Skip to main content

[शशक' १९] - सत्य कटू ते जहर वाटते

लेखक साहित्य संपादक यांनी बुधवार, 06/02/2019 12:55 या दिवशी प्रकाशित केले.

"मी आई होणार हे समजल्यावर तुला आनंद नाही झाला? मख्खासारखा जेवणावरुन उठून गेलास? किती विचित्र वाटले? आई बघ किती आनंदात आहेत, त्यांचे प्लॅनही सुरु झाले"

“ भोळी आहे बिचारी, अज्ञानात सुखी आहे . पण माझे काय? तुझ्या सगळ्या टेस्ट निगेटिव्ह आहेत हे माहीत असूनही मी आनंदाचे नाटक करू? तू आई होऊच शकत नाहीस हे माहीत असताना खोटे बोलून काय मिळाले तूला? त्यापेक्षा दत्तक घेण्याचा पर्याय का स्विकारत नाहीस?”

“मी मुल दत्तक घेणार नाही कारण माझे नाही तर तुझे रिपोर्ट निगेटिव्ह आहेत. पण स्वत:चे न्यून लपवण्यासाठी तू दोष माझ्यावर ढकललास.... आणि ज्यावेळी हे मला समजले त्याचवेळी मी आई होण्याचा निर्णय घेतला.”

वाचने 30440
प्रतिक्रिया 38

प्रतिक्रिया

नाखु गुरुवार, 07/02/2019 12:44

संभावित ढोंगीपणा चेहरा टरटरा पाडणारी कथा.
आपण सहचारिणी ची फसवणूक करीत असू तर तिकडूनही होऊ शकते हे लक्षात ठेवा हाच संदेश भावला.

+११

टवाळ कार्टा गुरुवार, 07/02/2019 16:41

-1
अश्या परिस्थितीत रिपोर्ट सगळ्यांसमोर आणून खरी परिस्थिती उघड करणे की समोरच्याने आपल्याला बोल लावले म्हणून मी सुद्धा वाट्टेल ते करायला मोकळी असा पवित्रा घेऊन आणखी नवीन युद्ध पुकारणे योग्य? म्हणजे आधीच मूल कोणामुळे होत नाही हा गोंधळ निस्तारण्या आधीच दुसर्याबरोबर संबंध ठेऊन नवीन आणखी मोठा गोंधळ सुरू करणे

टवाळ कार्टा गुरुवार, 07/02/2019 16:41

-1
अश्या परिस्थितीत रिपोर्ट सगळ्यांसमोर आणून खरी परिस्थिती उघड करणे की समोरच्याने आपल्याला बोल लावले म्हणून मी सुद्धा वाट्टेल ते करायला मोकळी असा पवित्रा घेऊन आणखी नवीन युद्ध पुकारणे योग्य? म्हणजे आधीच मूल कोणामुळे होत नाही हा गोंधळ निस्तारण्या आधीच दुसर्याबरोबर संबंध ठेऊन नवीन आणखी मोठा गोंधळ सुरू करणे

संजय पाटिल शुक्रवार, 08/02/2019 10:32

दुसर्याबरोबर संबंध ठेवणे गरजेचे असते? क्रूत्रीम गर्भधारणा वगैरे उपाय नाहित?

विनिता००२ शुक्रवार, 08/02/2019 15:53

तिच्या जागी तो असता तर त्याने लगेच दुसर्‍या लग्नाची तयारी सुरु केली असती किंवा आयुष्यभर मी कसा तुला समजून घेतोय ह्याची टिमकी वाजवत, तिला न्युनगंड देत राहिला असता.

अपवाद आहेत, पण बोटावर मोजण्याइतकेच!

तिने तरी फक्त आई होण्याची तिची नैसर्गिक इच्छा पुर्ण केली. वैगुण्य तर त्याचे अत्ता ही झाकलेलेच आहे. :) रिपोर्ट उघड करुन न तो सुखी झाला असता, ना ती!

विनिता००२ शुक्रवार, 08/02/2019 15:55

आणी आई होण्यासाठी दुसरे संबंध असावे लागतात असेच नाही. वैद्यकिय तंत्रज्ञान आता तेवढे प्रगत नक्कीच झालेय....हे राहिले होते :)

प्रमोद देर्देकर शुक्रवार, 08/02/2019 14:36

आधीच दुसर्याबरोबर संबंध ठेऊन नवीन आणखी

यात तुला कुठे जाणवलं की ते मूल दुसऱ्या बरोबर संबंध ठेवून झाले ते .
ति खोटं पण बोलली असेल आईला खुश करण्यासाठी

पलाश शुक्रवार, 08/02/2019 15:04

+१.
बातमी ऐकून सत्य लपवणार्‍याला "इकडे आड, तिकडे विहीर" असे झाले असेल. शशक आवडली.

ज्योति अळवणी सोमवार, 18/02/2019 00:25

खूप विचारपूर्वक लिहिलेली १०० शब्दात मांंणलेली कथा

ज्योति अळवणी सोमवार, 18/02/2019 00:26

खूप विचारपूर्वक लिहिलेली १०० शब्दात मांंणलेली कथा

चिनार सोमवार, 18/02/2019 14:17

ह्याबाबतीत डॉक्टरकडून ऐकलेला एक किस्सा..
पुत्रप्राप्ती आणि खानदान की इज्जत ह्या दोन्ही गोष्टींसाठी लोकं काय काय करू शकतात ह्याचे एक उदाहरण..
एका स्त्रीला दोन मुलं होती. दोघांचेही लग्न झाले. पण मोठ्या सुनेला मूल होत नव्हते. तपासण्या केल्यावर प्रॉब्लेम आपल्या मुलात आहे हे स्त्रीच्या लक्षात आले. तिने मोठ्या सुनेपासून ही गोष्ट लपवली. आणि तुझ्यातच काहीतरी प्रॉब्लेम आहे असे तिला पटवून कृत्रिम गर्भधारणा करून घेण्यासाठी सुनेला तयार केले (दुसऱ्या पुरुषाचे वीर्य वापरून करण्यात येते तशी गर्भधारणा)
आता आणखी एक खेळ सुरु झाला. परपुरुषाचे वीर्य वापरल्यास होणाऱ्या मुलात आपल्या "खानदानाचं खून" नसेल हे त्या बाईच्या लक्षात आले होते. तिने धाकट्या मुलाला वीर्य देण्यास सांगितले. पण "माझ्या ओळखीत एक स्त्री आहे. तिला मूल होत नाहीये त्यासाठी तू हे कर" असं सांगून ती स्त्री आपल्याच घरातील आहे ह्याचा पत्ता धाकट्या मुलाला लागू दिला नाही.
यथावकाश सगळ्या प्रक्रिया पार पडल्या आणि मोठ्या सुनेला मूल झाले.
पुत्रप्राप्ती, खानदान की इज्जत आणि खानदान का खून असे सगळे मनासारखे झाले.

विनिता००२ मंगळवार, 19/02/2019 12:31

तिने तिच्या परीने जे करायचे ते केले. मानसिक त्रास झाला / दिला असेच नाही.

नशीब, नियोग पध्दत वापरायला भाग पाडले नाही.