Skip to main content

(एका अपरिमेयाचे मुक्तसुनीत)

लेखक चतुरंग यांनी बुधवार, 13/04/2011 22:51 या दिवशी प्रकाशित केले.
साक्षात 'पाय' वर कविता करणार्‍या आमच्या घासू गुर्जींचे पाय पकडून! ;) :०()8= (वर्तुळ) मी पहिल्यांदा हा आकारबंध वस्रपटलांच्यामध्ये केला स्थानबद्ध केव्हापासून जागलिये खाद्यपिसासा मुक्ततुंदिलरेखी वलयरेषेपलिकडे खाद्यकणग्राही रसनापटापलिकडे घडले असे गारुड निशा'चर' जगतात शीतकपाटाच्या दारापल्याड मुक्त केकावलीचा दिसलाय भरलेला आवाका आवाक्याबरोबरच विस्तारलं एक जिव्हालौल्यसाधक दोंदाकारप्रसारक तुमानवेधी "शून्य" त्याच्या क्रीमगर्भरोलांचा नीलबेरीसामायिक पेस्ट्रीचा तो तनःचक्षुसाक्षात्कारच वजनउंचीवर्गछेद जो बीएमायगुणोत्तरी वजनकाट्याच्याही पल्याडी अपरिमेयसंख्यामय, जडशरीरभयकारी 'पायां'ना पुरते गोठवणारे हे "शून्य"... -('पूज्य')रंगा
काव्यरस
हास्य
अद्भुतरस
लेखनविषय:
वाचने 8698
प्रतिक्रिया 41

प्रतिक्रिया

राजेश घासकडवी बुधवार, 13/04/2011 23:02
मी इकडे ठ्यॉ ठ्यॉ हसतोय, आणि माझे अमेरिकी ऑफिसमेट विचारताहेत, 'काय शेअर करणार का?' 'जिव्हालौल्यसाधक दोंदाकारप्रसारक' काय...'क्रीमगर्भरोलांचा' काय...'जडशरीरभयकारी 'पायां'ना' काय... एकेक शब्द वाचून धमाल आली... फुलटॉस दिला तरी यू हॅव टू पुट इट अवे असं आपले थोर कॉमेंटेटर सांगत असतात. इथे तुम्ही तो मैदानाच्या बाहेर मारलाय. पूज्य रंगा हेही भारीच. सलाम तुम्हाला.

रेवती बुधवार, 13/04/2011 23:18
त्याच्या क्रीमगर्भरोलांचा नीलबेरीसामायिक पेस्ट्रीचा हे सगळ्यात जास्त आवडले. बाकीचे विडंबनही जमले आहे.

टारझन गुरुवार, 14/04/2011 10:49
असली बात नच्छ !! घरातल्या घरात प्रतिसाद देउन रडीचा डाव नकोय ;) रंगाभाय .. तुमचे शब्दसामर्थ्य , त्याला वृत्तात बसवायची हातोटी आणि त्या मागची गोलाकार प्रेरणा .. सर्वांना हातपाय जोडतो . - लंबगोल

चित्रा शुक्रवार, 15/04/2011 03:59
..तुमचे शब्दसामर्थ्य , त्याला वृत्तात बसवायची हातोटी आणि त्या मागची गोलाकार प्रेरणा .. सर्वांना हातपाय जोडतो . असेच म्हणते. बेफाम विडंबन.

चित्रा शुक्रवार, 15/04/2011 03:59
..तुमचे शब्दसामर्थ्य , त्याला वृत्तात बसवायची हातोटी आणि त्या मागची गोलाकार प्रेरणा .. सर्वांना हातपाय जोडते . असेच म्हणते. बेफाम विडंबन.

श्रावण मोडक बुधवार, 13/04/2011 23:19
दंडवत देवा!!!

पैसा गुरुवार, 14/04/2011 09:36
अत्युच्च आदर्श विडंबन!!! (मूळ कवितेतला पायच्या किमतीचा आकृतीबंध जसाच्या तसा सांभाळलेला आहे त्याबद्दल तुम्हाला हजार "प्रतिसाद"!)

Nile गुरुवार, 14/04/2011 00:27
ह्या शून्याचा प्रभाव नुकताच आम्हालाही जाणवू लागला आहे. च्यायला, कोठल्याही समीकरणात टपकतोच. अशी विडंबंन रोज वाचायला मिळाली तर अतीवापराने त्याचं अस्तित्व कमी होईल का?

भडकमकर मास्तर गुरुवार, 14/04/2011 00:32
हहहहह.. क्रीमगर्भरोल... मज्जा आली... अवांतर :: हल्ली रंगाबाबूंना ते व्यायाम, बी एमाय, तुंदिलतनु पासून सुघटनापर्यन्त वगैरे वगैरे विषय फार अपील कर्तात बुवा... त्यांचे याच विषयाला वाहिलेले एक संपादकीयही आठवले...

असुर गुरुवार, 14/04/2011 04:15
सं प लो ! ! ! रंगाकाका, पाय पाठवा आपले, खरडवहीत लावायचे आहेत. :-) ©º°¨¨°º© खाद्यकथेतील तुंदिलकुमार ©º°¨¨°º© आमचे खाद्य Only Dairytales Have Happy Butterings

प्यारे१ गुरुवार, 14/04/2011 10:20
अत्युच्च.... ह्याला 'विडंबन' म्हणू नये असा एकोळीचा प्रस्ताव आम्ही मांडतो. मूळ कवितेला कुठल्याही प्रकारे छेद न देता इथे हे एक नवकाव्यच जणू उभे राहिले आहे. त्यामुळे विडंबन म्हणणे नामंजूर. स्वगतः हे पू. रंगाकाका अजून थोडे अनाकलनिय झाले तर शरदिनी चा कविता व्यवसाय (धंदा म्हणणार होतो पण नको) बसेल की!

रामदास गुरुवार, 14/04/2011 11:01
एखाद्या बॅट्समनला त्याची लय सापडल्यासारखे वाटले.अर्थात समोरून डिलीवरी पण हाप्पीच आलीच होती.

केशवसुमार गुरुवार, 14/04/2011 12:17
रंगाशेठ, विडंबन एकदम झक्कास!! (जडशरीरभयकारी) तुम्ही लिहिते झालात हे उत्तम!! आता थांबू नका..

नंदन गुरुवार, 14/04/2011 12:34
त्याच्या क्रीमगर्भरोलांचा नीलबेरीसामायिक पेस्ट्रीचा तो तनःचक्षुसाक्षात्कारच वजनउंचीवर्गछेद जो बीएमायगुणोत्तरी वजनकाट्याच्याही पल्याडी अपरिमेयसंख्यामय
_/\_ ख ल्ला स!

३_१४ विक्षिप्त अदिती गुरुवार, 14/04/2011 14:16
नमस्कार ... ("पाय"प्रेमी) अदिती

स्मिता. गुरुवार, 14/04/2011 14:30
वाचून हसून खपले! अल्टिमेट! आधीच गुरूजींच्या कवितेतले शब्द नीट उच्चारण्याचा प्रयत्न करत होते, त्यात तुमचे हे नवीन शब्द... मराठी भाषा किती समृद्ध झाली या २ कवितांमुळे ;) त्याच्या क्रीमगर्भरोलांचा नीलबेरीसामायिक पेस्ट्रीचा तो तनःचक्षुसाक्षात्कारच वजनउंचीवर्गछेद जो बीएमायगुणोत्तरी वजनकाट्याच्याही पल्याडी अपरिमेयसंख्यामय, मला हे २ कडवे फार आवडले. क्रीमगर्भ रोल, नीलबेरी पेस्ट्री... अहाहा...

रमताराम गुरुवार, 14/04/2011 14:38
जबराट. अवांतरः 'जाल-ढसाळ' पुप्याच्या कवितेमुळे निर्माण झालेल्या कवितेच्या नव्या आकृतीबंधाचे टार्‍याने 'कविताभाभी' असे नामकरण केले. आता या 'पाय' 'शून्य' आदि गणिती संकल्पनाभोवती काव्यसौंदर्याची नवी परिमाणे देणार्‍या कवितेला गणिती कविता किंवा शॉर्टकटमधे 'गणिका' म्हणावे का?

विसुनाना गुरुवार, 14/04/2011 15:05
वाहवा! ना विडंबन हे, मुळापासूनी नवनवोन्मेषशालीन आहे आविष्कार 'केकावली' हा शब्द फार्फार आवडला.

चेतन गुरुवार, 14/04/2011 15:55
विडंबन नेहमीच्या सुट्ण्यावर असलं तरी मस्त झालय चेतन अवांतरः विडंबनात ३.१३१७६० संख्या विसरलात काय आणि वर्तुळच्या ऐवजी गोल कसं वाटलं असतं अतिआवांतरः (आकार म्हणजे काय?)

बिपिन कार्यकर्ते गुरुवार, 14/04/2011 16:58
मायला^२ :(

परिकथेतील राजकुमार गुरुवार, 14/04/2011 18:13
जबर्‍याच ! यक नंबर. मुस्तफासुर --------------------------------- 'काका' म्हणाले खिशातली बिडी बदला, आम्ही म्हणालो 'फुर्र'!!!

धनंजय गुरुवार, 14/04/2011 21:08
वाहावा. मी वरच्या या प्रतिसादकांशी सहमतीप्रदर्शनाचे कार्य करण्याबद्दल ठरवलेच.

पक्का इडियट शुक्रवार, 15/04/2011 11:49
कडक !!

क्रान्ति सोमवार, 18/04/2011 20:04
दंडवत!!!!!!!!!!!! हे मूळ काव्यापेक्षा जास्त जवळचं आणि आवडीच्या प्रांतातलं, अगदीच खास! हसूनच पोट दुखल्यामुळे रोल, पेस्ट्री लांबच ठेवावे लागणार! :)