दारु पुराण

दारुपुराण सांगतो मी,तुम्ही ऐका शांतचित्ता
ऐका एका दारुड्याची कथा ॥धृ॥

रोज येतो दरु पिऊन
बाटली खिशामद्ये घेऊन
सांगे रुबाबात येऊन
चल वाढ मला भोजन
रोज हवी मच्छी मटण
बायको आण्ल सांगा कुठुन
रागाने ऊठतो पेटून
अर्ध्या जेवणावर ऊठुन
होते त्याची चालू,ही बडबड आता
ऐका एका दारुड्याची कथा ॥१॥

मुले कावरीबावरी होऊन
आईच्या पदराखाली लपून
ऊपाशी पोटी जाती झोपून
याची थोडीही नाही त्याला जाण
आई त्यांची कष्ट करुन
देई मुलांना चांगले शिक्षण
मुलेही हुशार आणि गुणवान
फेडतील आईचे त्यांच्या ऋण
मुलेच खरी तिची संपत्ती व सत्ता
ऐका एका दारुड्याची कथा ॥२॥

दहा तारखेला होतो पगार
जमे सारा मित्र परिवार
दरु पिऊन चाले जुगार
कोणी पिऊन होतात तर्र..
कुणा सुचेना आपले घर
कोणी पडती भर रस्त्यावर
घरी बायको पोरांना घोर
हवलदाराचा खातात मार
अशा त्यांच्या खोडी,किती वर्णाव्या मी आता
ऐका एका दारुड्याची कथा ॥३॥

पैसे संपल्यावर सारं
सारे मित्र होती पसार
घरी येई जेंव्हा आजार
कोणी लाविना त्याला हात भार
याने केला मनी विचार
हा सारा माया-बाजार
गेला वेसन्मुक्ति केंद्रावर
ऊपचार घेतले त्याने सत्वर
सुटली त्याची दारु,हे सांगे भगवंता
ऐका एका दारुड्याची कथा ॥४॥