Skip to main content

(मी आज केलेला आराम - डिसेंबर २०१६)

लेखक प्रसाद गोडबोले यांनी बुधवार, 07/12/2016 15:36 या दिवशी प्रकाशित केले.
नमस्कार मंडळी. मी आज केलेला आराम या धाग्याला उदंड प्रतिसाद मिळाला. अनेकांनी यातून प्रेरणा घेऊन पोटभर आराम सुरू केला. आराम सुरू केलेल्या आणि आरामात सातत्य ठेवलेल्या सर्वांचे अभिनंदन. नोव्हेंबर महिन्यात मिपाकरानी केलेला एकूण आराम पुढीलप्रमाणे रात्रीची झोप - २४० तास दुपारची झोप - १६ तास . (वरील तास धाग्यावर कोणीच माहीती न दिल्याने वैयक्तिकली अंदाजपंचे काढली आहे - ऑफीसमधील झोपेचे तास कळवल्यास ट्रॅक करणे सोपे जाईल.) सर्व आरामपटू मिपाकरांचे हार्दिक अभिनंदन..!!! डिसेंबर महिन्यातील आराम आणि आराम करायचे नवनवीन पर्याय या धाग्यावर टाकत राहूया..
लेखनविषय:
लेखनप्रकार
वाचने 5530
प्रतिक्रिया 18

प्रतिक्रिया

पगला गजोधर बुधवार, 07/12/2016 16:26
मी पैला खरंतर मला या धाग्यावर भरपूर मोठी प्रतिक्रिया द्यायची होती, पण दुपारची माझ्या ऑफिसमधली विश्रांतीत जास्ती खंड पडेल म्हणून... तूर्तास इतकेच ....

टवाळ कार्टा बुधवार, 07/12/2016 16:54
.

चांदणे संदीप बुधवार, 07/12/2016 17:19

आदूबाळ बुधवार, 07/12/2016 17:23
आज हपीसात पाण्याची बाटली संपली. मग स्वतः नळापर्यंत न जाता शेजारणीला बाटली दिली आणि तिच्याकरवी पाणी भरून घेतलं. #आजचाआराम #आरामहीरामहै #आजकरेसोकल #कलकरेसोपरसों

गणामास्तर बुधवार, 07/12/2016 17:47
धागा पाहिला तेव्हा आराम चालू होता. मटन खाऊन मस्त सुस्ती आली होती, उगाच हालचाल करायला नको म्हणून आत्ता प्रतिसाद दिला. आता पटकन चहा पिऊन परत आरामाला लागतो.

कैलासवासी सोन्याबापु बुधवार, 07/12/2016 17:57
सद्ध्या आराम पोस्टिंग असल्यामुळे आम्हीही फुल न फुलाची पाकळी ह्या उदात्त विचार प्रसारक धाग्याला वाहू शकतो प्रगो, थकलो तिच्यायला, आता उरलेलं नंतर लिहितो

पगला गजोधर बुधवार, 07/12/2016 17:59
'आराम' हा खरंतर सुखी जीवनाचा अविभाज्य घटक. म्हणून आम्ही या ठिकाणी, या सभागृहापुढे सरकारकडे मागणी करतो, की लेझी-बॉय या साधनावरील सर्व कर माफ करावा, तसेच त्याला १०० % अनुदान चालू करावे, म्हणजे आमच्या सारख्या उपद्रवशून्य (कारण आरामप्रिय) नागरिकांची सोय होईल, व समाजातील ताणतणाव आपसूकच कमी होऊन, शेवटी लयाला जाईल (ताणतणाव लयाला जाईल, समाज नाही) lb

गवि बुधवार, 07/12/2016 20:40
बरेच दिवसांनी दारुविरहीत सही विडंबन वाचायला मिळालं. मस्त. बाकी ऑफिसातले डुलकीचे तास मोजता इथे आम्ही टार्गेट पूर्ण करत आहोत असं विनयपूर्वक नोंदवतो. ;-)

डॉ सुहास म्हात्रे बुधवार, 07/12/2016 21:13
तलवारी (पक्षी : तलवारींपेक्षा धारदार शब्द असलेले धागे, प्रतिसाद, लिंका, इ) हाती घेऊन लढाया न करता मिपाकर एकमताने आराम साजरा करत आहेत हे पाहून ड्वाळा जळ भरले ! भरल्या पोटी बिछान्यावर आरामात लोळत हे सर्व चतुरध्वनीवरून पोष्टीत आहे हे कृपया ध्यानात घ्यावे =)) =)) =))

संजय पाटिल गुरुवार, 08/12/2016 12:11
.

प्रसाद गोडबोले गुरुवार, 08/12/2016 13:25
सकाळि आठ वाजता मस्त पैकी गाडीवरुन एक चक्कर मारुन आलो . घरी येवुन गरमागरम चहा आणि कांदेपोह्यांच्या आस्वाद घेत युट्युब वर सर्फिंग करत दीड तास आराम केला :)

सौंदाळा (verified= न पडताळणी केलेला) गुरुवार, 08/12/2016 14:20
उद्या पासुन ३ दिवस वानखेडेला भारत-इग्लंड कसोटी बघायला जाणार आहे. तीन दिवस कचकुन आराम :)

नीलमोहर गुरुवार, 08/12/2016 19:42
मगाशी दोन पिल्लू भाच्यांसोबत झोपाळ्यावर विथ कॅरॅक्टर्स स्टोरी सेशन झालं, (गैरसमज नको, माझा आरामच चालला होता, भाची गोष्ट तयार करून सांगत होती, गोष्ट ऐकता ऐकताच मस्त झोप यायला लागली होती) आताही गादीवर लोळत bourbon बिस्कीट खात प्रतिसाद लिहिलाय, बोटांना प्रमाणाबाहेर exertion झालं, आता निवांत मिपा वाचते,