मित्र दारू घेऊन येतात... तुमच्या प्रतिभेला आवाहन आणि आव्हान

अजुनी बसुनी आहे हलता गडी हलेना
संपले खंबे तरीही याला काही चढेना

मित्र टाईट होऊन येतात
आणि आपल्याला अजिबात चढली नाही
असे दाखवण्यासाठी
स्थिर उभे रहाचा प्रयत्न करत
लालभडक डोळ्यांनी
नजर चोरून पहात
माकडचाळे करत सुटतात

मित्र टाईट होऊन येतात
सोसायटीच्या वॉचमन वर
उगाच डाफरून
दुसऱ्याच कोणाच्या तरी
घराची बेल वाजवत
रात्रभर घर शोधत बसतात
उजाडताना वॉचमनच्याच मदतीने
एकदाचे घरी पोचून
रात्री पर्यंत गुडूप होतात......

पैजारबुवा,

दारु प्यायला बसतात आणि....
शिग्रेटलाच "अग्नि" शप्पथ आणा भाका देतात...
तूच आपला भाऊ म्हणून यजमानालाच तासतात...
मुद्दा पटवायला सुरूवात इंग्रजी तून करून शेवट हमखास मराठीतून शिवीनेच करतात..
एखाद्या असफल प्रेमीला मुद्दाम आठवण काढून अमूकतमूक तुझ्या लायकीचीच नव्हती म्हणून जखम ताजी करतात....
मित्र जरी कितीही प्यायले तरी मी कधीतरीच घेतो हे (फक्त) न घेणार्यालाच पटवत असतात.....
कधी कधी मित्रांचेही मित्र असतात पिण्याच्या कार्यक्रमाला बरोबर उगवतात,बिल देण्याअगोदर महत्त्वाचे काम आठवल्या मुळे निघूनही जातात.....
तरी काही मित्र असतातच शिल्लक राहिलेल्या चिवड्यातील जास्तीच्या तिखटमीठ मसाल्यासारखे कधीही अलग न होणारे,शिलकीचा माल अज्जात उचलला तरी चकणा म्हणूनच कामी येणारे..

असतात काही मित्र....

कोरडाठाक नाखु

मित्र स्वतः दारू बनून येतात
सदैव दारूचे गात गोडवे
तोंडात फक्त चकणा ठेवतात,
काही पेग मध्येच
आज गाडी तेर्रर्रर्रर्रर्ररा भाई चालयेगा म्हणत
बत्त्या गुल करतात ...

काही फुकटे मित्र बनून येतात
दारू न पिता
फक्त चकणा खाऊन
बारभर कान खात बसतात
आपल्याला चढलेली असतांना
जुन्या प्रेयसीची आठवण काढून
पुन्हा गुडूप होतात......

माणसे मित्र बनून येतात...

कवी लोकांनी आता काथ्याकूट वरही आक्रमक केले काय ??
;-)))

मित्र दारू घेऊन येतात

एकाएकी रामनाम जपणारे

थोड्यावेळाने का होईना

सर्व योजनेत सामील होतात

कुणी थेम्ब शिंपडते चारी दिशेला

तर कुणी देत असते अलोट मैत्रीच्या आणाभाका

दोन खंब्यामध्ये बरेच अंतर असते

कधी कमी होते तेच कळत नाही

कुणीतरी वाट बघतं असतं घरी

घड्याळ बाजूला काढून ठेवतात

मित्र दारू घेऊन येतात

दारू तिचे काम करते ,, (कामवासना ) जागृत होते

मग मित्र थेट पारू घेऊन येतात

अलंकार भिरकावून

केवळ व्यभिचारी बनून

रात्रभर खेळत बसतात

उजाडताना परत

सांसारिक अंधकारात

गुड्डूप होतात ...

मित्र आधी दारू आणि मग पारू घेऊन येतात

सर्व आणाभाकांचा , कर्तव्यांचा सर्वनाश करतात

आपण सुरुवात करतो ,,, मित्र फक्त घात करतात .............

मित्र दारू घेऊन येतात
मैफिल गावाबाहेर शेतात
दारु पिऊन धुंद होतात
कोणी बेसूर गाणी गातात
कोणी हळूच ताल धरतात..
माणसे मित्र बनून येतात...
कधी वाइट बनून जातात.. ( दारुमुळे)

न पिताच चढली.