फुकाचे भरवसे मिळतात सारे, हवे ते नेहमीच हुलकावते..
मागावयाचे कुणाला-कशाला.. वेदना मनातील वदू लागते!
जगातील घडणे - जगाचे बिघडणे.. जगाचीच सारी दोषांतरे..
विवेकात शक्ती किती ती असावी.. डोळ्यात दिसती जुनी जळमटे!
कधी दिव्य काही मनातून उठते [की] स्वतःचीच झोळी खुजी भासते..
फुटक्या घड्याची ओंजळ कितीशी.. थेंबासही ती नको वाटते!
आशा-निराशा.. पुन्हा तीच रेषा.. गिरवण्यात आयुष्य शिलगावते!
असावी मनाची किती लक्तरे ती.. वेचावयाला उलटती युगे!
राघव
प्रतिक्रिया
23 Feb 2017 - 11:02 pm | अत्रुप्त आत्मा
@
››› आहाहा! सल्लाम!
22 Mar 2017 - 1:42 am | किल्लेदार
इतका विरोधाभास ?
22 Mar 2017 - 5:28 am | मदनबाण
छान !
मदनबाण.....
आजची स्वाक्षरी :- 3 पेग :- Kannada Rapper Chandan Shetty
22 Mar 2017 - 4:43 pm | शार्दुल_हातोळकर
छानच !!