तांदळाची उकड

Primary tabs

सानिकास्वप्निल's picture
सानिकास्वप्निल in पाककृती
2 Jul 2013 - 8:55 pm

साहित्यः

१ वाटी तांदुळ पिठी
१ वाटी आंबट ताक
१ वाटी पाणी
२-३ हिरव्या मिरच्यांचे तुकडे
२-३ लसूण पाकळ्या ठेचून
१ टीस्पून मोहरी
१ टीस्पून जीरे
१/४ टीस्पून हिंग
कढीपत्ता
मीठ चवीनुसार
बारीक चिरलेली कोथींबीर

.

पाकृ:

कढईत तेल गरम करून मोहरी + जीरे + हिंग + कढीपत्त्याची फोडणी करा.
त्यात हिरव्या मिरच्या व ठेचलेले लसूण घालून परतून घ्या.
आता त्यात ताक, पाणी व चवीप्रमाणे मीठ घालून उकळी काढा.
उकळल्यावर गॅस बंद करुन त्यात तांदळाची पिठी घाला, नीट एकत्र करुन वाफ काढा.

.

गरम उकड साजूक तूप व कोथींबीर घालून सर्व्ह करा.

.

.

आवडत असल्यास फोडणीत हळद घाला.
साजूक तूपाऐवजी कच्च तेल घालून ही उकड खाता येते.

प्रतिक्रिया

कवितानागेश's picture

2 Jul 2013 - 10:35 pm | कवितानागेश

आहा! काय प्रेझेन्टेशन आहे. गप्प्कन् खाविशी वाट्तेय.

अत्रुप्त आत्मा's picture

7 Jul 2013 - 10:28 pm | अत्रुप्त आत्मा

+++++++++++११११११११११११११११११११११

अक्षया's picture

8 Jul 2013 - 10:08 am | अक्षया

+ १

यशोधरा's picture

3 Jul 2013 - 1:36 am | यशोधरा

आई ग्ग! भन्नाट दिसते आहे!

रेवती's picture

3 Jul 2013 - 3:40 am | रेवती

ekadum bhari!

स्पंदना's picture

3 Jul 2013 - 4:23 am | स्पंदना

ए दिल है मुश्किल जीना यहॉ।

काय भन्नाट फोटोज आहेत. कलरकॉम्बेनेशन, प्रेझेंटेशन, अन फोटो काढताना दाखवलेली कल्पकता.
पाककृती विभागाला एका वेगळ्याच पातळीवर नेलं आहे या प्रेझेंटेशन्सनी.
तोंडाला पाणी सुटल ते वेगळच. त्याची तर बातच नको.

ब़जरबट्टू's picture

3 Jul 2013 - 9:28 am | ब़जरबट्टू

एक्दम भन्नाट फोटो... सकाळी सकाळी पोटात डोम्ब उसळ्ला बघा.... :)

मदनबाण's picture

3 Jul 2013 - 10:36 am | मदनबाण

आहाहा... नुसता फोटो पाहुनच हवरटपणा करावा आणि तो वाढावा असे वाटु लागले आहे. :)

प्रभाकर पेठकर's picture

4 Jul 2013 - 1:11 pm | प्रभाकर पेठकर

मस्त आणि सोपी पाककृती. कच्च्या तेलाबरोबर काय किंवा साजुक तुपाबरोबर काय, मस्तच लागणार उकड.

प्रभाकर पेठकर's picture

10 Jul 2013 - 12:08 pm | प्रभाकर पेठकर

आज केली होती उकड.
चित्रात दाखविल्याइतकी पांढरीशुभ्र झाली नाही. - कारण हिंग जास्त झाला असावा.
ह्या पाककृतीत रव्याच्या उपम्या प्रमाणे बारीक चिरलेला कांदा घातला, फोडणीत उडीदाची + चण्याची डाळ घातली आणि पाण्याचे प्रमाण वाढवून २ वाट्या पाणी घातले तर अजून चांगली होईल असे वाटते. अर्थात, ती उपम्याच्या जास्त जवळ जाणारी असेल.

पैसा's picture

4 Jul 2013 - 1:34 pm | पैसा

आम्ही हळद आणि वरून कच्चं तेल घालून खातो.

दिपक.कुवेत's picture

6 Jul 2013 - 11:34 am | दिपक.कुवेत

आई पण हळद घालते. फोटो मस्त आलेत पण मला हा प्रकार अजीबात आवडत नाहि. कितीही उकडलं/काहिहि घातलं तरि नुसते उकडलेल्या तांदुळाच्या पीठाचे गोळे खातोय असं वाटतं.

सानिकास्वप्निल's picture

6 Jul 2013 - 1:01 pm | सानिकास्वप्निल

>

ज्याची त्याची आवड :) मला तर खूप्प्प्प्प्प्प्प्प्प्प्प आवडते :) :)

त्रिवेणी's picture

6 Jul 2013 - 12:09 pm | त्रिवेणी

तुम्चि रास तुळ आहे का? प्रत्येक पाक्रुमधे अप्रतिम सादरीकरण असते.

अभ्या..'s picture

6 Jul 2013 - 4:53 pm | अभ्या..

तुम्चि रास तुळ आहे का

असावी भौतेक. सगळं कसं मोजून मापून, लै हिशोब करुन असतं पण लोकांना लै जब्रा वाटतं.
(च्यामारी तुळेचे असून पण आमचंच सादरीकरण कसं गंडतं हमेशा? ;( )

त्रिवेणी's picture

6 Jul 2013 - 5:01 pm | त्रिवेणी

नका वाईट वाटून घेऊ. माझी रास पण तुळच आहे आणि पदार्थाचा मेकअप करणे मलापण जमत नाही.(बहुतेक स्वतःच्या मेकअप आवरता घेतला तर जमु शकेल असे वाट्ते).

सानिकास्वप्निल's picture

7 Jul 2013 - 11:51 pm | सानिकास्वप्निल

पण माझी रास तूळ नाहीचे मुळी :P :D

अनन्न्या's picture

6 Jul 2013 - 4:44 pm | अनन्न्या

झटपट होणारी म्हणून उकड खूपदा केली जाते, पण इतकी घट्ट नसते. आणि साहित्याची मांडणी इतकी अप्रतिम की उकडीएवढा सोपा प्रकार वेगळ्याच उंचीवर नेऊन ठेवलाय! मस्त!

मुक्त विहारि's picture

6 Jul 2013 - 4:47 pm | मुक्त विहारि

कच्चा कांदा राहिलाच की हो!!!

ह्या उकडीबरोबर कच्चा कांदा नसेल तर काही मज्जा नाही...

निवेदिता-ताई's picture

7 Jul 2013 - 8:40 pm | निवेदिता-ताई

सुंदर......................मस्त...............आम्ही याला उकडपिंडी म्हणतो....... आम्च्या सासूबाई करतात नेहमी, :)

प्यारे१'s picture

7 Jul 2013 - 8:55 pm | प्यारे१

दिसतंय छान.
चवीला कसं लागेल?
उपम्यासारखं? नि टाळूला चिकटत नाय का?

- घाटावरचा.

स्नेहांकिता's picture

7 Jul 2013 - 9:56 pm | स्नेहांकिता

प्रोसिजर तर उप्पीटासारखीच वाटतेय. पण चव नक्की त्यापेक्षा भारी असणार !

सुहास झेले's picture

8 Jul 2013 - 2:26 pm | सुहास झेले

भारीच !!

आमच्या घरात मात्र जे तुम्ही शेवटचे दोन पर्याय दिले आहेत तशीच केलि जाते, दाटसर पातळ...... पिवळ्सर आणि वर कच्च तेल.... अहाहा...

गणपा's picture

10 Jul 2013 - 1:16 pm | गणपा

अप्रतिम फोटो आहेत.
शेवटचा तर कायच्याकाय जीव घेणा.