साहित्यः १ वाटी तांदुळ पिठी १ वाटी आंबट ताक १ वाटी पाणी २-३ हिरव्या मिरच्यांचे तुकडे २-३ लसूण पाकळ्या ठेचून १ टीस्पून मोहरी १ टीस्पून जीरे १/४ टीस्पून हिंग कढीपत्ता मीठ चवीनुसार बारीक चिरलेली कोथींबीर पाकृ: कढईत तेल गरम करून मोहरी + जीरे + हिंग + कढीपत्त्याची फोडणी करा. त्यात हिरव्या मिरच्या व ठेचलेले लसूण घालून परतून घ्या. आता त्यात ताक, पाणी व चवीप्रमाणे मीठ घालून उकळी काढा. उकळल्यावर गॅस बंद करुन त्यात तांदळाची पिठी घाला, नीट एकत्र करुन वाफ काढा. गरम उकड साजूक तूप व कोथींबीर घालून सर्व्ह करा. आवडत असल्यास फोडणीत हळद घाला. साजूक तूपाऐवजी कच्च तेल घालून ही उकड खाता येते.