शह काटशह

मी गेल्या गुरुवारी मातोश्रीवर होतो .. तासदीड तास तिथे मी काढला .. जब्बरदस्त जागा .. माझे सध्या ठाम मत बनले आहे कि या जागेतच काहीतरी अद्भुत असावे .. एक गूढ आणि प्रभावी वास्तू असे मी म्हणेन .. तिथला हरेक पहारा त्या जागेत येणाऱ्या प्रत्येकाला डोळ्यात तेल घालून पाहत असतो .. ती जागा म्हणजे मुंबईचा किल्ले राजगड वाटते .. अद्भुत अक्षरशः अद्भुत ,,, असो .. मी इथे खालील काही निरीक्षणे नोंदवत आहे १) महाविकास आघाडीचा शपथविधी जवळच शिवाजीपार्कात ( शिवतीर्थावर ) पार पडला ..अक्षरश गर्दी उसळली होती .. उद्धव ठाकरेंनी खरतेच कमाल केलीय .. तुफ्फाणी प्रतिसादात सर्वाना अचंबित करून सोडले आहे .. २) मा अहमद पटेलांची उपस्थिती म्हणजेच सोनिया गांधींची उपस्थिती असे मी म्हणेन ३) एक आश्चर्यकारक घटना बघितली .. दादर टीटीपासून ते शिवतीर्थ पर्यंत सर्वत्र फक्त भगवे आणि युवकाँग्रेसचे झेंडे होते .. कुठेही राष्ट्रवादीचा झेंडा दिसला नाही .. जर चुकल्यासारखे वाटले आणि पुढे काहीतरी विपरीत घडू शकते असे वाटतेय .. अजूनही खेळ संपलेला नाही असे दिसतेय .. ४) कसेही असले तरी मुख्यमंत्र्यांनी पहिलाच हातोडा मारून सर्वावर कडी केलीय एक म्हणजे : बळीराजाला येत्या दोन दिवसात चौकशी करून न्याय मिळवून देण्याचा निर्णय आणि कारशेड स्थगिती .. ( अर्थात त्यांनी जो शब्द दिला , तो पाळण्यासाठी शिवसेना कटिबद्ध आहे हे दाखवून दिलेय असे दिसते .. आता पुढे बघू काय होते आहे ते ..) ५) अजितदादांच्या बातम्या ( उपमुख्यमंत्री होणार ) अजूनही कानावर येत आहेत .. आणि अजूनही उपमुख्यमंत्री ठरलेला नाही त्यामुळे सावट अधिकच गडद झालेले आहे .. ६) मा शरद पवार , सध्या मीडियापासून लांब आहेत , त्यामुळे काहीच कळत नाही आहे.. ७) उद्धव ठाकरे याना पाहिल्यान्दाच मीडियासमोर बोलताना बघितले .. आत्मविश्वास ठासून भरलेला दिसला .. ती एक सकारत्मक बाब वाटली .. ८) स्वतः हाडाचे दुर्गप्रेमी आणि त्यात छायाचित्रकार , त्यामुळे गडकोटांना चांगले दिवस येतील असे अपेक्षित आहे .. ९) काही गोष्टी खटकल्या .. गरीब आणि गरजू लोकांना , विनामूल्य कर्ज देऊन उच्चशिक्षण देणार .. पुन्हा शिक्षण आले ते हि असे म्हणजे परत शिक्षण संस्था उभ्या राहणार नव्याने .. मग आहे पुन्हा तेच .. हे कुठेतरी थांबले पाहिजे .. शिक्षणाचा बाजार मांडण्यापेक्षा , शिक्षण मोफत आणि दर्जेदार कसे दिले जाईल यावर भर दिला तर हे सर्व थांबेल अन्यथा नाही .. हा बाजार पुन्हा वाढतच जाईल .. आधीच्या सरकारांनी हेच तर केले .. शिक्षणाच्या नावावर संस्थानचे बुरुज उभे केले आणि अजूनही त्यातील रसद घरापर्यंत साभार पोच होतेय . काही गोष्टी आवडल्या तर काही गोष्टींची भीती वाटतेय .. पुढील भावी घोटाळ्याची .. बघू आता काळच ठरवेल पुढे काय होतंय ते .. बाकी या नव्या मुख्यमंत्र्यांनी सध्यातरी बाजी मारलीय असे दिसतेय ..