वेदना..

राघव's picture
राघव in जे न देखे रवी...
23 Feb 2017 - 6:09 pm

फुकाचे भरवसे मिळतात सारे, हवे ते नेहमीच हुलकावते..
मागावयाचे कुणाला-कशाला.. वेदना मनातील वदू लागते!

जगातील घडणे - जगाचे बिघडणे.. जगाचीच सारी दोषांतरे..
विवेकात शक्ती किती ती असावी.. डोळ्यात दिसती जुनी जळमटे!

कधी दिव्य काही मनातून उठते [की] स्वतःचीच झोळी खुजी भासते..
फुटक्या घड्याची ओंजळ कितीशी.. थेंबासही ती नको वाटते!

आशा-निराशा.. पुन्हा तीच रेषा.. गिरवण्यात आयुष्य शिलगावते!
असावी मनाची किती लक्तरे ती.. वेचावयाला उलटती युगे!

राघव

कविता

प्रतिक्रिया

अत्रुप्त आत्मा's picture

23 Feb 2017 - 11:02 pm | अत्रुप्त आत्मा

@

कधी दिव्य काही मनातून उठते [की] स्वतःचीच झोळी खुजी भासते..
फुटक्या घड्याची ओंजळ कितीशी.. थेंबासही ती नको वाटते!

››› आहाहा! सल्लाम!

किल्लेदार's picture

22 Mar 2017 - 1:42 am | किल्लेदार

इतका विरोधाभास ?

मदनबाण's picture

22 Mar 2017 - 5:28 am | मदनबाण

छान !

मदनबाण.....
आजची स्वाक्षरी :- 3 पेग :- Kannada Rapper Chandan Shetty

शार्दुल_हातोळकर's picture

22 Mar 2017 - 4:43 pm | शार्दुल_हातोळकर

छानच !!