Skip to main content

[शशक' १९] - वेंधळा

लेखक साहित्य संपादक यांनी बुधवार, 13/02/2019 08:47 या दिवशी प्रकाशित केले.
नेहमी वेंधळेपणा करतो म्हणे! एखाद्या वेळेस चावी किंवा ग्रोसरी गाडीत राहिली म्हणुन लगेच? त्याने आठवणीने गाडी रिवर्स लावली, वायपर्स उभे करुन ठेवले. शॉवेल आणि ब्रश ट्रंकमधुन घेताना त्याला मागच्या वेळची फजिती आठवली. दोन फुट बर्फ आणि हत्यारं सगळी गाडीच्या ट्रंकेत! रात्रभरात गुडघ्याइतका बर्फ पडला होता. अर्धा तास आधीच उठुन समीर खाली गेला. गाडी स्टार्ट करुन ठेवावी का? एक्झॉस्ट बर्फात ब्लॉक्ड असेल. मागे एकाच्या गाडीत कार्बनमोनॉक्साइड पसरुन गुदमरुन गेला. नकोच, त्यापेक्षा आधी चाकं मोकळी करु. अर्ध्या तासानं तिन्ही बाजूचा बर्फ मनासारखा साफ झाल्यावर समीरनं खिशातुन चावी काढुन गाडी अन्लॉक केली. नेहमीचा टुकटुक आवाज आला आणि शेजारच्या बर्फाच्या डोंगराखालुन चार दिवे लुकलुकले!
वाचने 20633
प्रतिक्रिया 29

प्रतिक्रिया

विजुभाऊ बुधवार, 13/02/2019 09:48
शॉवेल म्हणजे खोरे बाकी वाक्य रचना " हल्ली कीनई मराठी वर्ड्स रीमेम्बर करायला फारच डिफिकल्ट जाते. धिस इज मात्र टू मच हं " टाईप ग्लोबल मराठीत आहे हे समजून घ्यावे

खंडेराव बुधवार, 13/02/2019 16:55
एका प्रसिद्ध विनोद / व्हिडीओ चा अनुवाद आहे मराठी. तो हि जमलेला नाहीये..

ज्योति अळवणी बुधवार, 13/02/2019 17:32
मस्त. पण आंग्ल शब्दांपेक्षा मराठी वाक्यरचना आवडली असती

सुधीर कांदळकर बुधवार, 13/02/2019 19:45
आवडली. पण हा फारसा वेंधळेपणा नाही. ही केवळ नजरचूक आहे. पुण्यात ग्रे सिल्व्हर रंगाची अ‍ॅक्टीव्हा उभी केली की बर्‍याच वेळा बाजूला तश्शाच अनेक अ‍ॅक्टीव्हा लागतात आणि आपण तिसर्‍याच गाडीला चावी लावायचा प्रयत्न करतो. ही गाडी तर बर्फात ह्ती. रंग/मॉडेल पण दिसणार नाही.

शब्दबम्बाळ गुरुवार, 21/02/2019 23:04
सिरियसली?? खरच असे वाटले की यावेळी शशकला उगीचच +1 मिळत आहेत.. द्यायचे म्हणुन द्या टाईप.. एक जुनी जाहीरात ढापुन शशक??

अंतु बर्वा बुधवार, 27/02/2019 23:58
आता स्पर्धा पुर्ण झाली आहे तेव्हा उत्तर देण्यास हरकत नसावी. मी सहसा उत्तरे देत नाही पण ढापलेली आहे हा शब्द वापरल्यामुळे हा खुलासा - मी मागची दहा वर्ष अमेरिकेतील पुर्व किनार्यावर रहात आहे. इथे वर्षातील कमीतकमी ३ ते ४ महिने बर्फव्रुष्टी होते. हा माझा स्वता:चा १०० टक्के खराखुरा अनुभव आहे. तेव्हा नवीन होतो, नुकतीच गाडी घेतली होती आणि एकदा अद्दल घडल्यावर माणूस आपोआपच शहाणा होतो. असा अनुभव येणे अगदिच कॉमन नसले तरी इथे दुर्मिळ नाही. अर्थात बाकीचा मसाला टाकला आहे हे खरं कारण तेव्हा माझं लग्नच झालेलं नव्हतं.

चौथा कोनाडा शुक्रवार, 19/04/2019 17:07
सुरुवातीला काहीच समजली नाही. प्रतिसाद वाचल्यावर समजली. वाक्यरचना वेगळी हवी . चांगली आहे कथा ! आवडली.