विज्ञानवाद्यांना खुल्लमखुल्ला आव्हान!! बोला करताय?

उपक्रमावर श्रद्धा आणि अंधश्रद्धा यांच्या एका चर्चेत गुरफटलो होतो. तेथे मला एका सदस्यानी शोध निबंध वाचायला अनेक सायंटिफिक जर्नल्स उपलब्ध आहेत. त्यातले कुठलेही मान्यता प्राप्त जर्नल वाचून पाहा. संशोधन, प्रयोग वगैरे कसे करतात याची चिक्कार माहिती मिळेल. असा सल्ला दिला. पण मला असे जर्नल्स मराठीमध्ये कुठेही मिळाले नाहीत. मी डोळे फुटेस्तोवर शोधले, काहीही मिळाले नाही. जे आहे ते सगळे काही इंग्रजी भाषेत आहे. मराठीत काहीच मिळाले नाही. हे तर फार म्हंजे फार लांबची गोष्ट झाली! मला साधे लहानमुलांना विज्ञानातील साध्या साध्या कल्पना समजावून सांगणारे मराठी स्थळही मला दिसले नाही. आता बोला! मराठी मध्ये फक्त फालतू श्रद्धा प्रतिसादरुपी कंदीलाचे कागदावर चित्र काढून देतात, आणि म्हणतात, 'घ्या!! आता पडेल प्रकाश!!!'. हे ही नसेल तर विनोदाच्या नावाखाली फक्त टिंगल टवाळी! तुम्ही मला सांगा, अश्या लोकांचे कोरडे सल्ले काय कामाचे हो? या लोकांना याला त्याला कोरडी अक्कल शिकवण्यापेक्षा काही तरी करून दाखवण्याचे खुले आव्हान मी देतो. मी म्हणतो, कॅच देम यंग - लहान मुले बुवा बाबाच्या नादी लागण्याआधीच त्यांना विज्ञानाच्या नादी लावा! विज्ञानासाठी खरोखर काही करायचे असेल तर, मराठी भाषीक लहानांसाठी, शालेय मुलांसाठी एक विज्ञान आणि गणित समजावून सांगणारे मराठी स्थळ या विज्ञानवाद्यांनी काढावे. हे असे करता येईल -

- हे एक सर्व शाळांना सामील होता येईल असे पोर्टल असावे
- तेथे मुलांना आपले वाटावे म्हणून मराठी शाळा शाळांना त्यांचे पान द्यावे.
- तसे त्या शाळांना कळवावे
- या प्रकल्पाला वृत्तपत्रातून प्रसिद्धी द्यावी - ती नक्की मिळेलच
- शालेय मुलांना मराठीमध्ये, सहजतेने एकमेकांना जोडू शकतील असे वैज्ञानिक प्रकल्प तेथे राबवावेत
- मराठी माध्यमाच्या शाळातील संगणक विभागांशी संपर्कात येऊन, त्यांना मराठीतही वैज्ञानिक गोष्टी मिळतात याची जाणीव करून द्यावी.
- मराठीचा संगणकावर सुयोग्य वापर कसा करावा यावर प्रयोगासहीत व्याख्याने आयोजित करावीत.
- देण्यासाठी संगणकीय मराठी कशी वापरावी याची पत्रके छापून घ्या ती शाळा शाळांना द्या.
- शिक्षकांना मराठी मराठीतून संगणक कसा वापरावा याचे प्रशिक्षण द्यावे
- मराठीसाठी उपलब्ध असलेली गमभन ते ओपन ऑफिस मुक्तशब्दकोश एका सीडीवर मोफत उपलब्ध करून द्यावे
- मराठी माध्यमाच्या शाळातील संगणक विभागांशी संपर्कात येउन मराठीतून शैक्षणिकरित्या देता येतील अशी संगणकाची एखादी शिक्षण पद्धती विकसित करून द्यावी
- मराठी माध्यमाच्या शाळात आंतरजालिय जोडण्या देण्यासाठी साधने उभी करावीत.
- या प्रकल्पासाठी उपयुक्तता पटावून देऊन पैसे उभे करावेत. विज्ञानवादी प्रकल्प म्हंटल्यावर याची अडचण होऊ नये!

बोला करताय? आहे हिम्मत प्रकल्प तडीस नेण्याची? नाहीतर मराठी शाळेतली मुलांनी काय फक्त ट्रिपल एक्स साईट्सवरच आपली संगणकीय तहान भागवायची का? तुम्ही नाही द्यायचे तर कोण देणार आहे हे हे प्रशिक्षण? तुमच्यात हिम्मत असेल तर गुंडोपंत स्वतः मदतीला तयार आहेत. काहीही विधायक मराठी मध्ये करत असाल, तर मदतीला हजार हात तयार होतील याची मला खात्री आहे! बोला घेताय हे खुल्लमखुल्ला आव्हान? आपला गुंडोपंत

Log in or register to post comments
22989 views

प्रतिक्रिया

हे

उपक्रमींना अंधश्रद्धाविरोध, डॉकिन्स, अंभग, फोटो, संस्कृत, व्याकरण ह्याशिवाय इतर विषयांचे जबरा वावडे आहे असे दिसल्यावर असेच काहीसे एक सर्कीट नावाचे सदस्य होते त्यांनी उपक्रमाच्या सदस्यांना लिहले होते. शशांक तुम्हारा चुक्याच लेख लिहायचे आव्हान कोण घेतयं?

च्यामारी

असे जुने उपक्रमी नको तिथे नको त्या सदस्यांची नावे टाकतात. श्री/सौ/कु सर्किट सध्या अस्तित्त्वात असते, तर छाया/प्रकाश चित्रांतून मराठीची उन्नती आज होतेय, तेवढी झाली असती का ? शशांक च्या नावाचा उल्लेख खटकला. "जरि उद्धरणी व्यय न तिच्या हो साचा" हे वाक्य ज्या स्थळाच्या मुखपृष्ठावर आहे, त्या संकेतस्थळाच्या चालकाला "की घेतले न व्रत हे अम्ही अंधतेने" हे ठावूक असावे, आणि तेथील सर्व कार्य अंधतेने चालू नसावे असे आम्ही मानतो. मुख्य म्हणजे श्री शशांक ह्यांनी कुणाही कॅन्सरग्रस्त सदस्येसाठी निधी गोळा केला नाही, हे आम्ही महत्त्वाचे मानतो. -- मिसळभोक्ता (आमचेकडे सर्व प्रकारच्या आनंदांवर विरजण घालून मिळेल.)

प्रतिसाद

प्रस्तावात सूचित होत असलेल्या अन्य-संस्थळ-संदर्भातल्या व्यक्तिगत मानापमानाना आणि हेव्यादाव्याना त्याज्य मानतो. प्रस्तावात ज्याचा तळमळीने उल्लेख केल्याचे जाणवते त्या प्रबोधनाच्या आवाहनाबद्दल अभिनंदन करतो. त्यातल्या भावनांबद्दल सहमती दर्शवतो. प्रस्तुत प्रकरणी प्रस्तावलेखकाकडे काही ठोस योजना असतील तर त्याविषयी ऐकायला आवडेल.या प्रकरणी काही मदत शक्य असेल तर करण्याची ग्वाही देतो. मात्र असल्या कुठल्याही योजनेशिवाय प्रस्तावलेखकाचा सगळा पवित्रा फार अर्थपूर्ण वाटत नाही असे सखेद नमूद करतो.

ओके

प्रस्तावात ज्याचा तळमळीने उल्लेख केल्याचे जाणवते त्या प्रबोधनाच्या आवाहनाबद्दल अभिनंदन करतो. त्यातल्या भावनांबद्दल सहमती दर्शवतो. धन्यवाद! भावना पोचल्या प्रस्तुत प्रकरणी प्रस्तावलेखकाकडे काही ठोस योजना असतील तर त्याविषयी ऐकायला आवडेल.या प्रकरणी काही मदत शक्य असेल तर करण्याची ग्वाही देतो. विज्ञान आणि गणित विषयावर विद्यार्थ्यांसाठी स्थळ असले पाहिजे. हे ठोस आव्हान आहेच. मात्र असल्या कुठल्याही योजनेशिवाय प्रस्तावलेखकाचा सगळा पवित्रा फार अर्थपूर्ण वाटत नाही असे सखेद नमूद करतो. काय करणे अपेक्षित आहे ते दिले आहे. हा आव्हान घेण्याचा भाग आहे. घेताय का आव्हान? आपला गुंडोपंत

प्रतिसाद

हा आव्हान घेण्याचा भाग आहे. घेताय का आव्हान? नाही. मी येथे पैलवानगिरी/युद्धखोरगिरी/कंडुशमन/खुमखुमीचे शमन या पैकी कशाकरताही आलेलो नाही. तेव्हा आव्हान देणे-घेणे असले व्हिक्टोरियन युगातले प्रकार यामध्ये काडीचाही इंटरेस्ट नाही. मात्र तुमच्या लिखाणात विधायक कामाच्या काही खुणा आहेत. लिखाणाचे प्रॉमिस उच्चकोटीचे आहे. त्याची डिलिव्हरीही या उच्चकोटीला शोभावी असे वाटते.

उत्तम उपक्रम

असा उपक्रम सुरू करून तडीस नेण्यासाठी विज्ञानवाद्यांनीच पुढे व्हावे अशी अपेक्षा नसावी. विज्ञानवादी वगैरे संज्ञा वापरल्यास अनेक प्रश्न (उदा. विज्ञानवादी म्हणजे कोण? त्यांनीच हे करावे अशी अपेक्षा का ठेवावी? वगैरे) उद्भवतात. ते प्रश्न टाळल्यास उपक्रमाविषयी सर्व विचारांच्या लोकांना आत्मीयता वाटेल. विधायक उपक्रम आहे. सर्वांनी यथाशक्ती प्रयत्न करायला हवेत. या उपक्रमात शक्य तेवढी मदत करण्यास माझी पूर्ण तयारी आहे. उपक्रमाची व्यापकता सुरुवातीला मर्यादीत ठेवता येईल. येथे एक श्री आत्तार नावाचे सदस्य आहेत. त्यांनी त्यांच्या शाळेत अशा प्रकारचे उपक्रम राबवले आहेत. त्यांच्याशीही चर्चा करता येईल.

मान्य!

तसा प्रस्ताव मांडला लगेच! :) आपला गुंडोपंत

चांगला उद्देश

लेखातून व्यक्त होणारा उद्देश चांगला आहे पण भाषा आक्रस्ताळी वाटली. या उपक्रमास भरघोस शुभेच्छांपलिकडे जास्त लिहायला सध्या वेळ नाही आहे, त्यामुळे क्षमस्व. अदिती

वाटली?

पण भाषा आक्रस्ताळी वाटली.?? अहो आहेच!!! हिम्मत असेल तर असे स्थळ उभे करूनच दाखवावे असे आव्हान आहे! आपला गुंडोपंत ठाकरे

चालूद्यात

चालूद्यात तुमचा भांगडा ... मला त्यात काहीही रस नाही! अदिती

तुम्हाला

भांगडा???? तुम्हाला हा तडम ताशा आणि हे लेझिम भांगडा वाटते?? अरेरे!!! आपला गुंडोपंत

चांगली

चांगली कल्पना आहे गुंडोजीराव! सहभाग घ्यायचा म्हणून दिलेले इंग्रजीतील सोर्स मॅटर (जास्तित जास्त) मराठी करण करून टंकन करून देवू शकतो. कधीही कळवा.

मधुमेहा विरुद्ध लढा माझी जालवही

उत्तम!

क्या बात है! झकास! पाहू या ना विज्ञानवादी काय म्हणतात आणि करतात ते... आपला गुंडोपंत

बरे झाले

बरे झाले तिचायला आपण ते विज्ञानवादी की काय नाही ते !!

वाचला!

बच गया स्साला! आपला गुंडोपंत ठाकूर

+१

>बरे झाले तिचायला आपण ते विज्ञानवादी की काय नाही ते !! हेच म्हणतो :-) (आंद्याश्रीचा मित्र) सहज

ये

ये भी बच गया! गुंडोपंत ठाकूर

काय हो

संपादित - भेळपुरीचा हात्गाडीकर्ता

आदरणीय गुंडोपंत

उपक्रम ह्या वेगळ्या संकेतस्थळावर सदर आव्हान समजा कुणी घेणार नसेल, तर मिसळपाव ह्या संकेतस्थळावर सदर आव्हान घेण्याची शक्यता कमी वाटते. उपक्रमावर आरागॉर्न नावाचे एक सदस्य आहेत. त्यांचे नाव राजेंद्र क्षीरसागर. ते आपण दिलेल्या सर्व आव्हान पूर्तीसाठी विवक्षीत बुद्धिमत्ता ठेवून आहेत. परंतु, समजा ते जर हे आव्हान घेऊ शकणार नाहीत, तर त्या कारणांची मिमांसा व्हावी. आणि त्या कारणांची पूर्ती करण्यासाठी गुंडोपंत काय करताहेत, ह्याचा खुलासा व्हावा. म्हणजे, मग मराठी संकेतस्थळांवरील सदस्य "गुंडोपंत" ह्या सदस्याची आव्हाने का स्वीकारत नाहीत, असे विषय चिघळण्याला येथील सर्व सदस्य मोकळे होतील. माझ्या लक्षात एक आलेले आहे, की सर्व प्रकारचे ज्ञान मराठीत (आणि मराठीतच) उपलब्ध व्हावे, ह्याविषयी आपण बरेचदा लिहिता. त्यात असेही लिहिता, की इंग्रजीतले ज्ञान गुंडोपंतांना उपलब्ध नाही. माझ्या मते, हे पूर्णपणे असत्य आहे. गुंडोपंत ह्या व्यक्तीशी मी प्रत्यक्ष बोललो आहे. आणि त्या संभाषणावरून असे वाटते, की गुंडोपंताला इंग्रजी व्यवस्थित कळते. मराठीचा आग्रह धरणे, हे मी समजू शकतो, परंतु त्यासाठी खोटे नाटे बोलणे मला पटत नाही. -- मिसळभोक्ता (आमचेकडे सर्व प्रकारच्या आनंदांवर विरजण घालून मिळेल.)

सगळ्याच

सगळ्याच प्रकारच्या गंमती जंमतींवर विरजण घालु नये ही विनंती ! :D

अहो

मी तुमच्याशी बोललो तेंव्हा मराठीतच बोललो! इंग्रजीत नाही!!! नक्की कुणाशी बोलला? की माझ्या नावावर भलतेच कुणी तुम्हाला फोन करते आहे? बाकी, इंग्रजी सोडा हो! मला तर मराठीही धड कळत नाही!!! १६ वेळा वाचला अजूनपण धड समजले असे वाटत नाही!! बाकी ज्यांना विज्ञानाची फार चाड आहे, त्यांना येऊ द्या पुढे. आपला गुंडोपंत नापास

इंग्रजी

इंग्रजी सोडा हो! मला तर मराठीही धड कळत नाही!!!

मग सोडून द्या की ... येवढं करण्यापेक्षा सगळ्यां लहान मुलांना इंग्लिश आणि मराठीही शिकवणं जास्त सोपं!! Catch them young to teach English too! अदिती

आपले तुपले जमले

गुंडोपंत, आपण ज्या लेखाचा दुवा दिला आहे, तो मी पण वाचायचा बराच प्रयत्न केला. पूर्ण सोबर असताना सकाळी प्रयत्न केला. मग लक्षात आले, की उपक्रमावर वाचतोय, म्हणून थोडे फार सी२एच५ओएच टाकले (जास्त नाही, बरे का?) आणि मग पुन्हा वाचला. पण तरी कळेना. अहो, एवढ्या सी२एच५ओएच लेव्हलवर मी भल्याभल्या सायंटिस्टच्या रीसर्च प्रपोझल्सचा (सॉरी, वैज्ञानिकांच्या संशोधन मसुद्यांचा) निकाल लावतो. हा साला धन्या वेगळ्याच झाडाची पत्ती निघाला. जीवन कठीण आहे. आणि, जीवन मराठीत अधिकच कठीण आहे, हे नक्की. असो. ह्या सर्व समस्या शैलेश खांडेकर सोडवेल, ह्या अपेक्षेत मी आहे. डेटा ह्या कठिण संकल्पनेसाठी "विदा" हा सोपा प्रतिशब्द त्यानेच सुचवला, आणि मनोगतापासून महाराष्ट्र टाईम्स पर्यंत आज तो शब्द सगळे वापरतात. खरे की नाही ? माझे मराठी संकेतस्थळ सदस्यांना म्हणणे एकच. गुंडोपंत राहू नका. शैलेश व्हा. प्रश्न विचारणे सोपे असते. उत्तर देणे शिका. -- मिसळभोक्ता (आमचेकडे सर्व प्रकारच्या आनंदांवर विरजण घालून मिळेल.)

आपले

आपले तुपले उपक्रमावरही जमले होते हो. पण मध्येच तुम्हाला ती फाशीची शिक्षा झाली अन खेळ आटोपला... :( (सॉरी, वैज्ञानिकांच्या संशोधन मसुद्यांचा) वा वा! आनंद झाला बरं का! जीवन कठीण आहे. मनातले बोल्लात! जीवन मराठीत अधिकच कठीण आहे, हे नक्की. खरे आहे हो! अगदी काळजाला भिडले बर्का! गुंडोपंत राहू नका. शैलेश व्हा. प्रश्न विचारणे सोपे असते. उत्तर देणे शिका. वा वा! भव्य टाळ्यांचा गजर!!! आपला गुंडोपंत

कोण कोण

>>पण मध्येच तुम्हाला ती फाशीची शिक्षा झाली अन खेळ आटोपला... कोण कोण !! कोण तो गोडसे ?

विदा = आत्त

आत्त हा पूर्वीपासून उपलब्ध शब्द मला अधिक आवडू लागला आहे. "विद्याला/विद्याचे" असे म्हणताना कठिण जायचे, त्याऐवजी "आत्ताला/आत्ताचे" वगैरे नियमित रूपे सोपी जातात. आजकाल मी हा नवीन शिकलेला (पण मराठीत जुनाच, शब्दकोशांत सापडणारा) शब्द वापरतो. कधीकधी एखाद्या विषयाबद्दल एका भाषेत वाचनाची ओळख मला नसते, तेव्हा वेगळ्या भाषेत वाचणे सोयीची जाते. भाषाविज्ञानाबद्दल तांत्रिक निबंध मला मराठीत वाचायला सोयीचे जाते, कारण या विषयावरचे माझे प्राथमिक वाचन मराठीत होते. वैद्यकीय संशोधनावरचे इंग्रजीत... तत्त्वज्ञानातले तांत्रिक लेखन कोणाला इंग्रजीत वाचायची सोय असेल तर बर्ट्रंड रसेलचा तो निबंध इंग्रजीमध्ये येथे वाचता येईल (दुवा).

मला साधे

मला साधे लहानमुलांना विज्ञानातील साध्या साध्या कल्पना समजावून सांगणारे मराठी स्थळही मला दिसले नाही. आता बोला! http://www.arvindguptatoys.com/ हे पहा. बाकी लेख फुरसतीत वाचेन.

इथे

हे माहिती आहे हो - इथे फक्त बुकं आहेत. हे काही विज्ञानातील गंम्मत जम्मत समजावणारे स्थळ नाही. त्यातून ते लहान मुलांना फार भारी वाटेल असेही दिसत नाही. आपला गुंडोपंत

टॉईज

टॉईज सेक्शन पहा.

ओव्व

ओव्व हतोळकर साहेब ! तुम्ही विज्ञानवादी आहात का ? नाही ना .. मग राहुंद्या तुमचे संस्थळ !

अहो साहेब

या विषयी मला आदरच आहे - त्याबद्दल वाद नसावा. शिवाय सर्व काही इंग्रजीतच आहे हो तेथेही! खेळणी इंग्रजीतच आहेत. :( पण माझ्या आव्हानाचा आवाका पाहा... आपला गुंडोपंत

होमी भाभा विज्ञान प्रतिष्ठान

ह्या टी. आय. एफ. आर. शी संलग्न असलेल्या संस्थेने काही पुस्तके काढलेली आहेत. त्यांची माहिती इथे मिळू शकेल. पूर्वी म. टा. मध्ये 'कणाद विज्ञान प्रतिष्ठान' तर्फे विज्ञानावरील काही सुंदर लेख वाचल्याचे स्मरते. मुख्य म्हणजे ते लेख अगदी सोप्या मराठीतून लिहीलेले होते.

या प्रकल्पासाठी उपयुक्तता पटावून देऊन पैसे उभे करावेत

आमच्या प्रभू मास्तरांनी एक प्रयत्न केला होता. त्यांचे प्रभाव क्षेत्र बारावीचे शिक्षण असल्यामुळे त्या क्षेत्रात काही करावे विचार होता. टेक -ऑफ घेण्याइतपत पैसे काही जमले नाहीत .प्रोजेक्ट संपला .असो .त्यांचे एक मुक्तक वाचा . पुसाच्या थंडीनं कहर मांडला तवा मास्तर मालकाची माडी चढला . तवा मालकाच्या सोबत बसल्याली फारेनर पाहुणी विलायती गरमी गिलासात वतत हुती. या मास्तर , हे मास्तर आमच्या साळंचे. यांचा लई जीव पोरांवर आणि आमचा जीव त्यांच्या आयांवर मालक बोलले फारेनराला.आणि खिंकाळले जोरात. पुसाच्या थंडीत आंग आखडून मास्तर बसला . तवा मालक म्हणलं घ्या मास्तर गिलासात गरमी भरून. सलगीचं घोडं दामटत मास्तर म्हणलं चार हिरव्या नोटा भेटल्या तर..... दोनाचे चार करीन म्हणतो धावीचे वर्ग. आनी, थोडा सोडा घाला की मालक. लई सवकलास की मास्तरा. थोडी गिलासातली बरुबरी दिली तर सोडा मागतोस व्हय.? मालक गिरमटून बोललं तवा,दोन पाहुणं चार हिरव्या नोटा चुरगळून मास्तराला देत म्हणलं या आता . आमी जातो देशी तमाशाला . जोराजोरी चनेके खेतमे. ********* घरच्या रस्त्याला मास्तरला बोचत हुती थंडी का चार हिरव्या नोटा पन घसाशी आलेली दारु गिळून मास्तर गप रायला ********** पुसाच्या रात्री दरोडा पडला तवा. मालकाची म्हातारी अंधार चाचपत घरभर फिरली . एका बेरडाणं गुंडाळली तिला घोंगडीत आंधळ्या म्हातारीला कळना काई पण चिप गार बसली पहाट होईतो. पाहुणं आलं सकाळी तवा ट्रंका फोडलेल्या . आनी मालकाच्या देव्हार्‍यातले चांदीचे देव पण लुटलेले. देव्हारा गळ्याशी बांधून म्हातारी सकाळी उनात बसलेली चांदीचे टाक आठवत. *********** सकाळी म्हातारी हाडं शेकत उनात बसली तवा मास्तर आला. म्हातारीचे पाय चेपत पंचनाम्याचा कागुद वाचत चुटपुटत र्‍हायला. तवा म्हातारी म्हणली मला आंधळीला कळंत नायी काही मास्तरा पन येवढं नक्की त्या बेरडाचा हात मातुर वळखीचा वाटत होता . डोळ्यातलं पानी पुसत मास्तर साळेत गेला . पुसाच्या थंडीत डोळ्यात पाणी येतच म्हना की.

माहिती आहे

विप्र मास्तराचे ह्याविषयीचे विचार माहिती आहेत असे *मला तरी* वाटते. मास्तरने नेहमी "मालक" बघितले, हे स्पष्ट आहे. "मालक" राडे घालतो, हे देखील त्याला, मला, सर्वांना माहिती आहे. मास्तराने "मित्र" बघितले आहेत का ? कळत नाही. मास्तर इज मास्तर, आफ्टर ऑल. थोडक्यात. मला माहिती आहे मास्तर हा मास्तर का आहे. त्याने अगदी *थोडे* मन मोकळे केले, तर *मालक* नाही, *मित्र* मिळतील. धन्यवाद. -- मिसळभोक्ता (आमचेकडे सर्व प्रकारच्या आनंदांवर विरजण घालून मिळेल.)

पुण्यातील

पुण्यातील मराठी विज्ञान परिषद अशा प्रकारच्या उपक्रमात सामिल होईल असे वाटते. त्यांनी मराठीत लहान मुलांकरीता वि़ज्ञान विषयावरील बरीच पुस्तके काढल्याचे स्मरणात आहे. नील.

सध्या

उपक्रमाचा उद्देश चांगला आहे.

- हे एक सर्व शाळांना सामील होता येईल असे पोर्टल असावे

महाराष्ट्रात किती मराठी शाळा आहेत? किती शाळा संगणक वापरतात? सध्या विद्यार्थ्यांना संगणक/इंटरनेट किती सहज उपलब्ध होतात? ह्याची आकडेवारी कुठे मिळेल? नंतरच काही चर्चा करता येइल. P = NP

"गुंडोपतां

"गुंडोपतांना मराठी साईट काढायची आहे लोकहो मदत करा" इतकं सोप्पं आहे. त्यासाठी इतकं कशाला लिहायचं राव?? तुम्ही साईट काढा आम्ही सदस्य होउच. -Nile

काय?

च्यामारी! मी मलाच कशाला आव्हान देईन? आणि मी काही विज्ञानवादी वगैरे वाटलो की काय तुम्हाला? इतका काही खाली गेलो नाही अजून, मानवतेवर विश्वास आहे माझा. आपला गुंडोपंत

गुंडोपंत,

गुंडोपंत, तुम्ही त्या पायाला चटके बसतात म्हणुन जगाला चामड्याचे आवरण घालायला निघालेल्या श्रीमंताच्या पोराची गोष्ट ऐकली आहे का हो? -Nile

आम्ही आणि

आम्ही आणि विज्ञानवादी??? नाय बॉ? पण तुम्हाला मदत नक्की करू. बाकी मराठीतून विज्ञान कल्पना आवडली. :) आपला फुल्ल सपोर्ट. पुण्याचे पेशवे आम्ही हल्ली विडंबनं करणे बंद केले आहे Phoenix

मी

मी विज्ञानवादी ? अरे हाड... इतके दिवस फिरले नाय आपले ! बाकी गुंडोपंत... आमचा तुम्हाला पाठिंबा ! :) --अवलिया

We Appreciate your concern for Marathi.

Your efforts inspire us to achieve great things. Wish you all the best for your try. Let the blessings of Shri Satya S** Baba be with you and you all people get success in your task along with wisdom. आपलाच, (कॉर्पोरेट )मनोबा जोक्स अपार्ट, आपल्या उपक्रमाला मनःपुर्वक शुभेच्छा. कामातील व्यस्ततेमुळे फारसा पुढाकार घेण्यास समर्थ नाही. तरीही कुणाची या संदर्भात concrete(आयला, मराठी गंडलं इथं ) योजना कळली तर यथाशक्ती मदत करण्यास तयार आहे. आपलाच, (मराठी )मनोबा

एक प्रयत्न

आपले प्रयत्न आम्हाला उत्तुंग शिखरे गाठण्यासाठी उत्प्रेरक असतात. आपल्या प्रयत्नांसाठी शुभेच्छा. श्री सत्य साईबाबांचे आशीर्वाद आणि ज्ञान आपल्या पाठीशी असो, असे माझे आशीर्वाद. (बाबा/सत्य/झाट इत्यादि लोकांना स्पष्ट इंग्रजी का येत नाही, हे मला खरच कळत नाही. उदा. सदर प्रतिसादाचे शीर्षक आहे: "We Appreciate your concern for Marathi." आता, यातला एप्रिशियेट मधला ए कॅपिटल का बॉ ? दुसरे: "Baba be with you and you all people get success" म्हणजे काय ? यू अँड यू ऑल, म्हणजे "तू आणि तुम्ही सर्व" असा आहे का ? असे असले, तर तू आणि तुम्ही सर्व मध्ये काय फरक ? बाबा, तू आणि तुम्ही सर्व ह्यात विकल्प करतात काय ? कसा ? का ? -- मिसळभोक्ता (आमचेकडे सर्व प्रकारच्या आनंदांवर विरजण घालून मिळेल.)

यू अँड यू

यू अँड यू ऑल, म्हणजे "तू आणि तुम्ही सर्व"

ते टेक्सास कडच्या यॉल चं फसलेलं भाषांतर असावं. मी चुकून S*** baba असं वाचलं...

तुमच्यात

तुमच्यात हिम्मत असेल तर गुंडोपंत स्वतः मदतीला तयार आहेत.

तुम्ही काय काय करणार ते सांगा..मी फार तर विज्ञानपर(रसायनशास्त्र वर जास्त चांगला) लेख लिहु शकतो तुम्ही काढलेल्या साईट्वर. आणि तुम्ही बोलताय ना ते प्रयत्न शाळेत व्हायला हवेत....राव ही अमेरीका नाही जिथे शाळेतली मुल इंटरनेट्वर आभ्यास करतात. आणि शाळेतली मुल मराठीतच अडकुन न रहावी ही इच्छा.......कारण जेव्हा तुम्ही विज्ञान बोलता तेव्हा तुम्हाला परभाषेचे ज्ञान हे असावेच लागते..कारण जवळ्जवळ सर्वच उपयुक्त माहीती(विज्ञान संबधी) ही ईंग्लिश मधेच आहे. मराठीचा अभिमान बोलायला बरा वाटतो हो.........पण हीच मुल आपल म्हणन उद्या जगाला कस पटवतिल,कसा आपला एखादा शोध,कल्पना जगाला समजावतिल??? बाकी आपला प्रयत्न प्रामाणिक असेल तर त्याला माझ्या खुप शुभेच्छा! ************************************************* You want to cope with 'Global Warming'? Then ban porn movies!!

खरंच की!!!

"मराठीचा अभिमान बोलायला बरा वाटतो हो.........पण हीच मुल आपल म्हणन उद्या जगाला कस पटवतिल,कसा आपला एखादा शोध,कल्पना जगाला समजावतिल???" कारण जवळ्जवळ सर्वच उपयुक्त माहीती(विज्ञान संबधी) ही ईंग्लिश मधेच आहे. हे रशियन, जपानी, जर्मन, फ्रेंच इत्यादी लोक किती मुर्ख आहेत. आपापल्या भाषेत संशोधन करतात. एवढा साधा मुद्दा त्यांच्या लक्षात कसा आला नाही? रशियन अमेरिकेच्या आधी अंतराळात गेले ते इंग्लिश शिकल्यामुळेच की काय? मोठे वस्ताद दिसतात. पत्ता लागू दिला नाही

माहीती

माहीती बद्दल धन्यवाद......... आता मला काय व का बोलायच होत ते वाचा. आता त्या संशोधकाच नाव मला आठवत नाही व मला शोधायला कंटाळा आलाय...... 'त्याने' आपले सर्व papers आपल्या भाषेत लिहले होते(कदाचित स्पॅनिश).त्यामुळे ते कोणाच्या वाचनात आले नाहीत...तेव्हा एका दुस-या संशोधकाने त्याचे इग्रजीत भाषांतर करुन ते जगापुढे मांडले...............तेव्हा त्याचे महत्व ईतरांना पटले पण तेव्हा 'तो' मरुन २० वर्ष झाली होती. आता विज्ञान मराठीत आणून नंतर ते शिकण्यापेक्षा ते इंग्लिश मधे शिकलेले काय वाईट? आणि हो रशिया वगैरेची उअदाहरण नका देउ........तिथे संगणकापासुन ते विमानतळावर त्यांची भाषा असते आणि आपल्या ईथे प्रधानमंत्री,राष्ट्रपती देशाला आवाहन करतात(DD national वरुन) तेसुद्धा इंग्लिश मधे......तेव्हा आपण त्या देशाबद्द्ल न बोललेले बरे. आपण आपल्या ईथे काय लागु होते ते बघुन विचार करावा. *************************************************

"तिथे

"तिथे संगणकापासुन ते विमानतळावर त्यांची भाषा असते " तेच साध्य करायचा प्रयत्न इथे चालू आहे. प्रधानमंत्री,राष्ट्रपती देशाला आवाहन करतात(DD national वरुन) तेसुद्धा इंग्लिश मधे हे चित्र बदलावं असं किमान आपल्याला मनापासून वाटत पण नसेल तर इथे वेळ वाया घालवू नका (स्वत:चा आणि दुसर्‍यांचा) ठळक अक्षरात लिहीले म्हणजे तुमचे म्हणणे खरे होत नाही. त्यामुळे फक्त तुम्हाला टॅग माहीती आहेत एवढेच कळते...

मला

मला आंतरजालावर हे आरोग्यविद्या विषयक मराठी संकेतस्थळ सापडले : http://arogyavidya.org/index.php?option=com_content&view=article&id=814:2010-02-20-06-14-59&catid=732:2010-02-13-04-35-49&Itemid=859 येथे शाळेतील मुलांना व मोठ्यांनाही बरीच उपयुक्त माहिती मिळू शकेल. मी अजून ते संकेतस्थळ पूर्ण पाहिले नाही, पण प्रथमदर्शनी तरी उपयोगी वाटले. अरुंधती http://iravatik.blogspot.com/

>> जेव्हा

>> जेव्हा तुम्ही विज्ञान बोलता तेव्हा तुम्हाला परभाषेचे ज्ञान हे असावेच लागते..कारण जवळ्जवळ सर्वच उपयुक्त माहीती(विज्ञान संबधी) ही ईंग्लिश मधेच आहे. भाषा लक्ष शिका। परि सतत द्या लक्ष स्वभाषेकडे ॥ मी ॠचा र॑गुनी र॑गात सार्‍या र॑ग माझा वेगळा !!