आपण गाजर हलवा नेहमीच आवडीने खातो आणी हिवाळ्यात तर घरोघरी हमखास बनवला जातो :)
मी विचार केला नेहमीचा हलवा बनवून सर्व्ह करण्यापेक्षा त्यात काहीतरी वेगळेपण असले पाहिजे म्हणून हा छोटासा बदल :) चला तर मग सुरुवातीपासून सुरु करुयात ;)
साहित्य:
१ किलो गाजरे सालं काढून किसून घेणे
१ मग भरून गरम दूध
३/४ -१ वाटी साखर (आवडीप्रमाणे कमी-जास्त)
३-४ टेस्पून खवा (घरी केलेला ताजा खवा वापरावा किंवा साय, मिल्क पावडर वापरली तरी चालेल )
४ टेस्पून साजुक तुप
सू़का-मेवा
१ टीस्पून वेलचीपूड
९-१० मॅकविटीज (मारी) बिस्कीटे
५० मिली फ्रेश क्रीम
पाकृ:
एका भांड्यात २ टेस्पून साजुक तुप गरम करून त्यात गाजराचा कीस परतून घ्यावा.
गाजराचा कीस चांगला परतला गेला की त्यात थोडे-थोडे करुन दूध घालावे व सतत परतत राहावे.
दूध पूर्ण आटले की त्यात खवा घालावा . सतत परतून मिश्रण घट्ट होऊ लागेल.
मिश्रण सुकत आले की त्यात साखर घालावी. साखर विरघळल्यावर मिश्रण पातळ होईल. सतत ढवळत रहावे.
हलवा साधारण सुकत आला की वरून २ टेस्पून साजुकतुप सोडावे म्हणजे हलव्याला चकाकी येते व हलवा खमंग लागतो.
त्यात आवडीप्रमाणे सुकामेवा व वेलचीपूड घालावी . हलवा थोडा पातळ असेल,पूर्ण गार झाला की एकसंध होईल.
गाजर हलवा तयार आहे. तुम्ही असाच किंवा व्हॅनिला आईस्क्रीम बरोबर सर्व्ह करु शकता :)
अब आ गया ट्विस्ट ;)
फ्रेश क्रीम थोडं व्हॅनिला एसेन्स व थोडी साखर घालून व्हिप करुन घेणे.
आपल्याला पाय बनवायचा आहे त्यासाठी मारी बिस्कीटांचे तुकडे करावे व एका झिपलॉक बॅगमधे ठेवून त्यावर लाटणे फिरवून चुरा करावा.
तयार चुर्‍यात वितळलेले बटर घालून सगळ्या चुर्‍याला नीट चोळून घ्यावे.
आता तुमच्याकडे जर स्प्रींगफोर्मचा केक टीन असेल तर तुम्ही तो वापरु शकता. माझ्याकडे नाही आहे म्हणून मी पेस्ट्री कटरचा वापर करत आहे. (तसेही मला Individually सर्व्ह करायला सोपे पडले :) )
पेस्ट्री कटरमध्ये बिस्कीटांचा चुरा नीट दाबून पसरावा.
त्यावर तयार गाजर हलव्याचा थर पसरावा. (गाजर हलवा पूर्ण गार झालेला हवे)
त्यावर व्हिप केले क्रीम पसरावे व पिस्त्याचे काप लावावे. फ्रिजमध्ये सेट करण्यासाठी ठेवावे अर्धा-एक तास.
सर्व्ह करतेवेळी सुरी कडेने फिरवून अलगद पेस्ट्री कटर काढावे.
तुमचे डेजर्ट खाण्यासाठी तयार आहे :)
प्रतिक्रिया
23 Jan 2012 - 7:13 am | तुषार काळभोर
...
23 Jan 2012 - 7:19 am | कौशी
छानच आयडीया आहे. आवडली.
23 Jan 2012 - 8:07 am | मराठमोळा
खल्लास... सुपर्ब!!!!
बाकी शिर्षक वाचून अंमळ हसायला आले.. :) गाजर हलवा पाय.
23 Jan 2012 - 8:55 am | सानिकास्वप्निल
तुम्ही सांगितल्यानतंर मला ही शिर्षक वाचून हसु आले :)
गणपाभौंच्या ह्या धाग्याची आठवण झाली
23 Jan 2012 - 8:35 am | सूड
शेवटचा फोटू बघून वारलो.....
23 Jan 2012 - 9:37 am | प्राजु
मस्त आयडीया आहे.. एकदम आवडली!! सह्ही!!
करेनच!! सोपंही आहे... नक्की करेन.
23 Jan 2012 - 11:37 am | पर्नल नेने मराठे
मस्त आयडीया आहे.. एकदम आवडली!! सह्ही!!
करेनच असे नाही !! सोपंही आहे... नक्की करेनच असे नाही ;).
- (आळशी) चुचु
23 Jan 2012 - 10:31 am | सुहास झेले
खत्री रेसिपी..... प्रचंड आवडली :) :)
23 Jan 2012 - 11:41 am | प्रभाकर पेठकर
गाजर हलवा-पाय फ्युजन आवडले. नक्कीच करून पाहिन. अभिनंदन.
23 Jan 2012 - 12:16 pm | Mrunalini
भन्नाट पाकृ...... सही आहे.... :)
23 Jan 2012 - 12:33 pm | गणपा
सुरेख.
आयडियेची कल्पना भारी आवडली.
23 Jan 2012 - 12:42 pm | अत्रुप्त आत्मा
चला आता आज कमीत कमी तय्यार गाजर हलवा खाणे तरी आलेच...
23 Jan 2012 - 12:43 pm | जाई.
शेवटचा फोटो भारी
तुझ्या कल्पकतेला सलाम :)
23 Jan 2012 - 1:02 pm | परिकथेतील राजकुमार
सानिकातैंचा आयडी काही दिवस ब्लॉक का करत नाहीत? ;)
उगा इकडे आमची जळजळ.
23 Jan 2012 - 4:43 pm | चिंतामणी
दरवेळी नवीन नवीन प्रतिक्रीया कश्या देणार????? :~ :-~ :puzzled:
23 Jan 2012 - 4:43 pm | चिंतामणी
दरवेळी नवीन नवीन प्रतिक्रीया कश्या देणार????? :~ :-~ :puzzled:
23 Jan 2012 - 1:54 pm | स्मिता.
सानिकाबाई, तुमच्या उत्साहाला आणि कल्पनाशक्तीला सादर प्रणाम!!
बाकी काही बोलायची गरज नाहीच.
23 Jan 2012 - 2:58 pm | पिंगू
अरे उचला रे मला.. कुठुन शब्द पैदा करु या रेशिपीसाठी...
- (विचारमग्न) पिंगू
23 Jan 2012 - 3:37 pm | सुहास..
पायाचा फोटु पाठविणे ;)
23 Jan 2012 - 3:43 pm | कपिलमुनी
अफाट कल्पनाशक्ती..
शतशः प्रणाम !
23 Jan 2012 - 3:47 pm | धनुअमिता
मस्त पाककृती आहे.
नक्की करुन बघेन.
अवांतर : ह्या रेसिपी मध्ये चमच्यांची खुप आठवण आली.
23 Jan 2012 - 3:54 pm | उदय के'सागर
सानिकाताई, काय बोलु..... 'हॅट्स ऑफ'
(गाजर हलवा विशेष आवडत नाहि पण ह्या कृती नुसार केल्याने आवडण्याची शक्यता आहे, लवकरच करुन बघेन :) )
23 Jan 2012 - 3:58 pm | परिकथेतील राजकुमार
हिंदी शिणीमात हिरो व्हायची संधी गेली म्हणायची.
बाकी.. खीर आवडते का हो तुम्हाला ?
23 Jan 2012 - 7:14 pm | स्मिता.
मला गाजराचा हलवा खूप आवडतो... तसेच आलू, कोबी, मुळा, इ. चे पराठे आवडतात. मला मिळेल शिणुमात हिरोईन व्हायची संधी?
25 Jan 2012 - 10:22 am | उदय के'सागर
हा हा हा :D एक नंबर....
पण शिणुमात होरोईन होण्यासाठी, हिरोईन ला ते अवडुन चालत नाहि... ते हिरोईन ला बनवता आले पहिजे (हिरो ला प्रेमाने म्हणायला "आज मैने तुम्हारे लिये 'गाजरका हलवा/आलू/ गोबी/ मुली का पराठा' बनाया हैं!").
आवडण्याची 'एलिजीबीलीटी' होरो ची असते ... यु नो - सो कॉल्ड भारतीय (बॉलीवुड) संस्कृती :P ...
23 Jan 2012 - 4:19 pm | पियुशा
मस्त गो ,यम्मी..............:)
गाजर हलवा अगदी फेवरेट आहे माझा :)
23 Jan 2012 - 4:25 pm | प्यारे१
अतिब्येक्कार......!
(हे विशेषण आहे. जोरात ओरडून उच्चारा. ;) )
23 Jan 2012 - 4:55 pm | मेघवेडा
__/\__
अत्यंत आवडल्या गेले आहे! बेष्टच!
23 Jan 2012 - 6:10 pm | ५० फक्त
मुडदा पडला गेला आहे, त्या कढईभर गाजराच्या किसावर तो पिवळाधमक तुपाचा चमचा कसला किल्लर आहे, बाकी काही बोलायची सोयच नाही,
स्वप्निलभौ, तुमाला धीर धरवतो कसा ओ फोटो काढायला, का ते शेतात बैलाच्या तोंडाला जाळी बांधुन खुरपणी का काय करतात तसं असतं तुमच्याकडं,
24 Jan 2012 - 9:39 am | प्यारे१
>>>शेतात बैलाच्या तोंडाला जाळी बांधुन
सौ ५० फक्त काहीतरी पदार्थ बनवत आहेत आणि ५० फक्त स्वाईन फ्ल्यूच्या वेळची जाळी तोंडाला बांधून चुळबूळ करीत बसले आहेत असे चित्र डोळ्यापुढे आले. ;)
कढईत हात घालायला 'विवक्षित कारणां'मुळं बंदी असल्याचं गोपनीय सूत्रांकडून समजतं. ;)
23 Jan 2012 - 6:18 pm | मुक्त विहारि
सिनेमात इतक्यावेळा "गाजर हलवा आणि मुळ्याचे परोठे" बघितले आहेत की, ते फक्त कलाकारान्चेच अन्न आहे असे वाटत होते.....पण "गाजर हलवा " अधिक मजेशिर करण्यात पण एक वेगळीच कला आहे....
खरेच पाक "शास्त्र " हे कधि कधि "कले" कडे पण झुकते.....
23 Jan 2012 - 6:35 pm | स्वाती२
अगं काय भन्नाट आयडिया!
23 Jan 2012 - 8:40 pm | स्वाती दिनेश
मस्त, मस्तच एकदम!
स्वाती
23 Jan 2012 - 8:43 pm | विशाखा राऊत
धन्य आहेस
23 Jan 2012 - 8:52 pm | रेवती
सानिके, का असं वागतेस?
आता गाजर हलवा करणे आले.
बाकी शेवटचा फोटू म्हणजे कॅटरिना!
23 Jan 2012 - 9:54 pm | गणेशा
अप्रतिम
24 Jan 2012 - 12:24 am | अन्नू
सानिकाजी का... ? का.. असे पदार्थ दाख्वुन आमचे आत्मे तळमळवता तुंम्ही?
नाही नाही सहन होत हे आता! बघवत नाही हो शेवटच्या फोटुक्कडे
न्हाय यीसरायला यायचा ह्यो पदार्थ आता-
"गाजराचा हलवा पाय !!" ;)
24 Jan 2012 - 1:22 am | चित्रा
ट्विस्ट भलतीच छान.
24 Jan 2012 - 1:16 pm | सविता००१
बेक्कार रेशिपी हाये :)
सानिका, काय चालवलं आहेस तू? आता मला करायलाच लागणार आहे गाजर हलवा पाय ;)
25 Jan 2012 - 6:34 am | इन्दुसुता
विन्ट्रेश्टींग हो... तुम्ही आधी दिलेल्या काही पाककृती करुन पाहिल्यात आणि त्या चांगल्या झाल्या होत्या त्यामुळे ही पाकृ पण करून बघेन ( तुम्ही दिलीत म्हणून, एरवी मी फ्युजनच्या भानगडीत अजिबात पडले नसते... ) :)
25 Jan 2012 - 7:52 am | मदनबाण
खल्लास ! :)
25 Jan 2012 - 10:39 am | विसोबा खेचर
!!!!!!!!!
25 Jan 2012 - 12:52 pm | jaypal
25 Jan 2012 - 2:41 pm | दिपक
25 Jan 2012 - 5:52 pm | सानिकास्वप्निल
धन्यवाद सगळ्यांना पाकृ आवडल्याबद्दल :)
25 Jan 2012 - 6:37 pm | यशोधरा
ओ सानिकातै, तुम्ही कुठे असता हो? मी येऊ का हे असले प्रकार खायला तुमच्याकडे?
26 Jan 2012 - 5:44 am | मीनल
त्या गणपा ला आणि हिला पण कुणीतरी धोपटूनकाढा रे !ऊत आणला आहे दोघांनी!
रेसिपी बाकी टी. ओ .पी!!!!
26 Jan 2012 - 8:39 am | पैसा
कोणीतरी एक प्रोग्राम तयार करा रे. या काही लोकांचे धागे आले की "छान" "अप्रतिम" "मेलो" अशा प्रतिक्रिया धागा न उघडताच दिल्या जातील असा. रोज तेच काय लिहायचं?
26 Jan 2012 - 9:06 pm | प्राजक्ता पवार
गाजर हलव्याच्या पाकृला दिलेला ट्विस्ट खुप आवडला :)