अर्थ

म — माम्लेदारचा पन्खा,
नेहमीच असा प्रश्न पडतो मला की मी का नक्की का जगतोय? असं कोणतं काम करायचंय ज्याची आतुरतेने वाट बघतोय? हजारो अपेक्षा होत्या माझ्याकडून त्यांना मी जागलो का? ज्यांना जसे हवे होते तसाच त्यांच्याशी वागलो का? आजपर्यंतच्या आयुष्यात किती जला णांच्या उपयोगी पडलो? माझी मदत हवी होती अश्या किती घरांच्या पायऱ्या चढलो? कितीतरी मनं मी दुखावली असतील… कितीतरीजण मला दुरावले असतील…. माझ्या अश्या वागण्याला तेच लोक काळाच्या ओघात सरावले असतील आपल्याच धुंदीत जगलो … हवा तसाच वागलो.... कोणी कधी काही समजावले तर त्यालाच टाळू लागलो ..... ते सगळेजण गप्प राहिले म्हणजे मीच बरोबर असा अर्थ नाही… आता कुठे मला कळतंय की मी जगायला अजूनही समर्थ नाही …. वेळ हातून गेलेली नाही …खूप काही करता येईल........ ह्याच प्रयत्नात कदाचित …. जगण्याचा खरा अर्थ समजून जाईल .....
2465 वाचन
💬 प्रतिसाद (8)

मुक्त विहारि
Sat, 10/19/2013 - 12:44 नवीन
"ते सगळेजण गप्प राहिले म्हणजे मीच बरोबर असा अर्थ नाही…" ...पण हे बर्‍याच मुद्दाम गहन विचार करणार्‍यांना पटत नाही... तोच अतर लोच्या आहे....

अग्निकोल्हा
Sat, 10/19/2013 - 13:03 नवीन
नेहमीच असा प्रश्न पडतो मला की मी का नक्की का जगतोय? असं कोणतं काम करायचंय ज्याची आतुरतेने वाट बघतोय?
ते सगळेजण गप्प राहिले म्हणजे मीच बरोबर असा अर्थ नाही… आता कुठे मला कळतंय की मी जगायला अजूनही समर्थ नाही ….
_/\_ तुफान. अतिशय आवडली कविता, तुमचे नाव माहित नाहीये पण एका व्यक्तिला मी ही कविता त्या व्यक्तिसाठी माझी वैयक्तिक भावना म्हणुन जशीच्या तशी फॉर्वर्ड करत आहे (-माम्लेदारचा पन्खा - http://www.misalpav.com/node/25870 असा वॉटरमार्क टाकुन).

धन्या
Sat, 10/19/2013 - 22:06 नवीन
पण एका व्यक्तिला मी ही कविता त्या व्यक्तिसाठी माझी वैयक्तिक भावना म्हणुन जशीच्या तशी फॉर्वर्ड करत आहे
त्या व्यक्तीला शष्प फरक पडणार नाही.
↩ प्रतिसाद: अग्निकोल्हा

माम्लेदारचा पन्खा
Sat, 10/19/2013 - 13:31 नवीन
माझ्याच भावना व्यक्त करण्यासाठी जे शब्द सुचतील ते वापरले …कविता म्हणजे तरी काय असते? खोल पाण्यात बुडताना हाती लागलेली एखादी गोष्ट ज्यामुळे तरंगत राहून किनारा गाठायची आशा तरी निर्माण होते … कधी लाकडी ओंडका सापडतो किंवा मग नुसताच हवेचा पोकळ बुडबुडा !!

मुक्त विहारि
Sat, 10/19/2013 - 13:35 नवीन
"खोल पाण्यात बुडताना हाती लागलेली एखादी गोष्ट ज्यामुळे तरंगत राहून किनारा गाठायची आशा तरी निर्माण होते … कधी लाकडी ओंडका सापडतो किंवा मग नुसताच हवेचा पोकळ बुडबुडा !!" जे काही सापडेल ते टाका... तुम्हाला हिरेच मिळतील असे वाटत आहे..
↩ प्रतिसाद: माम्लेदारचा पन्खा

सुधीर
Sat, 10/19/2013 - 22:58 नवीन
खोल पाण्यात बुडताना हाती लागलेली एखादी गोष्ट ज्यामुळे तरंगत राहून किनारा गाठायची आशा तरी निर्माण होते … कधी लाकडी ओंडका सापडतो किंवा मग नुसताच हवेचा पोकळ बुडबुडा !! सही, आवडलं!
↩ प्रतिसाद: माम्लेदारचा पन्खा

धन्या
Sat, 10/19/2013 - 22:18 नवीन
कविता आवडली. खुप माणसं थोडयाफार फरकाने असंच आयुष्य जगत असतात. त्यातले काही तळ गाठल्यावर भानावर येतात, काहींना तरीही शुद्ध येत नाही. जे भानावर येतात त्यांच्या हातून निसटलेली वर्ष सभोवताली फेर धरुन नाचतात. जणू काही ती वर्ष त्या व्यक्तीला वाकुल्या दाखवतात. हे असलं आयुष्य जगणं अगदी टोकाचं असेल तर आत्मकेंद्रीपणाची व्यक्तिमत्व विकृती ठरते.