सँडवीच फॉर डमीज् (सचित्र मार्गदर्शन )

गणपा · 02/03/2009 - 03:52 · पाककृती

कधी ही, किती ही , कुठे ही भुक लागल्यावर हमखास पोट भरणारा पण सगळ्यात कठीण (करायला. खायला नाही) पदार्थ. त्यामुळे हे गाईड समस्त मिपाकरां ना समर्पीत. (कुठे ही अश्या साठी की आत्त्ताच आलेल्या बातमी नुसार मिपाकर केवळ पृथीतलावर न्हवे तर पार वैकुंठापर्यंत पसरलेले आहेत.) कच्चा माल : ४ ब्रेड स्लाइस. १ काकडी, १ टोमॅटो, १ मोठा उकडलेला बटाटा, १ कांदा , लोणी / बटर , बीट (असल्यास / आवडत असल्यास) , हिरवी चटणी (हीची पाकृ. पुढच्या वेळी.), मीठ/चाट मसाला.

यत्ता पयली : ब्रेडच्या कडा कापून टाका.

यत्ता दुसरी : ब्रेडच्या स्लाईसला सढळ हस्ते लोणी / बटर चोपडा.

यत्ता तिसरी: ब्रेडच्या स्लाईसला चटणी फासा.

यत्ता चौथी: लोणी/चटणी फासलेल्या ब्रेडवर काकड्या अंथरा आणि वरुन किंचीत मीठ /चाट मसाला भुरभुरा.

यत्ता पाचवी: काकडीवर टोमॅटोचा थर लावा वरुन किंचीत मीठ /चाट मसाला भुरभुरा.

यत्ता सहावी : टोमॅटोवर उक्डलेल्या बटाट्याच्या चकत्यांचा थर लावा व वरुन किंचीत मीठ /चाट मसाला भुरभुरा.

यत्ता सातवी: उकडलेल्या बटाट्याच्या चकत्यांवर कांद्याच्या चकत्या रचा. (लै कांदा टाकुनका राव. काय व्हइल ते सांगाया नग.)

यत्ता आठवी: तर असे एका वर एक थर रचुन झाले किंवा तुमच्या घरातल्या सगळ्या भाज्या संपल्या की मग वरुन परत एक ब्रेड ची लोणी/चटणी फासलेली स्लाइस उपडी ठेवा.

यत्ता नउवी: साधारण तोंडात एका वेळी एक मावेल इतक्या आकारचे तुकडे करा.

यत्ता मॅट्री़क: राव वाट कसली पहता आता उचला नी टाका तोंडात. जय हो.....

वाचने 12275 वाचनखूण प्रतिक्रिया 29

वाह सही

भाग्यश्री 02/03/2009 - 04:26

वाह सही आहे एकदम!! मी यात सढळ हस्ते कोथिंबीर्/पुदीना चटणी आणि मेयॉनिज टाकते... अफ्फ्लातून लागतं ते सँडविच!! http://bhagyashreee.blogspot.com/

सचित्र कृती छान

पक्या 02/03/2009 - 05:12

सचित्र कृती छान. चटणी लावून झाल्यावर २-३ लेट्युसच्या पानावर भाज्यांच्या चकत्या ठेवायच्या आणि दुसरी स्लाईस ठेवण्यापूर्वी केचप , मेयॉनिझ घालायचे किंवा भाज्यांवर पातळ चीज स्लाईस ठेवायची ...फार छान लागते. चीज स्लाईस ठेवताना कांद्याच्या चकत्या १-२ थेंब तेलात भाजूण घेणे आणि ब्रेड टोस्ट करून घेणे. त्या उष्णतेमुळे चीज थोडे पाघळल्यासारखे होते.

आवडली सचित्र पाकृ

संदीप चित्रे 02/03/2009 - 09:34

पुण्याला किंवा मुंबईला मिळणार्‍या सँडविचेसची आठवण झाली.

ही चित्र

विसोबा खेचर 02/03/2009 - 09:39

ही चित्र पाहून त्रास सहन न झाल्यामुळे तात्यांनी स्वत:लाच गळफास लावून घेतला आणि आत्महत्या केली! "माझ्या दहाव्याला भाताच्या पिंडाऐवजी गणपाने केलेली सँडविचं ठेवलीत तरच मी पिंड नेईन..!" अशी चिठ्ठी पोलिसांना तात्यांच्या खिशात सापडली! :)

आरं तात्या

गणपा 02/03/2009 - 13:37

आरं तात्या मर्त्यलोक ते परलोक सिझनल पास काढला की काय? ;)

चटणी?

सुनील 02/03/2009 - 10:56

चटणीची डिटेल पाकृ मिळाल्याशिवाय प्रतिक्रिया देणे शक्य नाही!! Doing what you like is freedom. Liking what you do is happiness.

आभार

गणपा 02/03/2009 - 13:43

प्रतिक्रिया देणार्‍या / पाककृती वाचणार्‍या सर्वांचे आभार.. - गण्या.

सॅंन्डविच उत्तम!!

पिवळा डांबिस 02/03/2009 - 13:47

पण त्यात उकडलेल्या अंड्यांचे स्लाईसेस पण ठेवून बघा..... झकास लागतात!!!!!! :)

सॅन्ड ऍन्ड

विजुभाऊ 02/03/2009 - 19:27

सॅन्ड ऍन्ड वीच फोर ममीज अशी ही एक पाक क्रूती मागे कोणीतरी टाकली होती त्याची आठवण झाली आज तेरी नजरों से नजरे मिलाने की इजाजत चाहता हुं जीनेसे पहले मरने की इजाजत चाहत हुं. ये मुमकीन नही के खामोंश चला जाऊं तुम्हे अल्फाजों मे बसाने की इजाजत चाहता हुं........विजुभाऊ सातारवी

टोस्ट

जागु 02/03/2009 - 15:11

हे सॅण्डविच टोस्ट करुन पण छान लागतात. कमी मिठ घालुन चाट मसाला टाकुन पण छान लागतात. ह्यात अजुन गाजर, बिट पण घालु शकता.

खरय.

गणपा 02/03/2009 - 15:41

लेट्युस, गाजर, बिट , भोपळी मिरची हा कच्चामाल घरात न्हवता. त्यामुळे असलेल्या वस्तुंवर निभावुन नेल. मी टोस्ट सॅण्डविच साठी बटाट्याची भाजी वापरतो. ते पण एकदम झक्कास लागत.

सँडविच

३_१४ विक्षिप्त अदिती 02/03/2009 - 15:42

सँडविच आवडलंच पण आम्ही परदेशी खाद्यप्रकार खात नाही. ;-) (ह.घ्याच) अदिती माझ्या मतांची आणि विचारांची कोणतीही वॉरंटी नाही.

आमची संस्कृती

सुनील 02/03/2009 - 16:27

भारतासारख्या खाद्यपदार्थांची पंढरी असलेल्या देशात सँडविचसारखे परदेशी खाद्यप्रकारांचे मार्केटींग करणार्‍या प्रवृत्तींचा आम्ही निषेध करतो!! आलेत मोठे आम्हाला खाद्यपदार्थ शिकवायला!! जेथे सँडविचेस संपतात तिथे वडापाव सुरू होतात!!! (अस्सल भारतीय) सुनील Doing what you like is freedom. Liking what you do is happiness.

नक्कि काय ते ठरवा बुवा तुम्ही..

लवंगी 02/03/2009 - 19:07

म्हणजे निषेध करायचा कि चटणीची क्रुती मागायची ते. वडापावला पर्याय नाही याबाबत एकदम सहमत.. बाकी गणपाभाऊ सँडविच एकदम जबराट..

वडा तो वडाच..

गणपा 02/03/2009 - 20:03

सुनील भौ, आम्ही खाण्याच्या बाबतीत आपले-परके असा भेद मानत नाही. वडापाव सँडविच आप-आपल्या जागी श्रेष्ठ आहेत. वडापाव ला (करायला) वेळ जास्त लागतो. मी सँडविचची पाकृ. दिली याचा अर्थ वडापावला कमी लेखतो आसा काढू ने ही इनंती. एक शंका : वाढदिवस साजरा करताना केक कापता की वडा :?

तुम्हाला नाही हो

सुनील 02/03/2009 - 21:01

गणपाशेठ, हा टोला तुम्हाला नव्हता हो!!! Doing what you like is freedom. Liking what you do is happiness.

गणपाशेठ,

विसोबा खेचर 03/03/2009 - 00:16

गणपाशेठ, हा टोला तुम्हाला नव्हता हो!!! हा हा हा! सुनीलला वाटलं की तात्याविंचू बिळातनं बाहेर येईल आणि काहीतरी प्रतिक्रिया देईल. पण झालं भलतंच. आमचा गणपाच बिचारा फसला मधल्यामध्ये! ;) गणपाला अजून राजकारण कळत नाही. कधी काहीच न बोलता अनुल्लेखाने मारावं, कधी बोलावं याचं तंत्र त्याला अजून कळलेलं नाही. बेटा अजून तरबेज नाही झाला..! :) बाकी सुनीलराव, आपला प्रतिसाद आवडला! आमची ष्टाईल छान उचलली आहे तुम्ही! शिवाय, आपली स्वत:ची लेखणी म्हणजे तर काय, प्रश्नच नाही बॉ! :) असो, चालू द्या...! :) आपला, (आंतरजालीय धुरंधर!) शरदतात्या पवार!