विठ्ठलाचा बाजार

१५ दिवस वारी करून आलेले वारकर्यांनाच जेव्हा महापूजेचा मान मिळेल तो दिन सोन्याचा

सहमत..

अर्थात, दरवर्षी एका जुन्याजाणत्या वारक-याला हा मान मिळतोच आणि त्याचा सत्कारही होतो..

परंतु या पवित्र अश्या मानल्या गेलेल्या दिवशी कोणत्याही राजकारण्याला पांडुरंगाच्या गाभा-यात प्रवेश निषिद्धच केला पाहिजे..

या राजकारण्यांच्या पूजेमुळे आमचा काळतोंड्या बाटतो असं माझं मत आहे..

(हभप) तात्या.

--Life is a questions nobody can answer It… and the Death is an answer, nobody can question it..!

हे नवे बडवे आहेत..बहुसंख्य जमातितले..त्यांना सारे माफ.

विठ्ठला अजब तुझे 'सरकार' !!!
मजेदार विदुषक

एक्-दोघांनी रोष व्यक्त करून कही होणार नाही.. इथे (हभप) बंड्यातात्या कराडकरांसारखे लोक गप्प का आहेत हे समजू शकत नही.. याविरुद्ध संघटीत प्रयत्न गरजेचे..

http://anildaily.blogspot.com

प्रयत्न.. एकत्रीत प्रयत्न झाला तर उत्तमच आहे. पण होईल असे फारसे वाटत नाही.

तसाही पंढरपूर म्हणजे राजकारणाचा आखाडा झालाय.
सकाळ मधे पांडुरंगाचा फोटो आलेला. मुख्यमंत्री, पुजारी सगळे आहेत तिथे. त्यात पांडुरंग किती दिसतो ते बघीतले म्हणजे सगळे कळते!!

मंदीरातले पुजारी स्वतःच निर्लज्ज आहेत. ज्या विठ्ठलाच्या दर्शनासाठी सगळे वारकरी इतक्या लांबून प्रेमानं येतात, त्याच विठ्ठलाच्या सेवेत दिवसरात्र राहण्याची संधी मिळालेले हे लोक. पण पिकतं तिथं विकत नाही हेच खरं. अहो, जिथं दोनशे रुपये मोजले तर पांडुरंगाच्या गळ्यातला हार तुमच्या गळ्यात पडतो अन् नाही मोजलेत तर तुम्हास ढकलून बाहेर काढल्या जाते, तिथे कसला आलाय भक्तीभाव?

जाऊं देत.. हे बघीतले की टाळके सटकते. हे असले वांझोटे आस्तिक असण्यापेक्षा नास्तिक तरी बरे, ते सरळच देवाला दगड म्हणतात.

राघव

रामाच्या नावाने बाजार. पहा आनंद पटवर्धनांचा लघुपट राम के नाम
वेगवेगळ्या देवीच्या नावाने बाजार
साईबाबा च्या नावाने बाजार
तिरुपतीच्या नावाने बाजार
गणपतीच्या नावाने बाजार
मरी आईच्या नावाने बाजार
काळुबाईच्या नावाने बाजार
यल्लमाच्या नावाने बाजार
.
.
.
.
तीर्थे धोंडा पाणी। देव रोकडा सज्जनी॥ हे तुकोबांनी साडेतीनशे वर्षांपूर्वी सांगितले
प्रकाश घाटपांडे
आमच्या जालनिशीत जरुर डोकवा.

मी काय कोण पुंडलिक वगेरे नाही, पण हे असं केल्याशिवाय मंदिर समिती सदस्य ताळ्यावर येणार नाही.
>>>>>
याने ह्या गेंड्याच्या कातडीच्या 'बडव्यांना' काय फरक पडणार आहे??

ह्या पंढरपूरच्या बडव्यांची 'वॉक ईन' वगैरे द्वारे निवड होते का हो?
http://anildaily.blogspot.com

हा हा हा.. सगळे बडव्यांनाच दोष देत आहेत हे पाहून आश्चर्य वाटले. ते लोक जे वशिल्याने दर्शन घेऊन आले त्यांच काय. ते ही तुमच्या आमच्यातलेच लोक आहेत ना? मग ते दोषी नाहीत. याला सुरुवात तुमच्या आमच्या सारख्या लोकांनीच केली ना!
बडवे विठोबाच्या गळ्यातली माळ काढून द्यायला २०० रु घेतात ना. मग तुम्ही नका घेऊ ना माळ. एका बाजूने सर्वस्व विठुरायाला द्यायच्या बाता करायच्या आणि वर या माळा मागून घ्यायचा नाटकीपणा करायचा?
बाकी त्या इसकाळवर 'स्वच्छतेच्या' बाता करणारे स्वतः किती स्वच्छ आहेत हो?
असो.
बाकी, त्या इसकाळवर पण एक नाना चमकून गेला. :)
त्याची प्रतिक्रिया बघा
'मला महाराष्ट्राबद्दल आणि मराठी माणसाबद्दल अभिमान वाटू दे. मी पुन्हा कधी दिल्लीतील हायकमांडपुढे झुकणार नाही. बेळगाव, कारवार आणि निपाणीसह संयुक्त महाराष्ट्र झाल्याशिवाय स्वस्थ बसणार नाही, भले माझी मुख्यमंत्रिपदाची खुर्ची गेली तरी चालेल,'' अशी प्रार्थना विठ्ठलाच्या पायी डोके ठेवून करावी, असा सल्ला नाना या नावाने एका वाचकाने मुख्यमंत्र्यांना दिला आहे.
पुण्याचे पेशवे
येथे प्रतिसादांना पंख लावून मिळतील

खरंतर विठ्ठल कोणाचा ?

=))
बाकी कोणाचा माहिती नाही, माझा मात्र नक्कीच :P

हा प्रश्न तुम्ही विठ्ठलाबद्दल विचारता आहात की विठ्ठलाच्या मूर्तीबद्दल? एकदा विठ्ठलाची मूर्ती झाली, की बाजार आलाच. मंदीर आणि त्याच्या वाऱ्या यांनाच महत्त्व आलं की त्या दर्शनाचं तळं राखणारे पाणी चाखणारच. त्याबद्दल तक्रार का?

मनातला विठ्ठल खरा, त्याचं दर्शन हवं तेव्हा फुकटात मिळतं. त्याचा बाजार करायचा की नाही हे जो तो ठरवतो.

या सगळ्यावरून कोलटकरांचा बळवंतबुवा आठवला, पण त्याच्याविषयी लवकरच कधीतरी...

मी तर सोडलं आहे तिर्थक्षेत्रांना जाणं..च्या आयला एवढं सगळं देवाच्या स्वत:च्या गाभा-यात चालतं.देव कधीचा गेला असेल तिकडून. या तिर्थक्षेत्रापेक्षा कोकणातल्या किंवा निसर्गरम्य, शांत परिसरातील एखाद्या मंदीरात देव भेटेल. पण इथे..अंहं.. कोल्हापूरच्या महालक्ष्मीच्या मंदिरात देवीसमोर १०० किंवा ५०० रूपये टाकुन बघा..भले तुम्ही मनोभावे, कोणत्याही प्रकारची अपेक्षा न ठेवता ठेवले असतील, पुजारी लगेचच तुम्हाला आख्खा नारळ देवीजवळचे पेढे आणि काय आणि काय देतो.. प्रसाद म्हणुन..तुम्ही तिथे पाहिजे तितक्या वेळ थांबु शकता. दुस-या भक्तांना (१०० ५०० न टाकलेल्या) ते लोक जास्त वेळ थांबू पण देत नाहीत. जरी "आपण आणि देव बस्स..काय करायचाय पुजारी काय करतो? "असा विचार करुन जरी गेलो तरी हे लोक चिरीमिरी धंदे करून /दाखवुन सगळ्या भक्तीभावाची वाट लावतात. सगळं वातावरण भ्रष्ट केलयं यांनी.

मुळात लोकांच्या भावनाच भ्रष्ट झालेल्या आहेत. दगडात देव शोधायचा आणि जिवंत माणसांसोबत मत्सर, द्वेश राग बाळगायचा. हिंदुंनी हिंदुत्वाचे आचरण करणेच सोडले आहे . अगदी पुजा-यांनी ही.

मंदिरात अंतरात तोच नांदत आहे ।
नाना देही, नाना रुपी, तुझा देव आहे. ॥धृ॥

तोच मंगलाची मुर्ती, तोच विठ्ठलाची किर्ती ।
तोच शाम, तोच राम, दत्तधाम आहे ॥१॥

संताचिया किर्तनात, साधकांच्या चिंतनात ।
तोच ध्यास, तोच आस, तोच श्वास आहे ॥२॥

तोच बाल्य तारुण्यही, वार्धक्याचा विश्रामही ।
तोच ऐल, तोच पैल, आदिअंत आहे ॥ ३ ॥

देव नाही देव्हा-यात हेच खरे.

विठ्ठल तो आला आला! हे पुलंची एकांकिका / नाटक होते. प्रत्यक्ष विठ्ठल बोलू लागला आहे अशी कल्पना झकास मांडली आहे.
प्रकाश घाटपांडे
आमच्या जालनिशीत जरुर डोकवा.

ईथे महाराष्ट्रात देव दिसतो तरी निदान,..
दक्षिणेत सगळे देव अन्धारात!
कुठेही मिण्मिण्तादेखिल दिवा नाही.
आणी बाहेरच्या मूर्तीना भयानक 'रॉ' रंग - जर्द हिरवे, निळे, लाल, गुलाबी. वगरै लवून विचित्र केलेल्या...
कळतच नाही, देव पाह्तोय, शिल्पकला पाह्तोय कि विदूषक?
मी रामेश्वर, मीनाक्षी, कामाक्षी, कन्याकुमारी, रंगनाथस्वामी... यांचे सगळ्यांचे मिट्ट अम्धारात 'दर्शन' घेतलय...
..ईथे चाललेले प्रकार वाईट आहे हे खरे,
पण मी कधी कुठल्या वारकर्‍याला त्याबद्दल तक्रार करताना ऐकले नही, त्यंची श्रद्धा इतकी पक्की असते की एकदा पंढरपुरात पोचले की कळसाचे दर्शन झाले तरी त्याला आनंद होतो!
...एरवी गेले की दर्शन होते, हे मत्र खरे...