मिसळपाव
घनदाट गर्द रेशमी केशकुंतल
नेत्रास कोरले काजळ कि सोमल
तनुत रातराणीची मादक दरवळ
गात्रात मदनाची बेफाम सळसळ
*
नजर, कधि लाजरी, कधि नाचरी
रतिरुप,नखशीकांत तु लावण्य परी
वाकलेली लज्जेने तु अबोध रमणी
रुप चमके,जशी नभी शुक्रचांदणी
*
वसने ,गर्भ रेशमी अंगी ल्याली
तव उरास काचे ,भर्जरी काचोळी
देहात रानवारा,उसळे उधाण लाटा
गालास खळी,अशी तु लावण्यकळी
*
अबोल पौर्णीमा, अन धुंद चांदणी
जवळ श्रुंगार वेडी,बेधुंद रागीणी
नाचति वक्षावर, चकोर मंडले बेभान
मुग्ध ति कुजबुज अन चोरटे अलिंगन ,
*
रोम रोम नशेने फुलले,श्वासात श्वास भिनले..
एक मेकाच्या सहवासात,बहरुन यौवन आले
तारुण्य अन यौवनाचा प्राशितो मी कण नी कण
ओंजळीत दिले मी तुजला,तृप्तिचे लक्ष लक्ष क्षण
Avinash
| लेखनविषय: |
|---|
वाचने
2037
प्रतिक्रिया
2
प्रतिक्रिया
ओव्हरडोज झाला राव आता
काका तुम्ही नाश्त्यात शिलाजीत खाऊन बसता का काय राव. अभिव्यक्ती आड यायला नको कोणाच्या म्हणून इतके दिवस बोलायची भीड होती पण आता न बोलता राहवत नाहीये, जरा आवराच आता हे तुमचे अतिरेकी कामुक लिखाण.
-वांडो
साहित्य संपादक/मालक जरा लक्ष घातलेत तर बरे होईल ही नम्र विनंती.
अमेझिंग
अक्कुजी आपने दिल जीत लिया !!