा!

भेटून वादळाला, इतुके विचार आता
शाबूत एवढाही, का, कोपरा असावा

ही नवीन २ कडवी समजली.. शतशः धन्यवाद चतुरंग

जखमा कशा सुगंधी, झाल्यात काळजाला
केलेत वार ज्याने, तो मोगरा असावा

नाही अखेर कळले, नौका कशी बुडाली
भयभीत काठ सांगे, तो भोवरा असावा

क्या बात है! सुंदर...

चतुरंगराव, ही गझल इथे दिल्याबद्दल आपलेही अनेक आभार..

तात्या.

इलाही जमादारांची ही गझल आमची अत्यंत आवडती आहे. ती येथे दिल्याबद्दल धन्यवाद.

'जखमा अशा सुगंधी' मधील अनेक गझला आमच्या आवडीच्या आहेत.

आपला,
(आभारी) धोंडोपंत

तात्या ---

तुझा फोन येऊन गेल्यावर आम्ही लगेच इलाहींना फोन केला होता.

ते १६ फेब्रुवारीला मुंबईत येत आहेत. तेव्हा भेटायचे ठरवले आहे.

आपला,
(मध्यस्थ) धोंडोपंत

आम्हाला येथे भेट द्या https://dhondopant.blogspot.com

जखमा कशा सुगंधी, झाल्यात काळजाला
केलेत वार ज्याने, तो मोगरा असावा

क्या बात है.
इलाहींच्या गझला मी वाचलेल्या नाहित. 'जखमा अशा सुगंधी' हे पुस्त्क आहे की आल्बम?

-ऋषिकेश

या गझलेच्या सुरुवातीला एक शायरी आहे. ती मिळेल का?

यांची माझी अतिशय आवडति गझल आहे ही..
किती वेळा वाचली असेल मी कोण जाणे..

जखमा कशा सुगंधी, झाल्यात काळजाला
केलेत वार ज्याने, तो मोगरा असावा

काय जबरदस्त आहे हा शेर..!
- (सर्वव्यापी)प्राजु
https://praaju.blogspot.com/

मस्तच गझल,शोधतच होतो.
पण मिपाच्या नियमात बसते?
इतकी आवडती गझल वाचतानाही हे मनात आलच. कधी कधी नियमालही अपवाद ही असावेत.

सहजच मिपा चाळत असताना ही सुंदर गझल पुन्हा"भेटली"

बाय द वे वे, आज सायंकाळी ७ वाजता, मराठवाडा मित्रमंडळ कॉलेज, आगरकर रस्ता, पुणे इथं इलाही जमादार यांची प्रकट मुलाखत आहे !

जुना धागा वर काढल्याबद्दल धन्यवाद

वाचलेली ऐकलेली माणसे गेली कुठे
पुस्तकातून पाहिलेली माणसे गेली कुठे

रोज अत्याचार होतो आरशावरती आता
आरशाला भावलेली माणसे गेली कुठे

अंदाज आरशाचा वाटे खरा असावा
बहुतेक माणसाचा तो चेहरा असावा

काठावरी उतरली स्वप्ने तहानलेली
डोळ्यात वेदनेचा माझ्या झरा असावा

जखमा कशा सुगंधी झाल्यात काळजाला
केलेत वार ज्याने तो मोगरा असावा

माथ्यावरी नभाचे ओझे सदा ईलाही
दाही दिशा कशाच्या हा पिन्जरा असावा

– इलाहि जमादार