हलकेच खुणावे मज कोणी
अंतरी सुरस श्रावण गाणी
मन सुप्त कहाणी एकेरी
व्यापल्या साचल्या आठवणी
प्राजक्त क्षणांची ही वाणी
ओळखी सख्यांची आळवणी
उमले दरवळ कर्पुरी उरी
नि:संग नितळ जणु की पाणी
आकार निराकारात खुळा
भिरभिर घरभर ही चाचपणी
आनंद कधी विरहात भरे
सद्गदीत द्वय हृदय पापणी
……………… अज्ञात
प्रतिक्रिया
5 Aug 2013 - 11:43 pm | मिसळलेला काव्यप्रेमी
हे कडवे फार आवडले.
12 Aug 2013 - 11:54 am | अज्ञातकुल
धन्यवाद मिका :)
12 Aug 2013 - 9:18 am | वेणू
खरं सांगू का,
मन सुप्त कहाणी एकेरी.. इथून पुढे कविता वाचल्या गेलीच नाही... ह्या निरातिशय सुंदर ओळीतच अडकले आहे
12 Aug 2013 - 11:55 am | अज्ञातकुल
वेणु,
इथून पुढे कविता वाचल्या गेलीच नाही हे चांगलं म्हणावं काय ? :)